SABEH

Ami nia voluntário iha Komulale no Akrema.

Komunidade hela iha área remotas barak labele halo konsulta iha loron / oras servisu nian, ou Sira ba konsulta wainhira sente moras makaas oituan. Ita pessoal saúde mos dala ruma fo sala ba sira hodi dehan “ moras todan ona mak halai mai konsulta” maibe ita rasik dala ruma lakohi buka atu hatene ou Rona sira nia razaun.

Maioria povo hela iha área remotas, sira sei precupa ho servisu atu oinsa Bele han dala tolu loron ida ou oinsa sira Bele faan netik buat ruma atu sosa ou selu sira nia Oan nia escola. Situasaun Moris ne’e obriga sira sai husi uma sedu no fila kalan. La iha tempo ba sira nia an no mos ba konsulta.
Hare ba situasaun hirak ne’e Ami nia voluntário hili hela no toba iha fatin nebe sira halao konsulta medika.
Komunidade sira nebe fila husi to’os, natar no atividade sira seluk iha loron nia rohan bele hetan oportunidade hodi konta sira nia moras no konsulta direita ho ami nia voluntário profissional saúde sira.

Tempo to’o ona ba ita nia Komunidade sira iha áreas remotas ba konsulta wainhira moras makaas.

Foto Atividade konsulta kalan iha Komulale no Akrema.

SABEH servisu hamutuk ho Saint John Ambulance Tasmania no Centro Saúde Atauro fo treinamento Kursu Salva Moris Básico ba pessoal Saúde sira iha Ilha Atauro.
Atividade treinamento hahu husi loron 13-15 Julho 2026 ho participantes hamutuk 24.