Masterclass Mongolia

Бидний өдөр тутмын амьдралд үргэлж үнэ хаялцах, наймаалцах шаардлага тулгардаг. Тэгвэл яаж амжилттайгаар өөрийн хүссэнээр үүнийг хийх вэ гэдгийг эндээс үзээрэй :).

Chris Voss - Наймаалцах урлаг

Мастерклассаас сурсан зүйл.

Хар хун. Өмнө нь бүх л хүмүүс хун шувууг зөвхөн цагаан байдаг л гэж боддог байж. Тиймээс огт боломжгүй зүйлийг Хар хун хэмээн зүйрлэн хэлдэг байсан гэдэг. Хун бол гоёмсог цагаан шувуу л гэхээс хэн ч хэзээ ч хар хун байна гэж сэтгээгүй хэрэг. Тэгтэл Австрали тивийг нээхэд хар хун огт боломжгүй зүйл бус харин ч амьд оршиж байдаг шувуу болон хувирсан гэнэ. Огт байхгүй гэж боддог байсан зүйл нь гэнэт гарч ирэхэд бүгд л шоконд орсон нь мэдээж.

Тиймээс Хар хун гэдэг хэллэг үүсэж үүгээр бидний төсөөлж байсан нийтлэг зүйлээс тэс өөр ойлголт ухагдахуун гэнэт гарч ирэхийг хэлэх болсон аж. Хүмүүс ихэвчлэн нийтлэг ойлголтоос гажууд зүйл гарч ирэхэд гайхаж барьц алддаг. Харин ямар ч зүйлд хар хун нь юу байж болохыг олоод мэдсний дараа асуудлыг шийдэх хамаагүй дөхөм болдог ч юм шиг. Харин хар хуныг харахын тулд хайрцагнаасаа гарч сэтгэн улам их сонсож улам их судлах ёстой байх. Бас хар хун нь яг л цагаантайгаа адил эрхэмсэг гоёмсог гэдгийг олж харах ёстой байх.