REBYU

𝘽𝘼𝘽𝘼𝙀𝙉𝙂 𝙏𝘼𝙈𝙋𝙊𝙆 𝙉𝙂𝘼𝙔𝙊𝙉 ♀️

𝘽𝙗. 𝙔𝙤𝙡𝙖𝙣𝙙𝙖 𝙎. 𝘽𝙖𝙪𝙩𝙞𝙨𝙩𝙖
Puno ng Kagawaran III sa TLE

𝘉𝘢𝘣𝘢𝘦, 𝘩𝘪𝘯𝘥𝘪 𝘣𝘢𝘣𝘢𝘦 𝘭𝘢𝘯𝘨.

| 𝙎𝙋𝘼𝙍𝙆𝙁𝙀𝙎𝙏 2026 𝙉𝙂 𝙎𝙐𝙋𝙍𝙀𝙈𝙀 𝙎𝙀𝘾𝙊𝙉𝘿𝘼𝙍𝙔 𝙇𝙀𝘼𝙍𝙉𝙀𝙍 𝙂𝙊𝙑𝙀𝙍𝙉𝙈𝙀𝙉𝙏, 𝙀𝙈𝙋𝙄𝙍𝙀 𝘼𝙏 1𝙐𝙋, 𝙈𝘼𝙏𝘼𝙂𝙐𝙈𝙋𝘼𝙔

Nagkaroon ng matagumpay na kolaborasyon ang 𝙎𝙪𝙥𝙧𝙚𝙢𝙚 𝙎𝙚𝙘𝙤𝙣𝙙𝙖𝙧𝙮 𝙇𝙚𝙖𝙧𝙣𝙚𝙧 𝙂𝙤𝙫𝙚𝙧𝙣𝙢𝙚𝙣𝙩 (𝙎𝙎𝙇𝙂) sa gabay ni 𝙂. 𝙑𝙖𝙣𝙙𝙮𝙠𝙚 𝘽. 𝙔𝙖𝙣𝙜𝙖, 𝙀𝙈𝙋𝙄𝙍𝙀 sa pamumuno ni 𝙂. 𝘼𝙙𝙧𝙞𝙖𝙣 𝙂. 𝘾𝙖𝙥𝙪𝙣𝙤, at 1𝙐𝙋 sa pangunguna ni 𝙂. 𝘾𝙝𝙧𝙞𝙨𝙩𝙞𝙖𝙣 𝙅𝙤𝙮 𝙉. 𝙊𝙘𝙖𝙢𝙥𝙤 para sa inabangang Sparkfest 2026.

Isinagawa ang nasabing programa mula ika-24 hanggang ika-27 ng Marso 2026, na nagbigay ng makulay at makabuluhang karanasan sa mga mag-aaral. Layunin nitong hindi lamang magbigay-aliw kundi palakasin din ang samahan, pagkamalikhain, at aktibong partisipasyon ng mga mag-aaral sa iba’t ibang gawain.

Tampok sa Sparkfest 2026 ang iba’t ibang 𝘣𝘰𝘰𝘵𝘩𝘴 gaya ng 𝘞𝘦𝘥𝘥𝘪𝘯𝘨 𝘉𝘰𝘰𝘵𝘩, 𝘑𝘢𝘪𝘭 𝘉𝘰𝘰𝘵𝘩, 𝘏𝘶𝘮𝘢𝘯 𝘚𝘭𝘰𝘵 𝘔𝘢𝘤𝘩𝘪𝘯𝘦, 𝘚𝘵𝘳𝘪𝘯𝘨𝘴 𝘰𝘧 𝘏𝘦𝘢𝘳𝘵, 𝘊𝘳𝘦𝘢𝘵𝘪𝘷𝘦 𝘚𝘵𝘢𝘵𝘪𝘰𝘯, 𝘔𝘢𝘳𝘤𝘩𝘉𝘰𝘢𝘳𝘥 𝘎𝘢𝘭𝘭𝘦𝘳𝘺, at 𝘓𝘪𝘷𝘦 𝘚𝘬𝘦𝘵𝘤 𝘉𝘰𝘰𝘵𝘩, bukod pa sa iba pang aktibidad na lalong nagpasigla sa kapaligiran ng paaralan. Ang mga nasabing booth ay naging daan upang maipakita ng mga mag-aaral ang kanilang talento, husay, at pagiging malikhain.

Bukod sa mga booth, tampok din ang 𝘔𝘢𝘳𝘤𝘩𝘗𝘢𝘴𝘪𝘬𝘢𝘵, isang concert na nagbigay-entablado sa mga mag-aaral na may talento sa musika at pagtatanghal. Pinuno nito ang bulwagan at hardin ng paaralan ng saya, sigla, at palakpakan mula sa mga manonood.

Dinaluhan ang Sparkfest 2026 ng mga mag-aaral sa sekondarya, kasama rin ang ilang mag-aaral mula sa elementarya na nakiisa sa iba’t ibang gawain. Ipinakita ng kanilang aktibong pakikilahok ang diwa ng pagkakaisa at suporta sa mga programang inihahandog ng paaralan.

Sa kabuuan, naging matagumpay ang Sparkfest 2026 bilang isang pagdiriwang ng talento, pagkakaibigan, at kolaborasyon—isang alaala na mananatili sa puso ng bawat mag-aaral na naging bahagi nito.

✍️ 𝙐𝙡𝙖𝙩 𝙣𝙞: Ace Jamil Orquilla (Mamamahayag)

| 𝘽𝙤𝙨𝙚𝙨 𝙣𝙖 𝙎𝙞𝙣𝙞𝙠𝙞𝙡, 𝙆𝙖𝙩𝙖𝙧𝙪𝙣𝙜𝙖𝙣𝙜 𝘽𝙞𝙣𝙪𝙡𝙖𝙜

Sa isang lipunang inaasahang mapoproktetahan ang karapatan ng bawat mamamayan, nananatili ang tanong ng ilan, "𝘓𝘪𝘨𝘵𝘢𝘴 𝘱𝘢 𝘯𝘨𝘢 𝘣𝘢 𝘵𝘢𝘭𝘢𝘨𝘢 𝘢𝘯𝘨 𝘦𝘴𝘱𝘢𝘴𝘺𝘰𝘯𝘨 𝘨𝘪𝘯𝘢𝘨𝘢𝘭𝘢𝘸𝘢𝘯 𝘬𝘰?", sambit iyan ng mga karaniwang mamamayan. Sa kabila nito, may mga batas na nilikha upang pigilan ang mga mamamayan labn sa pang-aabusong sekswal, ngunit hindi pa rin mawawala ang tinig na patuloy pinatatahimik ang mga karapatang tila unti-unting kinitil.

Ang Republic Act No. 11313 o ang Safe Space Act na sinasabing Bawal Bastos Law, ay isinabatas upang protektahan ang bawat Pilipino sa anumang uri ng pang-aabuso, lalo na ang berbal na karahasan. Ngunit sa realidad, may mga pagkakataong ang batas na dapat ay sandigan ay nagiging biktima rin ng paninikil.

"𝘈𝘭𝘢𝘮 𝘬𝘰𝘯𝘨 𝘮𝘢𝘺 𝘣𝘢𝘵𝘢𝘴 𝘱𝘢𝘳𝘢 𝘴𝘢 𝘢𝘮𝘪𝘯, 𝘯𝘨𝘶𝘯𝘪𝘵 𝘣𝘢𝘬𝘪𝘵 𝘱𝘢𝘳𝘢𝘯𝘨 𝘸𝘢𝘭𝘢 𝘱𝘢 𝘳𝘪𝘯?"

Isa ito sa hinaing ng isang mamamayang minsang naging biktima ng pang-aalipusta. Bawat salitang ibanato sa kaniya, tila unti-unti siyang nawawalan ng kumpiyansa. At kahit alam niyang may batas na poprotekta sa kaniya, napapalitan ito ng takot.

"𝘔𝘪𝘯𝘴𝘢𝘯 𝘮𝘢𝘴 𝘮𝘢𝘴𝘢𝘬𝘪𝘵 𝘱𝘢 𝘢𝘯𝘨 𝘴𝘢𝘭𝘪𝘵𝘢, 𝘬𝘦𝘴𝘢 𝘴𝘢 𝘴𝘶𝘨𝘢𝘵 𝘯𝘢 𝘯𝘢𝘬𝘪𝘬𝘪𝘵𝘢"

Sa isang simpleng biro o mapanglait na komento, may isang taong palihim na nasasaktan. Ang mga salitang tila maliit para sa iba, ay nagiging dahilan na pala ng pagbagsak ng pag-asa at kumpiyansa ng iba.

Sa ilalim ng Safe Space Act, may malinaw na proteksyon laban sa Gender-Based Sexual Harassment, at iba pang uri ng mapanakit na asal sa pampublikong lugar, paaralan o online spaces. Ang batas na ito ay paalala na ang respeto ay hindi lamang kagandahang-asal kundi isang karapatan na dapat matamasa ng lahat.

Sa kabila ng mga mapanakit na salitang natatamo at mga karanasang pilit nagpapatahimik sa iilan, may pag-asa pa rin na magiging ligtas ang bawat mamsmayan sa ganitong uri ng harassment. Nagsisimula ito sa lakas ng loob na magsalita. Sapagkat ang tunay na lipunang maayos at makatao ay hindi lamang nakabase sa kung sumusunod ang msmamayan sa batas, kundi sa pagpapakita ng pag-unawa ng kanilang nararamdaman at pagrespeto o pagbibigay-galang sa kapuwa.

✍️ 𝙄𝙨𝙞𝙣𝙪𝙡𝙖𝙩 𝙣𝙞: Jasper F. Madula (Mamamahayag)
🎨 𝙂𝙪𝙝𝙞𝙩 𝙣𝙞: Saria D. Bayabao (Mamamahayag)

𝘽𝘼𝘽𝘼𝙀𝙉𝙂 𝙏𝘼𝙈𝙋𝙊𝙆 𝙉𝙂𝘼𝙔𝙊𝙉 ♀️

𝘽𝙗. 𝘾𝙝𝙖𝙧𝙞𝙩𝙮 𝙏. 𝘼𝙨𝙞𝙡𝙤
G**ong Tagapayo ng REBYU
G**o sa Filipino 9
G**o sa MAPEH 9

𝘉𝘢𝘣𝘢𝘦, 𝘩𝘪𝘯𝘥𝘪 𝘣𝘢𝘣𝘢𝘦 𝘭𝘢𝘯𝘨.