Rajesh Poudel

"दशैंमा घर फर्कंदा पहिलेको जस्तो गाउँ देखिन्न । आँगनमा रमाइलो गर्ने साथीहरू छैनन्, ढोकामा टोलाउने बालबालिका छैनन्,। गाउँ त रित्तै देखिन्छ, मान्छेहरू सहरतिर पसेका कारण घरको ढोकामा ताला मात्र देखिन्छ। पहिला दशैंमा गाउँभरि चहलपहल, हाँसो-ठट्टा, खानपिनको रौनक चल्थ्यो, अहिले भने सडक सुनसान, चौतारो खाली अनि खेतबारीमा मजुर नै भेटिँदैनन्। यस्तो लाग्छ गाउँसँगै बाल्यकालको रमाइलोपन पनि हराउँदै गएको छ। दशैं आउँछ तर त्यो पुरानो गाउँले दशैंको स्वाद भेटिन्न । गाउँ रित्तो देखिँदा मन झन् अझ खाली भइदिन्छ।"