The Northern Press

گلگت بلتستان میں مسافر بسوں کی خستہ حالت پر محکمہ ٹرانسپورٹ کا سخت نوٹس

حکومتِ گلگت بلتستان کے محکمہ ایکسائز، ٹیکسیشن و ٹرانسپورٹ نے گلگت سے راولپنڈی جانے والی مسافر بسوں کی خراب حالت کا سختی سے نوٹس لے لیا ہے۔ ڈپٹی ڈائریکٹر ٹرانسپورٹ / سیکرٹری پی ٹی اے گلگت بلتستان کے مطابق مختلف ٹرانسپورٹ کمپنیوں کی بسیں سفر کے دوران مکینکلی طور پر غیر موزوں پائی گئیں، جس کے باعث مسافروں کو شدید مشکلات اور حفاظتی خدشات کا سامنا کرنا پڑا۔

محکمہ ٹرانسپورٹ کی جانب سے فیصل موورز گلگت، اسکائی ویز گلگت، کائنات ٹریولز اور نیٹکو گلگت بلتستان کو باقاعدہ نوٹس جاری کیا گیا ہے، جس میں کہا گیا ہے کہ ان کمپنیوں کی بسوں کی ناقص حالت عوامی تحفظ کے لیے سنگین خطرہ بن رہی ہے۔

نوٹس کے مطابق تمام متعلقہ ٹرانسپورٹ کمپنیوں کو ہدایت کی گئی ہے کہ وہ 2 فروری 2026 کو صبح 11 بجے اپنے ورکشاپ یا ٹیکنیکل اسٹاف کے ہمراہ مجاز اتھارٹی کے سامنے پیش ہوں اور فوری طور پر نشاندہی شدہ میکانکی خامیوں کو دور کریں۔

محکمہ ایکسائز و ٹرانسپورٹ نے واضح کیا ہے کہ مسافروں کی جان و مال کا تحفظ حکومت کی اولین ترجیح ہے اور اس ضمن میں کسی قسم کی غفلت برداشت نہیں کی جائے گ