Kmanek media

Parlamentu Nasionál hato’o votu pezár ba falesimentu deputadu António Verdial

Militantes CNRT, FRETILIN, PLP, PD, PUDD no Os Verdes Afilia Ba Partidu KHUNTO

Baucau, 20 de Setembro 2025 – Estrutura foun Partidu Kmanek Haburas Unidade Nasional Timor Oan (KHUNTO) iha Postu Administrativu Venilale no Baucau Vila, hetan reforsu boot bainhira militante husi partidu seluk hanesan CNRT, FRETILIN, PLP, PD, PUDD no Os Verdes deside afilia ba KHUNTO.

Iha serimónia tomada de posse, militante sira-ne’e hatudu klaru nia konfiansa ba KHUNTO hanesan alternativa polítiku ida ne’ebé konsege fó esperansa foun ba povu.

Reprejentante Afiliantes Husu atu lideransa KHUNTO kontinua konsolida unidade no defende povu ki’ik.
“Ami muda ba KHUNTO tanba ami fiar partidu ida ne’e sei representa deit povu,” hatete representante militante.

Prezidente KHUNTO, Armanda Berta dos Santos, agradece ba konfiansa ne’ebé militante sira fó no husu atu sira servisu hamutuk ho disciplina, unidade no transparencia.

Afiliasaun militante husi partidu seluk sei considera hanesan sinal de confiança boot ba KHUNTO no aumenta influénsia partidu iha nível lokal.

Partidu KHUNTO Hala’o Ajustamentu Estrutura iha Suku Parami, Postu Atsabe, Munisípiu Ermera

ATSABE (13-9-2025)– Partidu Kmanek Haburas Unidade Nasional Timor Oan (KHUNTO) kontinua konsolida Estrutura iha base polítika iha nivel lokal, liuhusi hala’o ajustamentu ba estrutura partidáriu iha Suku Parami, Postu Administrativu Atsabe, Munisípiu Ermera. Atividade ne’e hala’o iha fim de semana, ho partisipasaun membru sira husi suku no lideransa lokal.

Durante reuniaun, lideransa KHUNTO hatudu prioridade atu reorganiza no reforsa koordinasaun entre delegadu suku no posto, hodi hatama klaridade ba funsionamentu estrutura partidáriu.

Representante distrital KHUNTO hateten katak ajustamentu ne’e parte husi esforsu atu konsolida unidade membru, prepara partidu hodi responde ba dezenvolvimentu polítika nasional no lokál iha tempu oin.

Lideransa KHUNTO iha suku Parami mos reafirma nia kompromisu atu kontinua hamutuk ho komunidade, fó prioridade ba problema fundamentál hanesan agrikultura, juventude no infrastrutura lokál.

Atividade ne’e remata ho deklarasaun motivasaun hosi membru foun, ne’ebé prontu atu kontribui ba movimentu polítika KHUNTO iha Ermera.

Reajustamento Estrutura ne’e Lidera husi Estrutura Nasional Partidu Kmanek Haburas Unidade Nasional Timor Oan (KHUNTO).