RLG

Is This the GREATEST Mixed Doubles Match EVER! Johns & Waters vs Bright & Ignatowich for Gold! 🏆🔥 Experience the intensity of this 2023 Baird Wealth Management Open ...

(CEBMB'99) Marcos 1:14-20:
"Gipili ni Jesus ang Upat ka Mananagat
( Mat. 4:12-22; Luc. 4:14-15; Luc. 5:1-11)
¹⁴ Sa dihang nabilanggo na si Juan, miadto si Jesus sa Galilea ug nagsangyaw sa Maayong Balita sa Dios.
¹⁵ Miingon siya, “Miabot na gayod ang panahon nga maghari na ang Dios! Busa hinulsoli ug biyai ang inyong mga sala ug tuohi ninyo ang Maayong Balita!” Mat. 3:2 (14-15) Mat. 4:12-17 (14-15) Luc. 4:14-15
¹⁶ Samtang naglakaw si Jesus sa daplin sa Lanaw sa Galilea, nakita niya ang magsoong mananagat, si Simon ug si Andres nga namukot.
¹⁷ Unya miingon si Jesus kanila, “Kuyog kamo kanako ug tudloan ko kamo sa pagpanagat ug mga tawo.”
¹⁸ Dihadiha gibiyaan nila ang ilang mga pukot ug mikuyog kaniya.
¹⁹ Mipadayon si Jesus sa unahan ug nakita niya si Santiago ug si Juan nga mga anak ni Sebedeo. Didto sila sa ilang sakayan nag-andam sa ilang mga pukot.
²⁰ Sa pagkakita ni Jesus kanila, gidapit niya sila sa pagsunod kaniya. Busa gibiyaan nila ang ilang amahan didto sa sakayan uban sa mga sinuholan ug mikuyog sila kang Jesus. (16-20) Mat. 4:18-22 (16-20) Luc. 5:1-11"

(CEBMB'99) Mateo 12:33-37:
"Ang Punoan Maila sa Iyang Bunga
( Luc. 6:43-45)
³³ “Kinahanglan nga walay sakit ang punoan aron mamunga kinig maayong bunga. Kon ang punoan masakiton, ang bunga niini walay pulos. Kay ang punoan maila sa iyang bunga. Mat. 7:20
³⁴ Mga bitin! Unsaon man ninyo pagsultig mga maayong butang nga daotan man kamo? Kay unsa gani ang nakapuno sa kasingkasing mao usab ang isulti sa baba. Mat. 3:7 Mat. 15:18 Mat. 23:33 Luc. 3:7
³⁵ Ang maayong tawo magsultig maayo gikan sa mga maayong butang nga anaa sa iyang kasingkasing. Ang tawong daotan magsultig daotan gikan sa mga butang nga daotan nga anaa sa iyang kasingkasing. (33-35) Luc. 6:43-45
³⁶ “Sultihan ko kamo nga sa Adlaw sa Paghukom, ang matag usa ka tawo mohatag unya ug husay sa matag walay pulos nga pulong nga iyang gisulti.
³⁷ Kay ang inyong mga pulong mao usab unya ang gamiton sa paghukom kaninyo aron maila kon kamo sad-an ba o dili.”"

(CEBMB'99) Mateo 15:10-20:
"Ang mga Butang nga Makahugaw sa Tawo
( Mar. 7:14-23)
¹⁰ Unya gipaduol ni Jesus ang mga tawo ngadto kaniya ug miingon siya kanila, “Pamati kamo ug sabta ninyo kini:
¹¹ Dili ang mosulod sa baba sa tawo ang makahugaw kaniya kondili ang mogula sa iyang baba.”
¹² Unya miduol kaniya ang mga tinun-an ug miingon, “Nasayod ka ba nga naglagot ang mga Pariseo tungod sa imong gisulti?”
¹³ Si Jesus mitubag, “Ang tanang tanom nga wala itanom sa akong Amahan nga atua sa langit pagaibton.
¹⁴ Pasagdi lang sila kay sila mga giya nga buta. Ug kon ang usa ka buta maoy mag-agak sa laing buta, silang duha mangahulog sa kanal.” Luc. 6:39
¹⁵ Si Pedro miingon, “Sultihi kami sa kahulogan niining sambingaya.”
¹⁶ Si Jesus miingon kanila, “Dili pa ba usab diay kamo kasabot?
¹⁷ Wala ba diay kamo makasabot nga ang mosulod sa baba sa tawo mopadulong sa iyang tiyan ug unya mogula sa iyang lawas?
¹⁸ Apan ang mga butang nga mogula sa baba naggikan sa kasingkasing. Kining mga butanga maoy makahugaw sa tawo. Mat. 12:34
¹⁹ Kay gikan sa iyang kasingkasing manggula ang mga daotang hunahuna: pagpatay, pagpanapaw, daotan nga pagpakighilawas, pagpangawat, pagpamakak ug pagbutangbutang.
²⁰ Kini ang mga butang nga makahugaw sa tawo. Apan dili makahugaw sa tawo kon mokaon siya nga dili una manghunaw sumala sa ilang giingon nga maoy angayng buhaton.” (10-20) Mar. 7:14-23"

(CEBMB'99) Marcos 7:14-23:
"Ang Makahugaw sa Tawo
( Mat. 15:10-20)
¹⁴ Unya gipaduol pag-usab ni Jesus kaniya ang panon sa katawhan ug giingnan sila, “Pamati kamong tanan ug sabta ninyo kini:
¹⁵ bisan unsa nga mosulod sa baba sa tawo dili makahugaw kaniya. Ang makahugaw sa tawo mao kadtong mogula kaniya.”
¹⁷ Sa dihang mibiya na siya sa panon sa katawhan ug misulod sa balay gipangutana siya sa iyang mga tinun-an mahitungod sa maong panultihon. Mitubag si Jesus kanila,
¹⁸ “Ang inyong panabot sama ra sa uban. Wala ba diay kamo makasabot? Bisan unsa nga mosulod sa baba sa tawo dili makahugaw kaniya
¹⁹ kay ang pagkaon dili man mosulod sa iyang kasingkasing kondili ngadto sa iyang tiyan ug unya mogula usab gikan sa lawas.” (Sa pagsulti ni Jesus niini, iyang gipahayag nga mahimong kan-on ang tanang pagkaon.)
²⁰ Ug mipadayon siya sa pag-ingon, “Ang makahugaw sa tawo mao kadtong mogula kaniya.
²¹ Kay gikan sa kasingkasing, ang tawo makahunahuna ug daotan, makahimog salawayong pagpakighilawas, pagpangawat, pagpatay,
²² pagpanapaw, kahakog, pagkadaotan, pagpanglimbong, kalaw-ay, kasina, pagpangdaot sa uban, pagkamapahitas-on ug kabuang.
²³ Kining tanan naggikan sa sulod sa tawo ug maoy makahugaw kaniya.” (14-23) Mat. 15:10-20"

(CEBMB'99) Daniel 12:11-13:
"¹¹ “Ug sukad sa panahon nga hunongon ang inadlawng halad nga sunogon ug ipahimutang Ang Makalilisang nga Talan-awon, may 1,290 ka adlaw ang molabay. Dan. 9:27 Dan. 11:31 Mat. 24:15 Mar. 13:14
¹² Bulahan ang nagpabiling matinud-anon hangtod nga mahuman ang 1,335 ka adlaw.
¹³ “Ug ikaw, Daniel, padayona ang imong pagkamatinud-anon hangtod sa kataposan. Unya mamatay ka apan mobangon aron pagdawat sa gitagana alang kanimo inig-abot na sa kataposan.”"

Training pickle ball 🏀

(CEBMB'99) 2 Pedro 3:1-18:
"― 3 ―

Nagsaad ang Ginoo nga Mobalik Siya
¹ Minahal kong mga igsoon, kini ang ikaduha kong sulat kaninyo. Sa una kong sulat ug niining sulata, gipaningkamotan ko ang pagpukaw sa inyong mga maayong hunahuna pinaagi sa pagpahinumdom kaninyo niining mga butanga.
² Buot ko nga inyong hinumdoman ang gisulti sa mga balaang propeta kaniadto ug ang sugo sa Ginoo ug Manluluwas nga gihatag kaninyo pinaagi sa inyong mga apostoles.
³ Una sa tanan, angay ninyong hibaloan nga sa kataposang mga adlaw may mga tawo nga manungha kansang mga kinabuhi gigamhan sa ilang kailibgon. Magbugalbugal sila kaninyo 2 Tim. 3:1-5 Jud. 1:18
⁴ sa pag-ingon, “Dili ba misaad man siya nga mobalik? Hain na man siya? Nangamatay na lang ang among mga ginikanan apan mao gihapon ang kahimtang sa kalibotan sukad pa sa pagbuhat niini!”
⁵ Gituyo nila ang dili pagtagad niining maong kamatuoran: nga kaniadto gibuhat sa Dios ang langit ug ang yuta pinaagi sa iyang pulong. Ang kalibotan gibuhat gikan sa tubig ug pinaagi sa tubig; Gen. 1:6-9
⁶ ug pinaagi usab sa tubig sa lunop ang unang kalibotan gilaglag. Gen. 7:11 Gen. 7:23
⁷ Apan pinaagi usab sa pulong sa Dios ang kalangitan ug ang yuta nga atong nakita karon gitagana aron laglagon pinaagi sa kalayo. Giandam kini alang sa adlaw nga ang mga daotan hukman ug laglagon.
⁸ Apan, mga hinigugma, ayaw ninyo hikalimti nga sa Ginoo ang usa ka adlaw sama sa 1,000 ka tuig ug ang 1,000 ka tuig sama lamang sa usa ka adlaw. Sal. 90:4
⁹ Ang Ginoo dili maglangan pagtuman sa iyang gisaad sumala sa gihunahuna sa uban. Apan siya nagpailob kaninyo kay dili siya buot nga may usa nga malaglag kondili nga ang tanan maghinulsol ug mobiya sa ilang mga sala. 1 Tim. 2:4
¹⁰ Apan ang Adlaw sa Ginoo moabot sama sa usa ka kawatan. Nianang Adlawa ang kalangitan mahanaw uban sa kusog nga dinahunog ug ang mga butang mosilaob ug maugdaw ug ang yuta mahanaw uban sa tanan nga anaa niini. Is. 34:4 Mat. 24:43 Luc. 12:39 1 Tes. 5:2 Gipa. 3:3 Gipa. 16:15
¹¹ Ug sanglit kining tanan laglagon man niining paagiha, unsa may angay ninyong buhaton? Kinahanglan nga magkinabuhi kamo nga balaan ug ihalad ang inyong kinabuhi ngadto sa Dios
¹² samtang maghulat kamo sa Adlaw sa Dios nga ang mga langit mosilaob ug maugdaw ug ang mga butang mangatunaw tungod sa kainit.
¹³ Apan nagpaabot kita sa gisaad sa Dios nga mao ang bag-ong kalangitan ug ang bag-ong yuta diin maghari ang katarong. Is. 65:17 Is. 66:22 Gipa. 21:1
¹⁴ Busa, mga hinigugma, samtang nagpaabot kamo nianang Adlawa, paningkamot kamo pag-ayo nga mahimo kamong putli ug dili masaway sa Dios ug may pakigdait kaniya.
¹⁵ Ug isipa ang pagpailob sa atong Ginoo nga usa ka kahigayonan nga iyang gihatag aron maluwas kamo. Ang atong minahal nga igsoon nga si Pablo nagsulat usab kaninyo mahitungod niini ginamit ang kaalam nga gihatag sa Dios kaniya. Rom. 2:4
¹⁶ Kining mga butanga iyang gihisgotan sa tanan niyang mga sulat. May mga butang nga lisod sabton sa iyang mga sulat. Gituis kini sa mga walay alamag ug sa mga mabalhinon sama sa ilang gihimo sa ubang bahin sa Kasulatan ug sa ingon nagtukmod sa ilang kaugalingon ngadto sa kalaglagan.
¹⁷ Apan kamo, mga hinigugma, nasayod na niini. Busa pagmatngon aron dili kamo madala sa mga sayop sa mga malapason sa balaod ug mahulog gikan sa inyong lig-on nga baroganan.
¹⁸ Padayon hinuon kamo sa pagtubo diha sa grasya ug kahibalo sa atong Ginoo ug Manluluwas nga si Jesu-Cristo kay iya man ang tanang dungog hangtod sa kahangtoran! Amen."

(CEBMB'99) Juan 15:1-17:
"― 15 ―

Si Jesus ang Matuod nga Punoan sa Paras
¹ “Ako ang matuod nga punoan sa paras, ug ang akong Amahan mao ang tig-atiman.
² Putlon niya ang tanan kong sanga nga dili mamunga ug pul-ongan niya ang tanang sanga nga mamunga aron kini mahinlo ug mamungag daghan.
³ Nahinlo na kamo pinaagi sa mga pulong nga akong gisulti kaninyo.
⁴ Pabilin kamo kanako ug ako magpabilin kaninyo. Dili kamo makabunga gawas kon magpabilin kamo kanako, sama nga ang usa ka sanga dili makabunga gawas kon magpabilin kini sa punoan.
⁵ “Ako ang punoan sa paras ug kamo ang mga sanga. Ang magpabilin kanako ug ako diha kaniya, mamungag daghan. Kay kon wala ako, wala kamoy mahimo.
⁶ Ang dili magpabilin kanako mahisama sa usa ka sanga nga ilabay ug malaya. Pamuniton kini ug itambog sa kalayo aron masunog. Mat. 3:10 Mat. 7:19
⁷ Kon magpabilin kamo kanako ug ang akong mga pulong magpabilin kaninyo, makapangayo kamog bisan unsa ug madawat ninyo kini. Juan 14:13 1 Juan 3:22
⁸ Sa inyong pagpamungag daghan kapasidunggan ang akong Amahan ug sa ingon niini kamo mahimong akong mga tinun-an.
⁹ Nahigugma ako kaninyo ingon nga ang Amahan nahigugma kanako. Pabilin kamo sa akong gugma.
¹⁰ Kon tumanon ninyo ang akong mga sugo magpabilin kamo sa akong gugma sama nga ako nagtuman sa mga sugo sa akong Amahan ug nagpabilin sa iyang gugma.
¹¹ “Gisultihan ko kamo niini aron mabatonan ninyo ang akong kalipay ug mahingpit ang inyong kalipay.
¹² Kini mao ang akong sugo: paghigugmaay kamo sama nga ako nahigugma kaninyo. Juan 13:34 Juan 15:17 1 Juan 3:11 1 Juan 3:23 1 Juan 4:11 1 Juan 4:21 2 Juan 1:5
¹³ Ang labing dakong gugma nga ikahatag sa usa ka tawo ngadto sa iyang mga higala mao ang paghatag sa kaugalingon niyang kinabuhi alang kanila.
¹⁴ Kamo akong mga higala kon buhaton ninyo ang gisugo ko kaninyo.
¹⁵ Dili ko na kamo tawgon nga mga sulugoon kay ang sulugoon wala mahibalo sa gibuhat sa iyang agalon. Hinuon, tawgon ko kamo nga akong mga higala kay gisultihan ko man kamo sa tanan nga nadungog ko gikan sa akong Amahan. Heb. 1:2
¹⁶ Dili kamo ang nagpili kanako. Ako ang nagpili ug nagtudlo kaninyo aron kamo manglakaw ug mamunga ug bunga nga molungtad. Busa ihatag kaninyo sa Amahan bisag unsay inyong pangayoon kaniya pinaagi sa akong ngalan.
¹⁷ Kini mao ang isugo ko kaninyo: paghigugmaay kamo. Juan 13:34 Juan 15:12 1 Juan 3:23 2 Juan 1:5"