Gedo_7olandy

"تحتاج أحيانًا إلى تلك الأيام السيئة، لمساعدتك على تقدير الأيام الجيدة."♥️

شُعوركِ بالضيّق تجاه يوم سيء أو
موقف معين حصل ليكِ فيهِ، أو ما
اتوفقتِ في حاجة مَا أو تضايقتِ لأسباب
كتيرة جدًا وبتختلف من شخص للتاني،
اليوم اللِي بتحسبيهِ إنو ما كان لطيف
أو good بالنسبة ليكِ فغالباً بدون ما
تشعري بتكونِي طلعتِ منه بحاجات
وأفكار ممكن تفيدك لقدام وتغير في
أسلوب حياتك..
كلنا بس بنركز على جانب mood وإنو
بالنا بقى ما رايق، أحيانًا كتيرة زي
ما بنطلع من الأيام الحلوة بشعور حلو
وشغف وإلهام، كمان الأيام الصعبة بتعلمنا
ونطلع منهَا بأكتر مما نتخيل، وبتخليكِ دايمًا متذكرة قيمة good days والروتين اليومي العادِي، ونحمد ربنا على كل يوم يمر علينا ونحنا آمنين.

نقطة مهمة طلعنا بيها من الحرب
دِي، وهِي المداومةَ على شكر الله على كل حال، تذمركِ من حياتك ومن روتينكِ
المتكرر البسيط بخليك تنسي إنو دي
نعمة برضو، تستحق الشكر والحمد، وإنو
في لحظة صغيرة جدًا ممكن تُسلب منكِ
وتبقي نادمة على فوات حياتكِ القديمة.

• برغم الأزمات وشكل ظروف
كل واحد فينا، والأيام الصعبة جدًا،
وحنينكِ الذي لا ينقص لناسك ورفاقك
وبيتك وحياتك القديمة، برغم دا كله
إنت في نعمة كبيرة، طالما لسه بتتنفسِي
وقادرة تعملي واجبك تجاه ربنا وفي
مكان أكثر أمان والحوليكِ طيبين وبخير
يبقى دي نعمة تستحق الشُكر، ما تخليكِ
دايمًا مُتذمرة وما عاجبك وضعك ولا حياتك، غيّري نفسك للأحسن وقدرِي
أيامك أكتر.

⚪جاء في تفسير الآية 7 في
سورة إبراهيم:
﴿وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ﴾
أن موسى عليه السلام قال لقومه لئن شكرتم الله على ما أنعم به عليكم من تلك النعم المذكورة ليزيدنكم عليها من إنعامه وفضله، ولئن جحدتم نعمه عليكم ولم تشكروها، فإن عذابه لشديد لمن يجحد نعمه ولا يشكرها.

•أخيرًا..
صادفتني مقولة جميلة:
على الجانب الآخر من الغيوم سماء زرقاء لامعة، احتفِي دائمًا بأيامك كلها.♥️

..

ح تعرف أنو المال و الرفقة و اللمة و الناس و كل المتطلبات و الاحساسيس ما ح تعني و لا ح تسوي ليك شيء .. لو أنك فقدت إحساس الأمان ..

و ح تعرف برضو حقيقة قاسية و هي أنو العشرة الطويله ما كانت كافية عشان تعرف معادن الناس الحوليك و إنما هي المواقف فقط ..

ح تبدأ تعرف تماما الفرق بين القول و الفعل .. و ح تبدأ تدرك أنو حقيقة تانية و هي أنو الكلمات ما عقود موثقة عشان تعتمد أو تبني عليها ..

و ح تعرف أنو وعود اليوم ما ضمانات لي بكرا .. ح تعرف برضو انو بعض الخسائر ما كلها ممكن تكون هزائم .. لانو قدرت عرفت الأهم منها ..

عشان كدا يا عزيزي أتقبلها بكل قوة .. و استدرك ضرورة رسم طريق لأهدافك و لي حياتك تحت كل الظروف ..

و خليك عارف انو الحقيقة المطلقة هو أنك تتقبل النهائيات عشان هي باب البدايات الاجمل .. ❤️

السرعه الاتغيرت بيها الحياه مخيفه لأبعد حد حرمت الناس من بيوتها وشغلها ودراستها وحياتها وفرقتهم من اهلهم وفجعتهم باخبار اقرب الناس ليهم (ربنا يرحم امواتنا جميعاً)٠٠ وورتنا انو الخطط والحاجات الكنا مفكرين فيها وعاوزين نعملها كلها بيد الله ، عشان كده دايمآ نتوكل علي الله ونحمده علي اي وضع نحنا فيهو .. والحرب دي لو ما غيرت في نفسك شي وخلتك تعرف انها زايله وزايل نعيمها يبقي راجع نفسك تاني
وربنا ينجينا من فواجع الاقدار ويديم سترو علينا ويبدل احوالنا لي احسنها ويلم شملنا تاني...يارب تصلح حالنا وحال بلدنا🤲💔.

السودان وطنا م حيتصلح الا لو قمنا ليه احنا
مالم يكون عندنا الغيرة على وطنا واشتغلنا اولا عشانه وعشان نبنيه م حيتصلح

للأسف الحرب كشفت معادن الكثر وكأنه م الشعب السوداني العرفناه وعهدناه
مواطن يسرق حق مواطن اخوه وجاره وكسر ونهب وترهيب وتكذيب
حتى تجار الاذمات في الحرب الناس بتقيف مع بعض وتسند بعض بس م تضر بعض
الكابلي في كوبليه ليه من اغنية قمر دورين قال

"بأملنا وبعملنا و بالمحنه
و بوفا النيل في دمانا نبني جنه

و نبتهج نحنا و صغارنا و نتغنى
يا أصلنا و مبتدانا يا حلاة مسرح صبانا وذكرياتنا و مشتهانا

انت فينا كبير و ريدنا ليك كبير"
بعد نهاية الحرب كلنا محتاجين وقفة واحدة وبنية وبضمير واحد نصلح ونبني وطنا حتى إذا هجرناه
حيفضل وطننا للمات
لازم كل واحد فينا تحيا جواه روح الوطنية
حتى الاطفال رغم المحنة الفينا اغرسو في جواهم حب الوطن لانهم هم الجيل الحيغير الوطن
السودان وطنا م حيتصلح الا لو قمنا ليه احنا
مالم يكون عندنا الغيرة على وطنا واشتغلنا اولا عشانه وعشان نبنيه م حيتصلح

In the darkest of crises, I try hard not to lose hope
"Hope for a better tomorrow"
ُفترق.
انت عندي كبير.... وحبي ليك كتير
والقومة ليك يا وطني. 💜