Amna_writings

❤️

راستوں پر پہلے پہل سبھی ساتھ چلتے ہیں،
کوئی ہمسفر تو کوئی راہ گزر بن کے ملتے ہیں،
جو پہلے پہل چھاؤں سا سائباں لاتے ہیں،
کہیں دلکشی تو کہیں خوشنمائی کے باغ دکھاتے ہیں،
جو اپنے ہونے کا ہر دم یقیں دلاتے ہیں
مگر میرے دل۔۔۔!!
باتوں سے کہاں راستے کٹتے ہیں
دلوں کے فاصلے کہاں بٹتے ہیں
جو وقتی سہارے لیے پھرتے ہیں
وہ دلفریب گھاؤ ساتھ لاتے ہیں،
جو دل کی زمیں ویران کرتے ہیں

سنو میرے دل۔۔!!
یہ بات یاد رکھنا،
جو چند قدم پہ ساتھ چلتے ہیں،
وہ ہمسفر نہیں، صرف رہ گزر رہ جاتے ہیں
وہ راستوں میں کہیں دور چھوڑ جاتے ہیں
سنو میرے دل۔۔۔!!
یہ بات یاد رکھنا
جو راستوں میں دور تک ساتھ آتے ہیں،
کہیں دھوپ تو کہیں چھاؤں سجاتے ہیں،
کچھ سنتے، کچھ اپنی سناتے ہیں،
مسافتوں کے لمبے سفر ساتھ نبھاتے ہیں
ڈرتے، سنبھلتے مگر راستے دکھاتے ہیں،
وہی لوگ منزل تک ساتھ جاتے ہیں۔
سنو میرے دل۔۔۔!!
پھر جب منزل کو پہنچ جانا،
تم رہ گزر کو نہیں، ہمسفر کو یاد رکھنا
کہ رہ گزر تو راستوں کی خاک ہوا کرتے ہیں،
جو حوصلہ رکھتے ہیں، بس وہی ساتھ چلتے ہیں
از قلم آمنہ واحد