VAMR YOUTH

🌱✊Peaceful Rally: Panawagan para sa pangangalaga ng kalikasan laban sa pagmimina at pagpapatupad ng 50 years mining moratorium.

Noong Setyembre 12, 2025, nagsama-sama ang iba't ibang sektor ng bayan ng Narra—mga magsasaka, katutubo, kababaihan, simbahan, senior citizens, at kabataan—upang ipahayag ang kanilang mariing pagtutol sa planong pag eksplora ng Redmont Mining Company. Sa pamamagitan ng isang Peaceful Rally at signature campaign, ipinakita ng mga mamamayan ang kanilang pagtutol sa pagpasa ng ordinansa ng Sangguniang Bayan na nagbubukas sa pinto ng eksplorasyon sa kanilang bayan.

Mula Rizal Park patungong Legislative Office, pinangunahan ng kabataan ang martsa dala ang mga plakard at sigaw ng:
“Kabataan ang pag-asa ng bayan! Anong sigaw ng kabataan? IPAMANA, HUWAG IPAMINA!”
Sa harap ng Legislative Office, nagsalita ang mga kinatawan ng bawat sektor upang ipanawagan ang 50 years mining moratorium at ang pangangalaga sa kalikasan—dahil alam nating lahat, kapag nasira ang kalikasan, kasama ring nawawala ang kabuhayan.
✋ Ipaglaban natin ang ating lupa, tubig, at kinabukasan! Suportahan ang panawagan para sa 50 taong moratorium sa pagmimina sa Narra!

📢 Ibahagi ang mensaheng ito. Makiisa. Magsalita. Kumilos para sa kalikasan!

Ang Sangguniang Panlalawigan ng Palawan ay nagsagawa ng isang committee hearing kaugnay ng panukalang Mining Moratorium upang patuloy na mapangalagaan at mabigyqn ng kaunying espasyo at pahinga ang kagubatan sa lalawigan. 🌿 Bilang tinaguriang "Last Frontier," nanganganib ang Palawan dahil sa patuloy na operasyon ng mga minahan. Isa pang dahilan ng panukalang ito ay ang lumalalang epekto ng pagbabago ng klima, na kamakailan lamang ay nagdulot ng matinding pagbaha sa Timog na bahagi ng Palawan🌊⛈️

Kaugnay nito ay BUONG PUSO NAMANG SINUSUPORTAHAN NG VAMR YOUTH ANG PANUKALANG 25 YEARS MINING MORATORIUM, dahil bilang katutubong pamayanan, malalim ang aming koneksyon sa mayabong na kagubatan na bahagi ng aming kultura at tradisyon. 🌱✨ Kaya't NANANAWAGAN ANG VAMR YOUTH sa bawat indibidwal ma suportahan din ang panukala at nanawagan din sa pamahalaang panlalawigan na APRUBAHAN ANG ORDINANSA para sa kapakanan ng lahat ng Palaweño at ng aming mga katutubong komunidad.

🌏💚

𝘼𝙇𝘼𝙈 𝙈𝙊 𝘽𝘼? 🌿✨

Sa pangarap na bigyang-puwang ang mga katutubong kabataan sa usapin ng pangangalaga ng kalikasan 🌱 at pagpapahalaga sa kultura at tradisyon , nabuo ang 𝙑𝘼𝙈𝙍 𝙔𝙊𝙐𝙏𝙃 — isang samahang nagtataguyod ng adbokasiya para sa kalikasan 🌳💚 at tradisyong katutubo sa 𝙑𝙞𝙘𝙩𝙤𝙧𝙞𝙖-𝘼𝙣𝙚𝙥𝙖𝙝𝙖𝙣 𝙈𝙤𝙪𝙣𝙩𝙖𝙞𝙣 𝙍𝙖𝙣𝙜𝙚 (𝙑𝘼𝙈𝙍) 🏔️.

🌟 Nabuo ang samahan ng VAMR YOUTH noong Disyembre 1-3, 2023 📅, sa isang pagtitipon 🤝 na ginanap sa Saint Ezekiel San Jose, Puerto Princesa City . Sa pagtitipong ito, nagtipon-tipon ang kabataang Pala’wan at Tagbanua 👫 mula sa mga bayan ng Puerto Princesa, Aborlan, Narra, at Quezon 📍.

🎯 Ang kanilang layunin:
Paigtingin ang pagpapakilala at pagpapahalaga sa mga kultura at tradisyon ng kanilang mga ninuno, habang pinangangalagaan ang likas na yaman ng kanilang mga lupain 🏞️🌊.

Sa tulong ng mga pagsasanay sa dokumentasyon at geo-tagging 🗺️📸, natutunan ng mga kabataan kung paano magtala ng mga mahahalagang bahagi ng kanilang lupain at kultura. Ang mga kasanayang ito ay nagbigay sa kanila ng kakayahang magdokumento ng mga mahahalagang pangyayari 📖✨ sa loob at labas ng lupaing ninuno 🏞️, at sa mga gawain na pinangungunahan ng mga katutubong kabataan 🌟💪.