Jayem R Vlogs

Yung tipong paggising mo sa umaga, hindi pa nga bumabangon ang katawang lupa mo, pero ang utak mo karera na agad ang iniisip. Doon mo talaga maiintindihan kung bakit may mga taong bigla na lang nagiging tahimik.
​Hindi dahil suplado sila, kundi dahil ubos na ubos na ang energy nila sa pakikipagbuno sa buhay. Paano ka pa nga naman makikipag-kwentuhan o makikipag-plastikan kung sa loob-loob mo, sabay-sabay kang hinahabol ng mga bayarin, ng pressure na maitaguyod ang pamilya, ng toxic na workload, at ng mga sarili mong pangarap na parang unti-unti nang nawawala sa paningin mo.
​Ang daling sabihin na "mag-relax ka muna," pero kapag ikaw ang nasa posisyon, alam mong bawat segundong titigil ka, may pwedeng gumuho. Kaya pinipili na lang ng iba na manahimik. Iniipon na lang nila yung natitirang lakas nila para lang makaraos sa maghapon.
​Kung andun ka sa point na 'yan ngayon, okay lang kung hindi mo kayang maging masayahin sa harap ng iba. Hindi mo kailangang magpaliwanag kung bakit ka tahimik. Kapit lang, boss. Isang araw, isang hakbang lang muna.

©️Boompanot