Mr.umer48

ساہ ساہ ہجر ہنڈایا جاندا
فیر کِتے وصل کمایا جاندا

ہُن تے ویکھن جوگا ہویا
ہُن نئیں حال سُنایا جاندا

اوس مینوں اپنا لینا سی
جیکر دُکھ اپنایا جاندا

روٹی پیتی جا نئیں سکدی
پانی نوں نئیں کھایا جاندا

خود نوں ای سمجھایا اک دن
کس کس نوں سمجھایا جاندا

ایہ وی اج کل جھوٹھ اے بندہ
مویا ای دفنایا جاندا

جناں توں ترسایا ربا
ایناں نئیں ترسایا جاندا

بشری کُل حیاتی سُکھ نوں
گل دے نال نئیں لایا جاندا
بشری ناز
#بادی