Geo Ghizer

غذر
اسماعیلی ریجنل کونسل، امن کمیٹی غذر سپیکر گلگت بلتستان نذیر احمد ایڈووکیٹ اور ضلعی انتظامیہ کی مشترکہ کاوشیں رنگ لائیں ۔

اسماعیلی ریجنل کونسل کی پبلک افیئرز اینڈ سیکیورٹی کمیٹی (پاسک) اور امن کمیٹی غذر اور ضلعی انتظامیہ کی مشترکہ کوششوں کے نتیجے میں سنگل تھنگداس گیج اور گوہر آباد کے عوام نے ریاستی اداروں پر اعتماد کا اظہار کرتے ہوئے نالے سے واپسی کا اعلان کیا ہے۔

عوام نے اس یقین دہانی پر کہ ریاستی ادارے امن و امان کو برقرار رکھنے میں اپنا موثر اور مثبت کردار ادا کرینگے۔ اس حوالے سے عوامی کمیٹی سنگل کے نمائندوں نے پاسک اور امن کمیٹی کے ممبران سے بات چیت کرتے ہوئے کہا کہ ہم امن اور بھائی چارے کی فضاء کو قائم رکھنے کی خاطر ریاستی اداروں پر اعتماد کرتے ہوئے اس امید کے ساتھ یہاں سے واپس ہو رہے ہیں کہ ہمارے جائز مطالبات کو انصاف کے ساتھ حل کیے جائیں۔ ہمارا داریل کے بھائیوں کے ساتھ درینہ تعلقات ہیں لیکن چند چرواہوں کی خاطر ہم اپنے درینہ بھائی چارگی کے تعلقات کو خراب نہیں کرنا چاہتے ہیں۔
عوام نے حکومت اور ریاستی اداروں سے مطالبہ کیا کہ اس مسلے کو مستقل بنیادوں پر حل کرنے کیلئے اپنا مثبت کردار ادا کرے۔
سنگل کے عوام نے ریجنل کونسل، امن کمیٹی، گلاپور یوتھ ۔ ضلعی انتظامیہ، گلگت بلتستان اسکاؤٹس اور تمام ریاستی اداروں کے مثبت کردار کی تعریف کرتے ہوئے ان کا شکریہ ادا کیا۔

خدا کے واسطے SCO!
یہ وقت لوگوں کے رابطے کاٹنے کا نہیں، انسانیت بچانے کا ہے۔
پہاڑوں اور وادیوں میں پھنسے لوگ اپنی ماں، بہن، بچوں اور پیاروں سے بات کرنے کو تڑپ رہے ہیں۔
بدقسمتی سے SCO کا نیٹ ورک مکمل غائب ہے۔

ہماری عاجزانہ فریاد ہے:
نیٹ ورک بحال کریں، تاکہ کم از کم لوگ اپنے پیاروں کی خیریت جان سکیں۔
یہ صرف سگنل نہیں، لوگوں کی زندگی کا سہارا ہے۔