Brooshaal Media Network

برکولتی شغیتن میں اسلم انقلابی کے حق میں عوامی فیصلہ، بھرپور حمایت کا اعلان
برکولتی شغیتن کے عوام نے عوامی ورکرز پارٹی جی بی کے نامزد امیدوار اسلم انقلابی کے حق میں فیصلہ سنادیا۔ علاقے کے نوجوانوں اور عوام کی بڑی تعداد نے بھرپور شرکت کرتے ہوئے اسلم انقلابی کی مکمل حمایت کا اعلان کردیا۔
شرکاء کا کہنا تھا کہ اسلم انقلابی نے ہمیشہ عوامی مسائل، نوجوانوں کے حقوق اور محروم طبقات کی آواز بلند کی ہے، اسی لیے برکولتی شغیتن کے عوام اس بار حقیقی عوامی نمائندگی کے حق میں کھڑے ہیں۔
عوام نے اس عزم کا اظہار کیا کہ آنے والے الیکشن میں اسلم انقلابی کو بھرپور کامیابی دلائی جائے گی۔
اس موقع پر عوامی ورکرز پارٹی کے جنرل سکرٹری شیرنادر شاہی، عبدالمجید، آرٹس اینڈ کلچر سکرٹری الطاف لغل ، ایڈوکیٹ شکور خان ، عنایت کریم اور صوبیدار دردانہ شاہ بھی موجود تھے۔