HMK

khud ko dekh kar mere zehen mein hamesha yahi sawal ata hai ke ek tanha insaan ke liye kia zaruri hota hai۔۔?

usey kia pata pasandeeda loug kese hote hain yaa parwah krna kia hota. agar koi rooth jaye tou usey kamoshi se takte nahi, manate hain. tanhai insaan ki dushman hoti hai, usey andar se khatam krdeti hai. mein yahi chahta tha k mein ziyada se ziyada dard mehsoos krun. mei logon se ukta jata hun, unse milna mere liye ek azmaish hai magr yeh sab tumne mujhe mehsoos hone hi kab dia. tum sath hoti ho tou mujhe sab alag sa lagta hai. is par mera tumhari taraf ghoor kar dekhna mere andar ek afsos peda krta hai ke yeh lamhe kitne haseen hain jab tum mere samne mere liye likh rahi ho, apne baalon se phool nikal kar jab tum us kaaghaz mei rakhti ho jispar tumne mera naam likha hai tou us phool se ziyada tumhare un lafzon se tumhare hathon ki mahendi mahekti hai jinse tumne woh alfaaz likhe. jab tumne likha ke shayad mei kal yahan na hun, magr agr tumhe meri zarurat pre tou is khat par hath rakhna aur mera naam lena tumhare lams se mei hawa ki tarah tum tak phonch jaoungi. naa mumkin hai magar mene phir bhi maan liya. mujhe phir se heraani hui jab tumne mujhe kaha ke tumhari halki si mukurahat jo bht mushkil se tumhare honthon tak phonch pati hai bht pyari lagti hai kabhi dekhna, tumhare uljhe baal muje bhi uljha dete hain. magr tumhari baatein kisi ki bhi uljhi zindagi ko suljha sakte hain. ab badal gya hun mein, ab tanhai mein mujhe srf apne wajood ka nahi balke tumhare wajood ka b ehsaas hota hai. in deewaron mei tumhari awaz hai jise mei roz sunta hun, yeh mera naam pukarti hain. mein kitaben parhta hun tou tumhara sath bhi mujhe kahani sa lagta hai. bht mukhtasir magr sab se pyara. mein tou apni muskurahat bhi nahi dekh pata kyu k koi bhi aina ho muje samne sirf tum dikhti ho. tum ne sahi bola tha tum mere sath hamesha rahogi kyu ke mein apne andar se tumhe kaheen jaane nai dunga bilkul mere batwe mei tumhari is tasweer ki tarah. mein phir se tumhe dhundun ga, tum is khuwab se nikal kar ab haqeeqat ban jana. meri tanhai ko mahez ek wahem bana dena
#𝐇𝐦𝐤؁✍︎