Said Gelle

“Xidhiidhku ma aha wax si sahlan lagu helo oo lagu hayo, waa ballan laba qalbi ay si dhab ah u qaataan inay is doortaan maalin kasta. Xitaa marka ay wax adkaadaan, jacayl dhab ah ma aha mid kaa dhigaya qof tabar yar ee waa mid ku siiya xoog aad naftaada ku dhisto, ku baraya inaad hadasho, inaad fahanto iyo inaad ilaaliso qofka aad qalbiga ka dooratay.
Mararka qaar way imaanaan maalmo adag, aamusnaan isfahan la’aan iyo qalbi dhaawac, laakiin haddii aad dhab u jeceshahay ma aha inaad iska tagto, ee waa inaad isku daydaa.
Ha sugin jacayl qumman, samee jacayl run ah. Ha sugin qof aan qalad lahayn, dooro qof diyaar u ah inuu khaladkiisa garto.
Xidhiidhka quruxda badan ma aha mid aan waligiis jabin, waa mid marar badan jabay laakiin mar walba dib loo dhisay.
Haddii aad rabto jacayl sii jira, ha noqon qof si fudud u daala, noqo qof ku adkaysta, ku dadaala oo qiimeeya waxa uu haysto. ❤️”