Albuera Development Team

https://www.facebook.com/share/p/188J4B3Vnj/

DISQUALIFICATION CASE NGA GIPASAKA NI OÑATE BATOK RICHARD GOMEZ, GIBASURA!

ORMOC CITY — Gibasura sa Commission on Elections ang disqualification case nga gisang-at ni kanhi Palompon, Leyte Mayor Ramon Oñate batok kang Leyte 4th District Representative Richard Gomez.

Sa napulo ka pahina nga desisyon sa Comelec First Division, giingon sa komisyon nga walay gipakitang final conviction sa korte batok kang Gomez kalabot sa giingong election offense. Giklaro usab niini nga dili husto ang proseso nga gihimo sa pag-file sa disqualification petition.

Sumala sa resolusyon:

“WHEREFORE, the Commission (First Division) hereby RESOLVES to DISMISS the instant Petition for Disqualification filed by Petitioner Ramon C. Oñate against Respondent Richard ‘Goma’ Gomez in connection with his candidacy for Member, House of Representatives for the Fourth (4th) District of Leyte in the 2025 NLE.”

Nag-ugat ang kaso human gi-share ni Gomez ang usa ka Facebook Live sa programang “Krusada,” nga naglantad sa giingong iregularidad sa pagpili sa mga miyembro sa electoral board sa Palompon. Lakip sa mga alegasyon ang presensya sa mga ngalan sa mga patay nga anaa gihapon sa voter’s list.

Bisan pa niini, dunay pipila ka tao nga nangutana nganong si Oñate ang nagsang-at sa kaso bisan dili siya ang direktang naapektuhan.

Duna sab mga nagduda nga may bahid sa pamulitika ang reklamo, ug giingong kabahin kini sa tensyon tali sa duha ka kampo human gibutyag ni Gomez ang giingong ilegal nga kalihokan sa Palompon Watershed and Forest Reserve.

via | John Kevin Pilapil