Ola Timor

Ola Timor !
Nutisia diak tebes, Diretora JSMP hateten, lei garante katak ba kazu violasaun seksual, abuzu seksual ka insestu, testamuna no vitima la tenke ba tribunal atu fo deklarasaun ka deimentu, tantu vitima iha estranjeiru ka iha rai laran. Tribunal bele rona vitima husi Skype.

Bele asesu nutisia Neon Metin iha ne'e: https://neonmetin.info/buletin/2021/03/17/serka-sanitaria-jsmp-difikulta-vitima-vbj-asesu-asistensia-no-tribunal/?fbclid=IwAR2HBCOwlwDPPUhM4iEK0t__JwqHqNbGG-euiMedHnKZNwhtNR8-7XvwQoY

MEMORIA MORUK
Husi: SS

Naroman husi fatin ne’e, atrai hau.
Fatin ne’e nia morin, dada hau ba neeba.
Fatin ne’ebe diakliu hau-nia uma rasik.
Fatin neebe fo mai hau, buat hotu:
inklui hahan, roupa, no eskola.

Iha fatin ne’e, hau mos hetan domin husi Nia.
Nia neebe harii fatin ne’e ba ami - oan kbiit-laek sira.
Nia neebe hadomi ami hanesan nia oan rasik.
Nia neebe lori naroman no morin ne’e ba ami-nia moris.

MAIBE…
Iha naroman ne’e, iha mos nakukun.
Nakukun neebe taka metin ami-matan.
Nakukun neebe taka metin ami-neon.
Hanonook ami ba buat hotu neebe nia halo mai ami:
diak no mos at.

MAIBE…
Serake domin hanesan aman mak nune’e ?
LAE. Buat balun neebe Nia halo dois no moruk loos.
Dois nee, halo hau toba ladiak.
Moruk ne’e, halo hau atu muta.

Hau labele tolan tan ona. Hau tenke hasai.
Moruk ne'e nia iis tenke SAI DUNI, hodi SULAN NIA.
CHEGA ! Buat moruk ne’e TENKE PARA ONA!.
Hau hakarak dook husi MEMORIA MORUK ne’e.
FAVOR LABELE IHA TAN LABARIK FETO SELUK
MAK IHA MEMORIA MORUK HANESAN HAU.

Too ohin, ami iha 150 likes.
Obrigado ba maluk sira hotu nia apoiu!
Se iha pergunta ruma, halo favor haruka mensajen mai messenger Ola Timor-Leste.