Pak Rapid Train - PRT
Share
ڈپٹی چیف کمرشل منیجر (پسنجر) کے ٹرینوں پر مسلسل چھاپے،1993بغیر ٹکٹ مسافروں کوجرمانہ
لاہور ڈپٹی چیف کمرشل منیجر (پسنجر)پاکستان ریلوے ناصر نذیر نے 12سے 18نومبر کے دوران مختلف ٹرینوں پر مسلسل چھاپے مارے، چھاپوں کے دوران سیکڑوں بغیر ٹکٹ مسافروں سے لاکھوں روپے وصولی کی گئی۔
تفصیلات کے مطابق ڈپٹی چیف کمرشل منیجر (پسنجر)ناصر نزیر کی قیادت میں ہیڈ کوارٹرز ٹکٹ لیس چیکنگ سکواڈ نے مختلف ٹرینوں پر اچانک چھاپے مارے اور بغیر ٹکٹ سفر کرنے والے مسافروں کے خلاف موثر کارروائیاں کیں۔ ان کاروائیوں کے دوران مختلف سیکشنز پر چلنے والی مختلف ٹرینوں میں کاروائیاں کی گئیں جن میں لاہور-ساہیوال، ساہیوال-خانیوال، لاہور-فیصل آباد، فیصل آباد-شورکوٹ، خانیوال-ملتان-روہڑی کے علاوہ دیگر سیکشنز بھی شامل ہیں۔ علامہ اقبال ایکسپریس، تیزگام، خیبر میل، عوام ایکسپریس، پاکستان ایکسپریس، شالیمار ایکسپریس، ملت ایکسپریس، رحمان بابا ایکسپریس پر خصوصی چھاپے مارے گئے۔
اسی طرح مجموعی طور پر کارروائیوں کے دوران 1993 بغیر ٹکٹ مسافروں سے 40 لاکھ 53 ہزار 529 روپے کی رقم وصول کرکے قومی خزانے میں جمع کروادی گئی
ناصر نزیر نے کہا کہ بغیر ٹکٹ سفر کرنے والوں کے خلاف کریک ڈان جاری رہے گا تاکہ ریلوے کے ریونیو کا مکمل تحفظ یقینی بنایا جا سکے اور ساتھ ہی ساتھ بغیر ٹکٹ مسافروں کی حوصلہ شکنی بھی ہوتی رہے تاکہ بغیر ٹکٹ مسافروں میں
احساس ذمہ داری پیدا ہو۔
Click here to claim your Sponsored Listing.
