NARTAM

ЕВРАЗИЙН ЭДИЙН ЗАСГИЙН ХОЛБООНЫ УЛСУУДААС ОХУ ТЭЭВЭРЛЭЛТ ГҮЙЦЭТГЭХ ТЭЭВЭРЛЭГЧДИЙН АНХААРАЛД🚨

📌Евразийн эдийн засгийн холбооны гишүүн улсууд (Армени, Беларусь, Казахстан, Киргизстан)-аас ОХУ руу автотээврээр импортын ачаа тээвэрлэх тохиолдолд “Импортын барааг урьдчилан баталгаажуулах систем” (система подтверждения ожидания поставки товаров /СПОТ/)-ийг 2026 оны 06 дугаар сарын 01-ний өдрөөс эхлэн ашиглаж эхэллээ.

📌СПОТ-ыг нэвтрүүлсэн зорилго: Татвар хураалтын хэмжээг нэмэгдүүлэх, ОХУ руу хууль бусаар бараа бүтээгдэхүүн импортлох тохиолдлыг багасгах.

📌Дээрх хугацаанаас эхлэн Евразийн эдийн засгийн холбооны гишүүн улсууд (Армени, Беларусь, Казахстан, Киргизстан)-аас бараа бүтээгдэхүүнийг импортлох тухай бичиг баримт (ДОПП)-ын бүрдүүлэлтийг урьдчилан хийгээгүй, QR код аваагүй тохиолдолд ОХУ руу импортлохыг зөвшөөрөхгүй.

📌Импортлогчид бараа бүтээгдэхүүнийг импортлохоос өмнө ОХУ-ын Холбооны татварын албаны мэдээллийн системээр дамжуулан импортлох ачааны талаар мэдэгдэж, барааг импортлохоос өмнө барьцаа байршуулах шаардлагатай.

📌Шинэ журмын дагуу өргөдөл гаргагч нь тээврийн хэрэгслийг хилээр гарахаас 2 хоногийн өмнө СПОТ операторт ДОПП-г гаргаж, барьцаа байршуулж, импортыг баталгаажуулсан QR кодыг тээвэрлэгчид хүлээлгэн өгнө.
Өргөдөл гаргагч - Евразийн эдийн засгийн холбооны гишүүн улсууд (Армени, Беларусь, Казахстан, Киргизстан)-аас бараа импортлохтой холбоотой шууд бус татварын мэдүүлгийг илгээх импортлогч эсвэл зуучлагч.