Jimmy Tube
แชร์
27/03/2026
ဒီနေ့တော့ Koh Phangan ရဲ့ တောတောင်ရေမြေအလှတွေကို တဝကြီး ခံစားခဲ့ရပါတယ်။ ရေတံခွန်မှာ ရေအေးအေးလေးချိုးရင်း၊ ဖြူဖွေးတဲ့ သဲသောင်ပြင်ပေါ်မှာ အပန်းဖြေခဲ့တဲ့ ကျွန်တော်တို့စုံတွဲရဲ့ ခရီးစဉ်လေးကို ဗီဒီယိုထဲမှာ အတူတူကြည့်လိုက်ရအောင်နော်! ပြီးတော့
Jungle Party ရဲ့ တောနက်ထဲက စည်းချက်တွေကနေ... နောက်တစ်ရက်မှာ သူငယ်ချင်းတွေနဲ့အတူ ဆုံခဲ့တဲ့ ကမ္ဘာကျော် Full Moon Party အထိ! 🌕🔥 ၂ ညဆက်တိုက် Koh Phangan ရဲ့ အလန်းဆုံး Vibes တွေကို Jimmy Tube မှာ အတူတူ ခံစားကြည့်လိုက်ရအောင်။
Welcome back to my channel!
Coming soon!
26/09/2025
Spotted out at Phuket old town.
Captured by Jounce Zinger
20/06/2025
ဖူးခက် (Phuket) ကို ရောက်ဖူးသူတိုင်း မေ့မရနိုင်တဲ့ အထင်ကရ နေရာ ၅ ခု ကတော့ အောက်ပါအတိုင်း ဖော်ပြပေးလိုက်ပါတယ်။ ထိုင်းနိုင်ငံရဲ့ အကြီးဆုံးကျွန်းဖြစ်တဲ့ ဖူးခက်ဟာ လှပတဲ့ ကမ်းခြေတွေ၊ ကြွယ်ဝတဲ့ ယဉ်ကျေးမှုအမွေအနှစ်တွေနဲ့ စွန့်စားခန်းတွေ ပေါင်းစပ်နေတဲ့ နေရာတစ်ခုပါ။ 🛶🏝️🌄
ကမ်းခြေနဲ့ ပင်လယ်ရေ ကြည်ကြည်လင်လင် ကြိုက်ပြီး Party တွေလည်းကဲချင်တယ်/ သဘာဝကိုလည်း သဘောကျတယ်ဆိုရင် ဖူခက်ဟာ သင့်အတွက် အိမ်ဖြစ်ပါတယ်။😎✨
🏝️၁။ ရင်သပ်ရှုမောဖွယ် ကမ်းခြေများ (Stunning Beaches)
ဖူးခက်ရဲ့ နာမည်ကျော်ကြားမှုရဲ့ အဓိက အကြောင်းရင်းကတော့ သူ့ရဲ့ သဲဖြူဖြူ ကမ်းခြေတွေနဲ့ ကြည်လင်တဲ့ ပင်လယ်ရေတွေပါပဲ။
ပတောင်း ကမ်းခြေ (Patong Beach): ဒါဟာ ဖူးခက်ရဲ့ အကျော်ကြားဆုံးနဲ့ စည်ကားဆုံး ကမ်းခြေ ပါ။ ညဘက်ဆိုရင် ဖျော်ဖြေရေးနေရာတွေ၊ စားသောက်ဆိုင်တွေနဲ့ ဈေးဆိုင်တွေက သွားစရာမကုန်အောင် ပေါများလှပါတယ်။ ရေအားကစားမျိုးစုံကိုလည်း လုပ်နိုင်ပါတယ်။
ကာတာ ကမ်းခြေ (Kata Beach): ပတောင်းထက် ပိုပြီး တိတ်ဆိတ်အေးချမ်း လိုသူတွေအတွက် ကာတာကမ်းခြေက အသင့်တော်ဆုံးပါပဲ။ မိသားစုလိုက် အပန်းဖြေဖို့ ကောင်းသလို လှိုင်းစီးဝါသနာရှင်တွေအတွက်လည်း လှိုင်းအသင့်အတင့်ရှိပါတယ်။
ကာရွန် ကမ်းခြေ (Karon Beach): ဖူးခက်မှာ တတိယအရှည်ဆုံး ကမ်းခြေဖြစ်ပြီး သဲဖြူဖြူတွေနဲ့ ပြန့်ပြူးတဲ့ ကမ်းခြေက လမ်းလျှောက်ဖို့ အကောင်းဆုံးပါပဲ။ ကမ်းခြေအလှကိုလည်း အပြည့်အဝ ခံစားနိုင်ပါတယ်။
🏝️၂။ ဖီဖီကျွန်းများဆီ စွန့်စားခန်း (Adventure to Phi Phi Islands)
ဖူးခက်ကနေ လှေနဲ့ နာရီအနည်းငယ် သွားရတဲ့ ဖီဖီကျွန်းစု (Phi Phi Islands) ဟာ ကမ္ဘာ့အလှဆုံး ကျွန်းတွေထဲက တစ်ခုအဖြစ် သတ်မှတ်ခံထားရပါတယ်။
မာယာပင်လယ်အော် (Maya Bay): "The Beach" ရုပ်ရှင်ရိုက်ကူးခဲ့တဲ့ ဒီပင်လယ်အော်ဟာ ကျောက်ဆောင်ကြီးတွေ ဝန်းရံထားပြီး ရေစိမ်းပြာပြာလေးတွေက သင့်ကို ဖမ်းစားပါလိမ့်မယ်။ Snorkeling နဲ့ Scuba Diving ဝါသနာရှင်တွေအတွက်တော့ ရေအောက်ကမ္ဘာအလှက အံ့မခန်းပါပဲ။
🔔၃။ ဘစ်ဗုဒ္ဓရုပ်ပွားတော် (The Majestic Big Buddha)
ဖူးခက်ရဲ့ ကုန်းမြင့်ပေါ်မှာ တည်ရှိတဲ့ မီတာ ၄၅ မြင့်တဲ့ ဘစ်ဗုဒ္ဓရုပ်ပွားတော် (Big Buddha) ဟာ ကျွန်းရဲ့ အထင်ကရ သင်္ကေတတစ်ခုပါပဲ။
ဒီနေရာကနေဆိုရင် ဖူးခက်ကျွန်းရဲ့ ပတ်ပတ်လည် ရှုခင်းအလှ ကို ၃၆၀ ဒီဂရီ အပြည့်အဝ ရှုစားနိုင်မှာ ဖြစ်ပါတယ်။ နေဝင်ဆည်းဆာချိန်ဆိုရင် ပိုပြီး လှပတဲ့ မြင်ကွင်းကို ခံစားရပါလိမ့်မယ်။ ဘုရားဖူးရင်း၊ စိတ်အေးချမ်းသာစွာ အပန်းဖြေရင်း ရှုခင်းကြည့်ရှုနိုင်ပါတယ်။ (မိုးရာသီဆိုရင် safty အရ ပိတ်ထားတတ်ပါတယ်)
📸၄။ ဖူးခက်မြို့ဟောင်းရဲ့ ဆွဲဆောင်မှု (Charm of Phuket Old Town)
ဖူးခက်ရဲ့ သမိုင်းနဲ့ ယဉ်ကျေးမှုကို စိတ်ဝင်စားတယ်ဆိုရင်တော့ ဖူးခက်မြို့ဟောင်း (Phuket Old Town) ကို သွားရောက်လည်ပတ်သင့်ပါတယ်။
Photo ကြိုက်တဲ့ အချောလေးတို့အတွက် နောင်တရစရာမရှိပါဘူး။
Sino-Portuguese ဗိသုကာလက်ရာ တွေနဲ့ တည်ဆောက်ထားတဲ့ ရှေးဟောင်းအဆောက်အအုံတွေ၊ ရောင်စုံလမ်းကြားလေးတွေ၊ အနုပညာဆိုင်လေးတွေနဲ့ ကော်ဖီဆိုင်လေးတွေက သင့်ကို အချိန်အကြာကြီး မေ့မရနိုင်အောင် ဖန်တီးပေးပါလိမ့်မယ်။
✨ Tip: တနင်္ဂနွေနေ့ညတွေမှာ ဖွင့်လှစ်တဲ့ ညဈေးတန်း (Walking Street) ကလည်း ဒေသအစားအစာတွေနဲ့ အမှတ်တရပစ္စည်းတွေ ရှာဖွယ်ဝယ်ယူဖို့ အကောင်းဆုံးပါပဲ။
🔔၅။ ဝပ် ချာလွန်ဂ် (Wat Chalong)
ဖူးခက်မှာရှိတဲ့ အကြီးဆုံးနဲ့ အရေးပါဆုံး ဘုရားကျောင်း (Temple) ဖြစ်တဲ့ ဝပ် ချာလွန်ဂ် (Wat Chalong) ဟာ ထိုင်းဗုဒ္ဓဘာသာရဲ့ ယဉ်ကျေးမှုကို ထင်ဟပ်နေတဲ့ နေရာတစ်ခုပါ။
လှပတဲ့ ဗိသုကာလက်ရာတွေ၊ ရွှေရောင်ဆင်းတုတော်တွေနဲ့ တန်ဆာဆင်ထားတဲ့ ဘုရားကျောင်းဝင်းထဲမှာ ငြိမ်သက်အေးချမ်းမှုကို ခံစားရမှာပါ။ ဘုရားဖူးလာတဲ့ ဒေသခံတွေနဲ့ ကမ္ဘာလှည့်ခရီးသည်တွေရဲ့ ဝတ်ပြုဆုတောင်းသံတွေကလည်း နားဆင်စရာတစ်ခုပါပဲ။
ဒီအထင်ကရနေရာတွေအပြင် ဖူးခက်မှာ သင်စိတ်ဝင်စားရာ အခြားလှုပ်ရှားမှုတွေ၊ အပန်းဖြေစရာတွေ အများကြီး ရှိပါသေးတယ်။
ဖူခက်မှာခရီးသွားရင်း Day Tour များကို ၀ယ်လိုပါက Lee Phuket Travelနဲ့ချိတ်ဆက်ပြီး Online မှမေးမြန်းဝယ်ယူနိုင်ပါသည်။
คลิกที่นี่เพื่อเป็นสมาชิก?
