Ang Balanti

https://www.facebook.com/share/p/1E7zr8agiZ/

Day 3
Marso 18, 2026

Sa huling araw ng D.A.V.E. Feeding Project and C.A.D.O. Oral Hygiene Project, nagtagumpay sa pamamagitan ng bolunterismo at pakikiisa

Sa tulong ng Canteen helper sa pangunguna ng Canteen Manager na si Alona Pablo, sinugurado nila na maise-serve nila nang malinis at maayos ang pagkain sa mga benipesyaryo ng naturang proyekto ng mga dating Isidroans ng II-Kamagong Batch 2008-2009.

Sinigurado naman na ang lahat ng bata na mula sa Tenement Compound, ilang mag-aaral ng St. Gregory ES at Isidroans na nasa ilalim ng feeding program ng Gov. Isidro na nakapaghugas ng kamay bago kumain.

Hindi naman nakalimutan na magpasalamat ng mga dumalo sa biyayang pinagkaloob sa pamamagitan ng pagdarasal sa pangunguna ni Maria Arnie Avellano, kinatawan ng TLE Department.

Nakipagtulungan din ang mga g**o ng paaralan sall pamamagitan ng tulong pinansyal maging ang ilang mag-aaral sa senior high, junior high, manunulat ng Ang Balanti, opisyal ng GPTA na si Joy Pascua Cadiao at iba pa.

Nangako naman ang dating mag-aaral na si Dave Ordoñez na sisikapin niyang magtutuloy-tuloy ang ganitong proyekto taon-taon hanggang sa kaniyang makakaya.

Nagkaroon ng mapping ang kinatawan ng Filipino Department sa pangunguna ng Tagapag-ugnay nito na si Edwin Edilloran kasama ang Tagapayo ng KAPARIZ na si Olive Dasigao at mga miyembro nito sa Tenement Compound para humingi ng pahintulot sa pangulo ng PISADA Inc. na si Romeo Nartea ngunit wala siya ng ihatid ang liham tungkol sa gaganaping proyektong pangkomunidad kaya ang Bise Presidente nito ang humarap na si Anna Manzanero.

Katuwang sa paglista ng mga makakasama sa D.A.V.E. Feeding Project (Delivering Aid for Vulnerable through Essential Nutrition) at C.A.D.O. Oral Hygiene Project (Clean teeth, Avoid sweet and Daily brushing Oral Hygiene Project) ang Canteen Helper na si Aniceta Abuya noong Marso 11.

Marry Jane Caro