Chiro Maybunga

DAY 4: PAGLILINGKOD

Sa Isla Agserbi, natutunan ng bawat hukbo na ang tunay na paglilingkod ay hindi nasusukat sa laki ng ginagawa, kundi sa pusong handang tumulong at mag-alay ng sarili para sa kapwa at para sa Diyos.

Gaya ng buhay ni San Pedro Calungsod, isang kabataang Pilipino na buong pusong naglingkod bilang misyonero kasama ng mga pari upang ipalaganap ang salita ng Diyos. Sa murang edad, iniwan niya ang sariling tahanan upang maglingkod sa ibang tao, kahit alam niyang may kaakibat itong hirap at panganib. Hindi siya pinanghinaan ng loob dahil ang kanyang pananampalataya at pagmamahal sa Diyos ang naging gabay niya.

Ang tunay na paglilingkod ay nakikita sa simpleng pagtulong, pagdamay, at pagbibigay ng oras para sa iba. Kapag naglilingkod tayo nang may pagmamahal at kababaang-loob, nagiging daan tayo upang maipakita ang kabutihan at pagmamahal ni Kristo sa mundo.