Magpie DigiLab
Share
Ek waqt tha, jab kisi school ke kitaab mein 'Gilgit-Baltistan' ka naam sirf aik heading tha us ke neeche kuch alfaaz thay:
“Barf se dhake pahaad, Indus river, aur gulabon se bhari waadiyaan…”
Woh alfaaz kisi aur ke safar ki tasveer thay,
lekin mere liye woh tasveer khwab ban gayi.
Saal beetay, umar barhti gayi…
aur phir aik din,
raat ke andheray mein aik gate nazar aaya:
‘Welcome to Gilgit’
Yeh sirf board nahi tha
yeh unhi kitaabi alfazon ka jawab tha,
jo ab tak mere andar kahin chup kar ke kehtay thay:
"Tu kab aaye ga?”
Aaj main PTDC Motel ke terrace par hoon
neeche darya hai, saamne pahaad,
aur patton ka rang badal raha hai…
Bilkul waisa hi jaise kabhi kisi text book mein padha tha
farq sirf itna hai,
ab main us tasveer ke andar khud khada hoon.
05/08/2025
Subah Bisham mein nashta kar ke NA-35 par darya saath chal raha tha,
Road k sath sath chalte hoy Indus river ne aankhon mein dekh ke keh diya:
‘Bas, ab kuch der mere paas baith ja…’
Pathar ke kinare, pani ka lehja aur dhoop ki sard roshni
wo lamha safar ka sabse khubsurat jhooth tha
ke manzil asaan hogi.
Barseen, Chilas guzarte guzarte raat gehri hoti gayi…
aur jab Gilgit pohncha, sheher ne mujhe neend ki jagah uljhan Mai dal dia..
Marco Polo hotel ki booking kisi aur ko de di gayi thi.
Main thaka hua tha, naraz nahi…
PTDC Gilgit ne ek khaali kamra diya
aur neend ne keh diya:
Ab aur mat chalo… yahan kuch ghanton ke liye manzil mil gayi hai.
Click here to claim your Sponsored Listing.
Category
Website
Address
Opening Hours
| Monday | 10:00 - 18:00 |
| Tuesday | 10:00 - 18:00 |
| Wednesday | 10:00 - 18:00 |
| Thursday | 10:00 - 18:00 |
| Friday | 10:00 - 18:00 |
| Saturday | 10:00 - 18:00 |
