Xiantific

| Na-feature sa Face to Face with Ate Koring ng TV5 kasama si Korina Sanchez ang Montalban-based worship buskers na sina Morris Pacatang at Christian Hernandez.

Sa interview, ibinahagi ng dalawa na umiikot sila sa iba’t ibang bahagi ng Metro Manila, ngunit madalas silang mapanood sa Montalban, Rizal.

Ayon kina Morris at Christian, layunin nilang maiparating ang kabutihan ng Diyos sa pamamagitan ng worship songs habang tumutulong sa mga batang may special needs.

Kuwento ni Morris, matagal na siyang musikero at nagsimula sa pagtugtog sa simbahan bago niya naisipang mag-busking sa labas.

Dahil may pamangkin umano siyang may autism at speech delay, doon nagsimula ang kanilang adbokasiya hanggang mapalawak nila ito sa iba pang foundation na tumutulong sa mga bata.

Ibinunyag din ng dalawa na nakapagbigay na sila ng tulong sa 36 na bata mula sa Cotolengo Filipino at 34 na bata mula sa Children's Mission Philippines gamit ang kinikita nila sa busking.

Aminado rin ang dalawa na may mga pagkakataong hindi sila pinapansin habang kumakanta sa lansangan, ngunit nagpapatuloy pa rin sila dahil mas mahalaga umano ang mga taong nabibigyan nila ng pag-asa at inspirasyon sa pamamagitan ng musika.

Sa naturang programa, naghandog din sila ng worship performance na labis na ikinatuwa ng audience, nagbigay pa ng tulong pinansyal ang programa bilang suporta sa kanilang adbokasiya.

DAVAO, SEE YOU THERE! 🙌

Kasama sina Nor Rayray, Cha Rie, Pacx TV, at Xiantific sa isang makabuluhang Praise & Worship Busking for a Cause! 🎶🙏

Tara na at sama-sama tayong magpuri habang nagbibigay ng tulong at pag-asa. Kita-kits sa Vista Mall Davao❤️✨