Pti Distric Gilgit

گلگت: رٹو ہاؤس جٹیال گلگت کے مقام پر پی ٹی آئی گلگت بلتستان کی جانب سے چیرمین عمران خان کی 71 ویں سالگرہ کی مناسبت سے قرآن خوانی و دعائے خیر کی مرکزی تقریب منقعد

خصوصی تقریب میں صوبائی صدر پی ٹی آئی گلگت بلتستان سابق وزیر اعلیٰ خالد خورشید، ممبر جی بی کونسل سید شبہہ الحسن، ممبران اسمبلی راجہ زکریا مقپون و کرنل(ر) عبید اللہ بیگ، پی ٹی آئی رہنماؤں، یوتھ و طلباء کی بڑی تعداد نے شرکت کی

تقریب سے خطاب کرتے ہوئے صوبائی صدر پی ٹی آئی گلگت بلتستان سابق وزیراعلی خالد خورشید نے تمام پی ٹی آئی کارکنان کو چیرمین عمران خان کی یوم پیدائش کی مبارک دی اور کہا کہ چیرمین عمران خان اور پی ٹی آئی پر جو ظلم کیا جارہا ہے بالآخر اس کا خاتمہ ہوگا۔ چیرمین عمران خان پاکستان کی پائیدار ترقی اور یکجہتی کے ضامن ہیں۔ ہم آج وطن عزیز پاکستان کے لئے چیرمین عمران خان کیساتھ اسی جزبے سے کھڑے ہیں جس جذبے سے 1947 میں ہمارے آبا و اجداد پاکستان کے ساتھ کھڑے تھے۔ پورے پاکستان کیطرح گلگت بلتستان میں بھی پی ٹی آئی کو بدترین سیاسی انتقام کا نشانہ بنایا جارہا ہے لیکن ہمارا عزم غیر متزلزل ہے۔

سابق وزیراعلی نے کہا کہ جس طرح گزشتہ ڈیڑھ سال میں گلگت بلتستان کی عوام اور پی ٹی آئی کارکنان نے چیرمین عمران خان کی حقیقی آزادی میں اپنا حصہ ڈالا ہے وہ خراج تحسین کے مستحق ہے۔ انشاء اللہ آگے بھی پورے عزم و حوصلہ کیساتھ چیرمین عمران خان کے ساتھ رہیں گے۔

اس موقع پر چئرمین عمران خان کی تندرستی صحت، درازی عمر اور بے بنیاد سیاسی مقدمات کے سبب آزمائشوں کے جلد خاتمے کے لئے قرآن خوانی اور خصوصی دعا بھی کی گئی

تقریب میں پی ٹی آئی کے شہداء کے بلند درجات اور اسیر کارکنان کی رہائی کے لئے بھی دعا کی گئی۔

Muhammad Khalid Khurshid Khan
Umar Cm Imran Khan