Hello England

فرانس اور سپین نے نپولین کی سربراہی میں برطانیہ اور فرانس کے درمیان موجود سمندری پٹی انگلش چینل پر قبضے کی خاطر بحری مہم کا آغاز کیا اس وقت برطانوی ایڈمرل لارڈ نیلسن نے بہت بہادری سے اس کا دفاع کیا اور جنگ میں نپولین کی فوجوں کو ناقابلِ تلافی نقصان پہنچایا۔ 14 ستمبر 1805 وہ دن ہے جس دن ایڈمرل نیلسن پورٹسماؤتھ شہر میں داخل ہوا ۔ پورٹسماؤتھ اور اس کے گردونواح سے ایک جم غفیر ایڈمیرل کو دیکھنے کے لیے جمع ہوگیا تھا۔ لوگ شدید اضطراب کا شکار تھے کیوں کہ نپولین پورے یورپ پر قبضے کا ارادہ رکھتا تھا۔ اور انگلش چینل میں بحری مہم میں اگر فرانس کامیاب ہوجاتا تو برطانیہ پر قبضے میں بہت بڑی رکاوٹ دور ہوجاتی۔ ایڈمرل لارڈ نیلسن 14 ستمبر کی صبح شہر میں داخل ہوا لوگوں سے مخاطب ہونے کے بعد جارج ہوٹل میں ناشتہ کیا واک کی اور اپنی مہم پر روانہ ہوگیا۔ یہی وہ شہر ہے جہاں ایڈمیرل نیلسن نے جنگ پر روانہ ہونے سے پہلے اپنا آخری دن گزارا۔ اس کے بعد وہ اپنی مہم پر روانہ ہوگیا اس مہم کے دوران ہی 21 اکتوبر کو ایڈمرل کو فرنچ سنائپر نے نشانہ بنایا جو ان کی موت کا سبب بنا۔
اس شہر نے اپنے ہیرو کو بہت زبردست طریقے سے خراج ِ تحسین پیش کیا ۔ آج بھی ان سے منصوب مختلف اشیا میوزیم کا حصہ ہیں۔ ان کا مجسمہ اولڈ پورٹسماؤٹھ کے گرینڈ پریڈ میں نصب ہے۔ جس طرح نپولین فرانسیسی تاریخ کا ایک شاندار جرنیل تھا اسی طرح ایڈمیرل برطانوی بحری فوج کا ایک شاندار ایڈمرل تھا۔
وسیم لیا قت
20 فروری 2024
پورٹسماؤتھ برطانیہ