Bol Gilgit Media Network

گلگت بلتستان: قائدِ ملتِ جعفریہ گلگت بلتستان آغا راحت حسین الحسینی کی جانب سے آج رات 8 بجے اجتماعی نعروں کی کال جاری کی گئی ہے۔ جاری کردہ اعلان میں عوام سے اپیل کی گئی ہے کہ وہ اپنے گھروں، مساجد اور امام بارگاہوں میں مقررہ وقت پر باہر نکل کر پرامن انداز میں نعرے بلند کریں۔

گلگت (نمائندہ خصوصی) حالیہ دنوں میں الیکشن کمشنر کی جانب سے راجہ عظیم الامین کو مختلف پروگراموں میں اپنے ساتھ لے کر شرکت کرنے اور ان کے ساتھ تصاویر بنوانے کا سلسلہ جاری تھا، جس پر پہلے ہی سیاسی و سماجی حلقوں نے سوالات اٹھائے تھے۔ آج اسی راجہ عظیم الامین کو نگران وزیر اعلیٰ گلگت بلتستان نامزد کیے جانے کے بعد ان خدشات میں مزید اضافہ ہوگیا ہے۔

اس صورتحال پر تحفظات کا اظہار کرتے ہوئے ، جناب مدثر صاحب نے کہا کہ الیکشن کمشنر کا کسی فردِ واحد کے ساتھ سرکاری پروگراموں میں گھومنا، تصاویر بنوانا اور اسے نمایاں طور پر پیش کرنا پری پول دھاندلی کی مثال ہے۔ اُن کا کہنا تھا کہ اب جب کہ انہی شخصیت کو نگران وزیر اعلیٰ نامزد کر دیا گیا ہے، یہ پورا عمل مستقبل کے انتخابات کے لیے تشویش ناک ٹیسٹ کیس ثابت ہو سکتا ہے۔

مدثر صاحب نے زور دیا کہ نگران سیٹ اَپ کا بنیادی مقصد غیر جانبداری ہے، تاہم ایسے واقعات سے الیکشن کمیشن کی ساکھ متاثر ہو رہی ہے۔ انہوں نے مطالبہ کیا کہ اس معاملے کی شفاف تحقیقات کی جائیں اور آئندہ انتخابات کو متنازع ہونے سے بچانے کے لیے ضروری اقدامات کیے جائیں۔