Gilgit Talk

سمائر نگر: آزاد امیدوار ریاض اکبر کا اپنے آبائی گاؤں میں پاور شو،
علاقے کے عوام کی کثیر تعداد میں شرکت۔

پاکستانی حکام کی مداخلت، گلگت بلتستان کے تاجروں کیلئے چین میں کاروبار مشکل ہونے لگا

گلگت بلتستان سے تعلق رکھنے والے چین میں مقیم تاجروں نے الزام عائد کیا ہے کہ پاکستانی کسٹم اور امیگریشن حکام کے رویے اور مسلسل مداخلت کے باعث چائینا میں کاروبار کرنے والے جی بی کے تاجروں کیلئے مشکلات بڑھتی جارہی ہیں۔ تاجروں کے مطابق چینی امیگریشن حکام آئے روز نئی پابندیاں اور سخت شرائط نافذ کررہے ہیں جس سے سرحدی تجارت شدید متاثر ہورہی ہے۔

چین میں کاروبار سے وابستہ تاجروں کا کہنا ہے کہ جب وہ چینی حکام سے بلاوجہ سختیوں اور نئی پابندیوں کی وجوہات پوچھتے ہیں تو انہیں بتایا جاتا ہے کہ پاکستانی اداروں کی جانب سے خطوط اور سفارشات کے ذریعے سخت نگرانی اور پابندیاں بڑھانے کا کہا جاتا ہے، جس کے باعث چینی حکام بھی سخت اقدامات کرنے پر مجبور ہیں۔

تاجروں کے مطابق اس صورتحال نے گلگت بلتستان کے نوجوانوں اور کاروباری طبقے میں شدید بے چینی پیدا کردی ہے، کیونکہ پاک چین سرحدی تجارت ہزاروں خاندانوں کے روزگار کا اہم ذریعہ سمجھی جاتی ہے۔ کاروباری حلقوں نے وفاقی حکومت اور متعلقہ اداروں سے مطالبہ کیا ہے کہ وہ تاجروں کے مسائل کا فوری نوٹس لیتے ہوئے پاک چین تجارت سے وابستہ افراد کیلئے آسانیاں پیدا کریں تاکہ خطے کے نوجوانوں کا روزگار محفوظ بنایا جاسکے۔

تاجروں اور عوامی حلقوں نے خبردار کیا ہے کہ اگر صورتحال یہی رہی تو گلگت بلتستان کے نوجوانوں کیلئے چین میں کاروبار اور روزگار کے مواقع مزید محدود ہوسکتے ہیں، جس کے منفی اثرات مقامی معیشت پر بھی مرتب ہوں گے۔

قائد محترم صاحب کی اتنی مجبوری
اینٹ کا جواب پتھر سے
رہبر کی تصویر اپ نے شاہراہوں سے ہٹا دی
ہم نے اپنے دفتر سے ہٹا دی
اسلامی تحریک