RGB TV

ХОНГОР СУМЫН НААДМЫН ДААГАНЫ УРАЛДААНД ТҮРҮҮЛЖ ЯВСАН ХОЁР ДААГА ХАДУУРЖ ГУРАВ, ДӨРӨВТ ЯВСАН ДААГУУД ҮЗҮҮР ТҮРҮҮНД ХУРДЛАВ.

ДАРХАН СУМЫН ЦОЛ ОЛГОХ БАРИЛДААНД СУМЫН ЗААН Д.ДЭЛГЭРДАЛАЙ ТҮРҮҮЛЖ, ЦОЛОО БАТАЛЛАА
Үндэсний их баяр наадмыг угтан зохион байгуулсан Дархан сумын үндэсний бөхийн сумын цол олгох барилдаан, “Дархан хайрхан” бөхийн дэвжээний галын сорилго наадам 2026 оны долоодугаар сарын 1-ний өдөр амжилттай болж өндөрлөлөө.
Дархан сумын цол олгох барилдаанд нийт 64 бөх зодоглосноос Архангай аймгийн Батцэнгэл сумын харьяат, Бөхбилэгт дэвжээний бөх, сумын заан Д.Дэлгэрдалай түрүүлж, цолоо баталлаа.
Үзүүрт Архангай аймгийн Батцэнгэл сумын харьяат, Бөхбилэгт дэвжээний бөх, сумын заан Г.Мөнхтулга шалгарсан бол шөвгийн дөрөвт Завхан аймгийн Сантмаргац сумын харьяат сумын заан Б.Балжинням, Баянхонгор аймгийн Галуут сумын харьяат, “Тэргүүн богд” дэвжээний бөх, сумын заан М.Билгүүн нар шалгарлаа.
Энэ жилийн онцлог нь сумын цол олгох барилдааныг “Дархан хайрхан” бөхийн дэвжээний галын сорилго наадамтай хамтатган зохион байгуулж, сумын цолтой болон залуу бөхчүүдэд ур чадвараа сорин өрсөлдлөө.
Улс, аймгийнхаа баяр наадамд амжилтаа ахиулан цол нэмж, шинээр улс, аймгийн цолтнууд олноор төрж, наадамчин олноо баясгах болтугай.

ҮНДЭСНИЙ ИХ БАЯР НААДМЫН СУМЫН ЗААН ЦОЛ ОЛГОХ БАРИЛДААН ӨЧИГДӨР АМЖИЛТТАЙ БОЛЖ ДУУСЛАА.

ХАРАА, ХҮЙТЭН, БОЛОН ШАРЫН ГОЛЫН УСНЫ ТҮВШИН 6 ДУГААР САРЫН СҮҮЛИЙН АРАВ ХОНОГИЙН БАЙДЛААР ҮЕРИЙН ТҮВШИНД ХҮРЭЭД БАЙНА.
Хэдийгээр голууд үертэй байгаа ч, зуны амралт зугаалгын улирал эхэлсэнтэй холбоотойгоор Хараа голын эрэг дагуу амрах иргэдийн урсгал эрс ихэсжээ.
Ирэх 7 дугаар сарын эхний 10 хоногт усны түвшин аажмаар тогтворжих төлөвтэй байгаа ч, иргэд анхаарал болгоомжоо сулруулахгүй байх шаардлагатай байна.
Үүнтэй холбогдуулан Онцгой байдлын газраас хамгаалалтын арга хэмжээг эрс чангатгаж, завьт эргүүлийг эрчимжүүллээ

Хараа голд усанд боогдсон 2 иргэнийг Онцгой байдлын албаныхан аварчээ.
Тодруулбал, Сэлэнгэ аймгийн Сайхан сумын Номгон 3-р багийн нутаг дэвсгэр, Хараа голын гүн хэсэг рүү орж усанд боогдсон байсан 47 настай эрэгтэй, 11 настай хүүгийн хамт Онцгой байдлын албаныхан аврах завь ашиглан эсэн мэнд эрэг дээр гаргажээ.
ОБЕГ-ын судалгаанаас үзэхэд нийт усны ослын 69 хувь нь зуны улиралд, үүнээс 41 хувь нь зөвхөн 7-р сард тохиолддог байна.

2026 оны 07-р сарын 02-ноос 2026 оны 07-р сарын 06-ныг
хүртэлх цаг агаарын урьдчилсан төлөв:

‼️‼️Наадмын талбайн худалдаа, үйлчилгээ эрхлэх зөвшөөрлийг өнөөдрөөс олгож эхэллээ.
Бүртгэлийг 7-р сарын 1-нээс 3-ны өдрүүдэд өглөөний 09:00-оос оройн 18:00 цаг хүртэл “Дархан хотын Соёл амралтын хүрээлэн" ОНӨААТҮГ-ын оффист хүлээн авна.
Хүнсний болон хүнсний бус худалдаа эрхлэгчдийг 7-р сарын 1-нээс 3-ны өдрүүдэд бүртгээд, зөвшөөрлийг нь ШУУД олгож байна.
Харин хуушуурын гэр, том асар ажиллуулах иргэдийг бүтгээд
7-р сарын 3-ны 16:00 цагаас “Залуучууд” театрын дугуй зааланд сургалтад хамруулсны дараа талбайг хуваарилж, мандат олгоно.