Etihad Chowk

گلگت بلتستان کا مستقبل آپ کے ایک ووٹ سے جڑا ہوا ہے
اب وقت آ گیا ہے کہ ہم صرف وعدوں پر نہیں بلکہ کردار اور جدوجہد پر فیصلہ کریں۔ سال 2026 کے الیکشن میں ہمیں ایسے نمائندے منتخب کرنے ہیں جو واقعی ہمارے حقوق کی جنگ لڑ سکیں، نہ کہ وہ جو اقتدار میں جا کر خاموش ہو جائیں۔

پونیال سے نواز خان ناجی
ہنزہ سے بابا جان
سکردو سے آصف ناجی
یاسین سے اسلم انقلابی

یہ وہ نام ہیں جو ہمیشہ عوام کے ساتھ کھڑے رہے، مشکل وقت میں آواز اٹھائی اور حق کی بات کی۔

اگر آپ ان سچے اور بہادر نمائندوں کو گلگت بلتستان اسمبلی میں پہنچاتے ہیں تو باقی 28 ممبران میں اتنی ہمت نہیں ہوگی کہ وہ آپ کے مستقبل کے خلاف کوئی غلط فیصلہ کریں۔ ایک مضبوط اپوزیشن اور باشعور قیادت ہی عوام کے حقوق کی ضمانت ہوتی ہے۔
یاد رکھیں:
یہ الیکشن صرف نمائندوں کا انتخاب نہیں، بلکہ اپنے مستقبل، اپنے وسائل اور اپنی شناخت کا فیصلہ ہے۔

✊ اٹھو، سوچو اور صحیح فیصلہ کرو

عوام الناس سے اپیل!

عوامی ایکشن کمیٹی گلگت بلتستان کے محکوم طبقات اور محنت کش عوام کی توانا آواز ہے۔ البتہ اس آواز کو مزید مضبوط بنانے اور عوامی ایکشن کمیٹی کے موقف کو واضح شکل میں پیش کرنے میں اگر واقعی کسی کا نمایاں کردار رہا ہے تو وہ احسان علی ایڈووکیٹ اور اُن کے ہمراہ حق پرست جماعتوں کا ہے۔

گندم میں کٹوتی ہو، غیر قانونی ٹیکسز کا نفاذ ہو یا گلگت بلتستان کے معدنی وسائل پر قبضے کا مسئلہ، ان تمام مسائل پر اگر کسی نے حقیقی جدوجہد کی ہے تو وہ چیئرمین احسان علی ایڈووکیٹ، عوامی ایکشن کمیٹی کے دیگر قائدین اور کارکنان ہیں۔
ہم سمجھتے ہیں کہ اگر آج عوامی ایکشن کمیٹی کے رہنماؤں کو حراست میں لیا جا رہا ہے تو وہ صرف عوامی حقوق کے لیے آواز اٹھانے کے جرم میں لیا جا رہا ہے۔ لہٰذا احسان علی ایڈووکیٹ اور عوامی ایکشن کمیٹی کے دیگر قائدین کی گرفتاری کا واحد مقصد عوامی حقوق کے لیے اٹھنے والی آوازوں کو دبانا ہے۔

عوامی ایکشن کمیٹی، پاکستان کے دیگر شہروں میں مقیم گلگت بلتستان کے باسیوں اور گلگت بلتستان بھر میں موجود تمام محنت کش عوام سے پرزور اپیل کرتی ہے کہ وہ حکومت کے ان جابرانہ اقدامات، اور عوامی آوازوں کو دبانے کی مذموم کوششوں کے خلاف بھرپور آواز بلند کریں۔

عوامی ایکشن کمیٹی گلگت بلتستان