My Ghizer

یہ نفرت اور تقسیم تمہیں کیا دے گی؟ سو سال جیو تو بھی آخر خاک میں ہی مل جاؤ گے۔
سیاست، مذہب اور نظریے ہماری اجتمائی رہنمائی کے لیے بنے ہیں نہ کہ ہمیں تقسیم کرنے کے لیے ۔ ہم نے لیبلز کو اپنے اعمال سے زیادہ وضاحت کرنے دی ہے۔ ہم نے دوسروں کے نظریوں سے اختلاف کو دشمنی میں بدل دیا ہے اختلاف میں ہمیشہ دلائل اور مباحثے کی مزید گنجائش ہونی چاہے جس پربحث اور اکتفا کیا جائے نہ کہ کسی ایک نقطے پر فل اسٹاف لگے اور اگے بات کرنے کی کوئی گنجائش نہ ہو .
سماجی و معاشرتی ذہنیت کو بدلنے کے لیے ہمیں شعوری طور پر بیدار ہونا ہوگا ۔ ہر فرد کو اپنے باطن کی طرف دیکھنا اور پوچھنا ہو گا : کیا میں اچھا سوچ رہا ہوں؟ کیا میں اچھا بول رہا ہوں؟ کیا میں اچھا کر رہا ہوں؟یہی کچھ سوالات ہمیں زندگی جینے کا ہنر سکھائے گی اور یہ تقسیم کے بھوتوں کو توڑ د ینگی ۔محبتیں بانٹ دو اور اپنی مختصر زندگی کو مقصد کے ساتھ جیو پیار سے جیو۔ بہتر بننے اور بہتر کرنے کی ہمت اور حوصلےکے ساتھ جیو —

اپنے دائرے میں چھپے ہوے درندہ صفت انسانوں کو پہچانے کہی ایسا نہ ہو کہ وو آپکو نقصاں دینے کی خاطر کسی خاص موا قع کی تلاش میں ہو .. اپنے اور اپنے ارد گرد بچوں کی روزمرہ کی سرگرمیوں پر نظر رکھیں - انکو معاشرے کے مثبت پہلوں کی طرف راغب کرنے کے ساتھ ساتھ روزمرہ کی معمولات زندگی کے حالات سے بھی باخبر رکھیں -نقصان دہ اثرات کو پہچاننا اور ان سے حفاظت کرنا نہایت اہم ہے شکاری رویہ اکثر دلکشی یا واقفیت کے پیچھے چھپا ہوتا ہے۔اپنے بچوں کو سمجھداری سکھائیں خاص طور پر بچوں اور نوعمروں کو صحت مند تعلقات اور جوڑ توڑ کے درمیان فرق کو سمجھنے میں مدد کریں-روز مرہ کی زندگی سے منسلک رہنا اور ممکن ہوا تو روٹین چیک ان کرنا مطلب ہر روز کھلے سوالات پوچھنے کے لیے وقت نکالیں جیسے "آپ کے دن کا بہترین حصہ کیا تھا؟" یا "کیا آج آپ کو کسی چیز نے تکلیف دی؟وغیرہ اور ساتھ ساتھ ڈیجیٹل آگاہی پر بھی نظر رکھیں آن لائن تعاملات کی نگرانی کریں اور بچوں کو ڈیجیٹل اسپیسز کو محفوظ طریقے سے نیویگیٹ کرنے کا طریقہ سکھائیں۔ جارحانہ ہونے کے بغیر شفافیت کی حوصلہ افزائی کریں۔کمیونٹی لیول کی سرگرمیوں میں مصروف رکھنا بچوں کو گروپ سرگرمیوں، کھیلوں یا کلبوں میں شامل کریں جہاں وہ مثبت تعلقات استوار کر سکیں اور ٹیم ورک سیکھ سکیں۔
مثبتیت اور لچک پیدا کرنا ایک اہم جز و ہے اکثر و بیشتر بچے دیکھ کر سیکھتے ہیں۔ انہیں دکھائیں کہ کس طرح ہمت اور حوصلے کے ساتھ اپنے اور دوسروں کی مدد کے لیے کھڑے ہو سکتے ہیں ۔ مثبت اور اچھے اثرات کا ذکر کرے ان لوگوں کی کہانیوں کو نمایاں کریں جو فرق پیدا کرتے ہیں— اساتذہ،مخلص ڈاکٹر ، رہنما یا کوئی سوشل ورکر وغیرہ تاکہ وہ مثبت سماجی کرداروں کو قدرسے دیکھیں اور خود کو مثالی بنانے کے لیے محنت کر سکے