JUI_Tiger

طویل غیرحاضری کے بعد آپ کا دوست آپ کا بھائی ایک بار پھر آپ کے خدمت میں حاضر ھے، تعطل کیلئے معذرت🙏، عید کے بعد ھوگا اصل میدان گرم۔

کچھ اہم اور انتہائی ضروری باتیں کرنی ہیں۔ وقت نکال کر لکھنے آیا ہوں:

اس ساری صورتحال میں یہ بات واضح ہوچکی ہے کہ بھارت جنگ چاہتا ہے۔ اس کے ساتھ کچھ اور بھی قوتیں کھڑی ہوچکی ہیں۔ انھیں صرف موقع کا انتظار ہے۔ وہ بار بار پاکستان کو provoke کررہے ہیں

مجھے اس وقت سخت تشویش ہوئی جب بھارت خود امرتسر میں پاکستانی اسٹرائیک کا دعویٰ کررہا تھا جبکہ پاکستان سرکاری طور پر اس سے انکار کررہا ہے

یہ بہت خطرناک صورتحال ہے

اس سے بھارت کی intentions سمجھنا مشکل نہیں

شاید پاکستان کی ایٹمی قوت اور کشمیر و گلگت بلتستان کے علاقے نشانہ ہوں۔ خدا نخواستہ بات اس سے بھی آگے جاسکتی ہے۔ بلوچستان بھی انگارے کی طرح دہک رہا ہے

پاکستان نے اعلان کیا ہے کہ بھارت کو سخت جواب دیا جائے گا

اس کی وجہ پاکستان پر اندرونی طور پر شدید تنقید ہے جس کی وجہ سے پاکستان پر کاروائی کے لیے پریشر بلڈ اپ ہورہا ہے

کل میں نے خود لکھا تھا کہ پاکستان کو لازمی جواب دینا چاہیے لیکن اب میں اس کے حق میں نہیں

کیوں؟

بہت ساری وجوہات ہیں۔۔۔۔۔۔

پاکستان گر منہ توڑ جواب دیتا ہے تو یہ خوش آئند ہے لیکن اس کے بعد کیا ہوگا؟

کچھ اہم فیکٹرز لکھتا چلوں:

1- پاکستان کے لیے یہ مالی سال انتہائی کریٹیکل ہے۔ ہمیں کم و بیش 25 ارب ڈالر کی ادائیگیاں کرنی ہیں۔ عام حالات میں بھی یہ ناممکن کی حد تک مشکل ہے۔ بھارت سے آل آؤٹ وار میں چلے گئے تو پھر مکمل معاشی تباہی ہم سب کا انتظار کررہی ہے

2- پاکستان میں سیاسی ابتری عروج پر ہے۔ اس کی تفصیل ہم سب اچھی طرح جانتے ہیں۔ ایسے وقت میں بھی سیاسی انجینئرنگ پر مکمل فوکس ہے

3- لڑنے والوں کا مورال اور پبلک میں امیج پر سوالیہ نشان ہے

4- بلوچستان اس پورے معاملے سے مکمل لاتعلق ہے۔ خیبرپختونخوا کے جوشیلے پٹھان سخت ناراض ہیں۔ کل بھی ان پر مارٹر برسے، ڈرون حملے ہوئے۔ سندھ میں ریاست کے حوالے سے کبھی کوئی خاص جوش نہیں رہا۔ پنجاب میں بھی ایک اکثریت سیاسی معاملات کی وجہ سے شاکی ہے۔ بس باقی ماندہ پنجاب لڑنے کے تیار ہے

5- اس وقت حکمران پارٹی کی لیڈرشپ انتہائی عجیب و غریب رویے کا مظاہرہ کررہی ہے۔ پارٹی کا لیڈر پہلے ملک سے باہر چلا گیا۔ وہ اور اس کی سب سے بڑے صوبے کی وزیر اعلیٰ بیٹی اب تک مکمل خاموش ہیں۔

پارٹی کے دیگر سینئر ترین لیڈرز بددلی سے بیانات دے رہے اور جلد سے جلد جنگ ختم کرنے کے حق میں ہیں

اس تمام صورتحال میں ہم بھارت سے آل آؤٹ وار لڑ سکتے ہیں؟

بھرپور جواب دینا تو آسان ہے۔ اس کے aftermath سنبھالنا ہولناک ہوگا۔ جنگ کی صورت میں ہمارے مالی ریزروز انتہائی تیزی سے deplete ہوں گے۔

بھارت ہمیں اسی لیے provoke کررہا ہے کہ وہ ساری صورتحال جانتا ہے۔ اسے اچھی طرح علم ہے کہ یہ "گولڈن" ٹائم ہے

اسی لیے میں سمجھتا ہوں کہ یہ جوش کی بجائے ہوش سے کام لینے والا وقت ہے

پاکستان سوچتا ہوگا کہ اگر ہم نے بدلہ نہ لیا تو پہلے سے جلی بھنی عوام نے ہمارا بھرکس نکال دینا ہے۔ یہ خدشہ سو فیصد درست ہے۔

لیکن ہر مسئلے کا حل نکالا جاسکتا ہے۔

پوری قوم سمجھ چکی کہ دشمن کوئی سیاسی جماعت، بلوچ، پٹھان یا مغربی پڑوسی نہیں۔ ہماری سلامتی کے لیے صرف ایک ہی خطرہ ہے۔ ہم نے پچھلے تین سال غلط دشمن چن کر ان کے خلاف بیانیہ بناتے رہے اور بھارت کے حوالے سے خاموش رہے

یہ بھیانک غلطی تھی۔۔۔۔۔۔۔

لیکن آج بھی یہ ساری غلطیاں سدھاری جاسکتی ہیں۔ عوام کا کتنا ہی غصہ ہو، وہ آپ کے اخلاص سے کیے جانے والے اقدامات سے ختم کیا جاسکتا ہے۔ عوام ریاست کو ماں کا درجہ دیتی ہے۔ بس اس سے اخلاص کا مظاہرہ کیا جائے، سارے مسئلے، کدورتیں، شکایتیں سب ختم ہوجائیں گی

یہ کرکٹ میچ نہیں بلکہ رئیل ورلڈ ہے۔ یہاں ہار کا جواب یہ نہیں کہ اگلے میچ میں پرفارم کرلیں گے۔ یہاں ہار کی بھاری قیمت چکانی پڑ سکتی ہے۔

بھارت جوابی حملے میں ہمارے شہروں پر حملہ کردے، اور عوام ریاست سے ناراض ہوں تو بہت بھیانک panic مچ سکتا ہے۔

ہم جو بھی قدم اٹھائیں، بھرپور تیاری سے اٹھائیں۔ جلد بازی کی کوئی ضرورت نہیں۔ قوم گالیاں دے گی، میمز بنائے گی، بنانے دیجیے۔ اسے اپنے اخلاص سے جواب دیجیے۔ قوم کا دل چند دنوں میں پگھل جائے گا۔ وہ پھر سے شانہ بشانہ کھڑے ہونے میں دیر نہیں لگائیں گے۔

پوری قوم کا اپنی افواج کے پیچھے، پورے جوش و جذبے سے کھڑا ہونا لازمی ہے۔

اس وقت قومی اتحاد آکسیجن جیسی اہمیت رکھتا ہے۔۔۔۔۔۔!!!!

اللہ پاکستان کی ہمیشہ حفاظت فرمائے
آمین