Isack carab

Waa maxay dowlad wanaagsan ?

Dowladnimo wanaaga waa habka ay dowladuhu u maamulaan si hufan, daahfuran, caddaalad leh, isla markaana ku saleysan sharciga, rabitaanka shacabka, iyo ilaalinta xuquuqda aadanaha. Dowladnimo wanaaga waa tiir muhiim u ah horumarka, nabadda, iyo dowladnimada waarta.
Qodobbada ugu muhiimsan ee dowladnimo wanaaga ka mid ah:

• Sharciga u hogaansanaan (Rule of Law)
– In dhammaan dadka, madaxda iyo shacabka labadaba, ay sharciga u siman yihiin, laguna dhaqmo si caddaalad ah.

• Daahfurnaan (Transparency)
– In shacabka loo sheego go’aannada muhiimka ah iyo habka loo gaaray, lagana helo xog dhab ah oo ay fahmi karaan.

• La xisaabtanka (Accountability)
– In madaxda iyo hay’adaha dowladda lagu xisaabtamo go’aannadooda iyo waxqabadkooda.

• Ka qaybgalka shacabka (Participation)
– In muwaadiniintu helaan fursad ay kaga qayb qaataan go'aan qaadashada, sida doorashooyin xor ah ama goleyaal deegaanka.

• Cadaalad iyo sinaan (Equity and Inclusiveness)
– In dhammaan bulshada qaybteeda la siiyo xuquuq siman oo aan cid gaar ah loo eexan.

• Maqnaanshaha musuqmaasuqa (Anti-Corruption)
– In si adag loola dagaallamo musuqmaasuqa, lana xoojiyo hay’adaha dabagalka iyo garsoorka.

• Helidda adeegyo tayo leh (Effective Service Delivery)
– In dowladda ay si wanaagsan u gudato adeegyada aasaasiga ah sida caafimaadka, waxbarashada, iyo amniga.

• Xasilooni siyaasadeed iyo nabad (Political Stability and Peace)
– In si nabad ah loo maamulo kala aragti duwanaanta, lagana hortago rabshadaha iyo qalalaasaha.

Ujeeddada dowladnimo wanaaga:
In la helo dowlad si hufan u adeegta dadkeeda, lagu kalsoonaan karo, shacabka u horseeda horumar, kuna shaqeysa dan guud oo ka sarreysa dan gaar ah

FG - Intaan hadii la waayo majirto wax diidaya inuu dhaco kacdoon dadweyne iyo dhalinyaro si uu isbadal udhaco dhanka maamulka oo hogaan wanaagsan loo helo