Light To My Path

No Room for Pride
Text: 1 Samuel 2:3

“Talk no more so exceeding proudly; let not arrogancy come out of your mouth: for the Lord is a God of knowledge, and by him actions are weighed.”

Ang verse na ito ay bahagi ng panalangin ni Hannah matapos sagutin ng Diyos ang kanyang kahilingan na magkaroon ng anak. Naranasan niya ang matinding kalungkutan at pangmamaliit ng iba. Pero nung kumilos ang Diyos at ibinigay sa kanya si Samuel, nagbago ang kanyang pananaw. Imbes na itaas ang sarili niya, itinaas niya ang Panginoon. Nagbigay siya ng babala laban sa pride at arrogance dahil alam niya na nakikita ng Diyos ang lahat.

Madalas, lumalabas ang pride sa paraan ng pananalita natin. Kapag ang tao feeling superior, makikita ito sa kanyang mga salita—nagyayabang ng achievements, minamaliit ang iba, o nagsasalita na parang siya ang may control sa lahat. Pero pinaaalalahanan tayo ni Hannah na naririnig ng Diyos ang bawat salita. Walang nakakalusot sa Kanyang kaalaman. Hindi lang Niya alam kung ano ang sinasabi natin, kundi pati ang intensyon sa likod nito.Sinasabi rin ng verse na ang Diyos ang tumitimbang ng ating mga gawa. Ibig sabihin, hindi Siya tumitingin sa panlabas na anyo kundi sa katotohanan. Maaaring ma-impress ang tao sa salita at image natin, pero ang Diyos sinusukat ang puso. Nakikita Niya kung ang ginagawa natin ay may humility o may pride, may sincerity o may hypocrisy.

This is a strong warning for us today. Posible na magmukhang spiritual, active, o successful, pero puno pala ng pride sa loob. Pero sa harap ng Diyos, walang nakatago. Ang ating mga salita, motibo, at gawa ay sinusuri Niya. Hindi ito para takutin tayo sa maling paraan, kundi para turuan tayong mamuhay nang maingat at may kababaang-loob sa Kanya.

Ibig sabihin nito, maging maingat tayo sa ating pananalita, iwasan ang pagyayabang, at ibigay ang credit sa Diyos sa bawat biyaya. Regular nating i-check ang ating puso—tanungin ang sarili kung nagse-serve ba tayo para sa glory ng Diyos o para sa sariling recognition.

Ang tunay na humility makikita kapag ina-acknowledge natin na lahat ng meron tayo ay galing sa Panginoon.

Following God is not only a belief in the heart but also a commitment expressed through daily obedience and service.