Cohere Revo

ကံထူးမ ရဲစခန်းအနီး ဈေးတန်းကို စစ်တပ်က ဂျက်ဖိုက်တာ ၃စီးနဲ့ ဗုံးကြဲ

ဧပြီ-၂၁၊၂၀၂၆။ဇော်ရမ်း/People's Spring

စစ်ကိုင်းတိုင်း၊ တန့်ဆည်မြို့နယ်က ကံထူးမ ကျေးရွာနယ်မြေ ရဲစခန်းအနီး ဈေးတန်းကို စစ်တပ်က ဂျက်ဖိုက်တာ ၃စီး ဖြင့် ဗုံးကြဲတိုက်ခိုက်သဖြင့် ဆီဘောက်ဆာ ကားအချို့ မီးလောင်နေပါတယ်။

ဒီ‌နေ့ ဧပြီ ၂၁ရက် နေ့လယ် ၁၂ နာရီ ၂၀မိနစ် မှ ၁၂နာရီ၄၀မိနစ် အတွင်း ဗုံး၅လုံး ကြဲသွားတာလို့ ဒေသခံတွေက ပြောပါတယ်။

ဆီဘောက်ကားအချို့ မီးလောင်နေပြီး ၁နာရီ၄၅မိနစ်အထိ ရရှိထားတဲ့သတင်းအရ လူ ၃ဦး ဒဏ်ရာရထားတယ်လို့ သတင်းရင်းမြစ်က ပြောပါတယ်။

ကံထူးမ ရဲစခန်းအပါအဝင် တန့်ဆည်မြို့နယ်အတွင်း ရှိ စစ်တပ် စစ်ကြောင်းတွေကို ပြည်သူ့ကာကွယ်ရေးပူးပေါင်းတပ်ဖွဲ့တွေက ၂၀၂၄ ဖေဖော်ဝါရီမှာ တိုက်ခိုက်ပြီး နယ်မြေကိုထိန်းချုပ်ခဲ့တာပါ။

ရေဦး-ကလေးဝလမ်းပိုင်းမှာရှိပြီးလမ်းပန်း ဆက်သွယ်ရေး အချက်အချာ ကျတဲ့ ကံထူးမရွာကိုစစ်တပ် က ပစ်မှတ်ထားပြီး မကြာခဏ ဗုံးကြဲနေပါတယ်။

ပြီးခဲ့တဲ့ ၂၀၂၅ စက်တင်ဘာ၂၆ရက် နေ့ ကလည်း ကံထူးမရွာကို စစ်တပ်က ဗုံးကြဲလို့ ဆီဘောက်ဆာကားတွေ မီးလောင်ပြီး အရပ်သား ၈ဦးသေဆုံး၊ ၁၂ဦး ဒဏ်ရာရခဲ့ပါတယ်။

( တန့်ဆည်မြို့နယ်က ကံထူးမကျေးရွာနယ်မြေရဲစခန်းအနီး ဈေးတန်းကို စစ်တပ်ကဂျက်ဖိုက်တာ ၃စီးနဲ့ ဗုံးကြဲတိုက်ခိုက်အပြီး မီးလောင်နေစဉ်။ ဓာတ်ပုံ - CJ)

#ကူးယူဖော်ပြခြင်းဖြစ်ပါသည်

ယနေ့ နေ့လယ် အချိန် ၊ မင်းလက်ပံ စာသင်ကျောင်းကို ကာမီကာဇေဖြင့် အကြမ်းဖက်စစ်တပ်က တိုက်ခိုက်ဗုံးကြဲ .....ခဲ့။

Photo Credit to.....

ဖလူးလေးကျေးရွာ၌ အာဏာသိမ်းစစ်တပ်ဒရုန်း တိုက်ခိုက်မှုကြောင့် စာသင်ကျောင်းနှင့် ဘုန်းကြီးကျောင်းအအုံများ ထိခိုက်

စက်တင်ဘာ ၂၆ရက်၊ ၂၀၂၅ခုနှစ်။ ကေအိုင်စီ

မြဝတီမြို့ တောင်ဘက်ရှိ ဖလူးလေးကျေးရွာသို့ ယနေ့၊ စက်တင်ဘာ ၂၆ ရက် နေ့လည် ၁၂ နာရီအချိန်တွင် အာဏာသိမ်းစစ်တပ်က အသေခံဒရုန်းဖြင့် တိုက်ခိုက်မှု နှစ်ကြိမ် လုပ်ဆောင်ခဲ့သည်ဟု သိရသည်။

အဆိုပါ တိုက်ခိုက်မှုကြောင့် ကျေးရွာရှိ စာသင်ကျောင်းနှင့် ဘုန်းကြီးကျောင်းတို့ ထိခိုက်ပျက်စီးမှု ဖြစ်ပွားခဲ့သည်ဟု ဒေသခံများက ပြောသည်။ Photo: CJ