PMLN Answers Back

وزیراعلیٰ پنجاب مریم نواز شریف نے او آئی سی منسٹیریل کانفرنس برائے خواتین سے خطاب کرتے ہوئے کہا کہ پنجاب حکومت خواتین کو بااختیار بنانے کے لیے ترجیحی بنیادوں پر اقدامات کر رہی ہے۔ تعلیم، صحت، روزگار، انٹرن شپ، ہونہار اسکالرشپ، لیپ ٹاپ اسکیم، اپنا کھیت اپنا روزگار اور اپنی چھت اپنا گھر جیسے منصوبوں میں خواتین کی بھرپور شمولیت یقینی بنائی گئی ہے۔ انہوں نے کہا کہ خواتین کو بااختیار بنانا ایک مضبوط، خوشحال اور ترقی یافتہ معاشرے کی بنیاد ہے، جبکہ اسلام بھی خواتین کے حقوق اور عزت کے تحفظ کا واضح درس دیتا ہے۔ وزیراعلیٰ نے او آئی سی کانفرنس سے خطاب کو اپنے لیے اعزاز قرار دیتے ہوئے خواتین کی ترقی کے لیے ہر ممکن تعاون جاری رکھنے کے عزم کا اظہار کیا۔