Modern PMgt

■●▪ ဘဝဆိုတာ

("ရသစာ​ပေ" မှ ကူးယူ​ဖော်ပြပါသည်။)

သိက္ခာခြုံလို့
လိပ်ပြာလုံသူတွေအတွက်
တန်ဖိုး တစ်ခု ဖြစ်သလို...

ဘဝဆိုတာ
အရှိကို အရှိအတိုင်း
လက်ခံတတ်သူတွေ အတွက်
စိတ်ညစ်ခြင်း ကင်းတဲ့
အရာ တစ်ခုလည်း ဖြစ်တယ်။

ဘဝဆိုတာ
ဖြစ်ချင်တာနဲ့ ဖြစ်သင့်တာ နှစ်ခုကြားက
ရွေးချယ်စရာ အခွင့်အလမ်းတွေ
ရှာဖွေခွင့် ရှိတဲ့ အရာ ဖြစ်သလို....

ဘဝဆိုတာ
စိတ်....အရောင်းအသွေး စုံလင်တဲ့
လူ့လောကကြီးရဲ့
အလှတရား တစ်ခုလည်း ဖြစ်တယ်။

ဘဝဆိုတာ
စိတ်ချမ်းသာမှုကို
ရှာဖွေ လိုသူတွေအတွက်
အလင်းရောင် တစ်ခု ဖြစ်သလို...

ဘဝဆိုတာ
အတွေအကြုံတွေ သင်ခန်းစာတွေ
အများကြီး
ဘဏ္ဍတိုက်ကြီးလည်း ဖြစ်တယ်။

ဘဝဆိုတာ
တည်တည်ငြိမ်ငြိမ် တွေးရင်
ရိုးရိုးရှင်းရှင်း မြင်နိုင်သလို...

ဘဝဆိုတာ
ဆန်းဆန်းပြားပြား တွေးရင်
ပဟေဠိဆန်ဆန်လည်း မြင်တွေ့ရမယ့်အရာဖြစ်တယ်။

ဘဝဆိုတာ
နမ်းရှိုက်ခွင့် မရှိတဲ့ ပန်းကို
တောင်ထိပ်မှာ ပွင့်စေတဲ့ အရာ ဖြစ်သလို....

ဘဝဆိုတာ
သင်းပျံ့ တဲ့ ရနံ့ကို ပြတင်းတံခါး ပိတ်ထားလဲ
ရင်ထဲ အထိ ယူဆောင် ပေးနိုင်တဲ့အရာ ဖြစ်တယ်။

ဘဝဆိုတာ
ကံတရားရဲ ရွေးချယ်ခွင့်နဲ့
ကိုယ် ရဲ့ ရွေးချယ်ခွင့်
တစ်လှည့်စီ အနိုင်ရတဲ့ အရာဖြစ်သလို....

ဘဝဆိုတာ
မွေးဖွားခြင်းနဲ့ သေဆုံးခြင်း
နှစ်ခုကြားက အရာတစ်ခုဖြစ်တယ်။

တကယ်တော့
အစွန်းအထင်း မရှိ တဲ့စိတ်နဲ့
ရိုးရိုးလေး တွေးကြည့်ရင်....

ဘဝဆိုတာ ရိုးရှင်းတဲ့အရာပါပဲ......။

Credit_To_Original_Writer

" I am a project practitioner" (3)

၁၉၈၁ နှစ်လည်မှာ၊ သံပရာကန်​ရေနံချက်စက်ရုံစီမံကိန်းက​နေ၊ ရန်ကုန် ရွာမ Gas Turbine Plant ( အင်းစိန်) ကိုတာဝန်ကျပါတယ်။ Main contractor က John Brown Engineering - JBE (Scottland) ဖြစ်ပါတယ်။

JBE ​နောက်ကျ​နေလို့ ၊ မှော်ဘီက ဗဟိုသု​တေသနအဖွဲ့ (Central Research Organization - CRO) ရဲ့ TSC site မှာ တစ်လ​ကျော်ခန့်ဝင်ကူရပါ​သေးတယ်။ CRO ညွှန်ချုပ်က ​ဒေါက်တာ မန်းသက်စံပါ။ TSC Engineer ​တွေက ​ရေနီမှာအတူလုပ်ခဲ့ဘူးတဲ့ ကိုမင်းစိုးနဲ့ ကိုသန်း​ဌေးနှစ်​ယောက်ဖြစ်ပါတယ်။ Turn key contractor က India က Supernikar & sons Company ဖြစ်ပါတယ်။ Indian Engineer ​တွေက Chemical Engineer ​တွေပါ။ Pulp mill, Metal processing, နဲ့ Medical research pilot plants ​တွေ​ဆောက်ခဲ့တာပါ။ စက်ရုံမှူး​/ အင်ဂျင်နီယာ တွေက မှတ်မိသ​လောက် ဦး​နေဝင်းသမီးနဲ့ ဗိုလ်ချုပ်​ကျော်ထင်သမီးတို့ပါ။ စက်တွေ တပ်ဆင်၊ စက်တွေထိုင် (Mill wrights/ Equipment installation) လုပ်ငန်းပိုင်း​တွေပါ။ တစ်လ​ကျော်​လောက်​ကြာ​တော့ JBE ​ရောက်လာလို့ ရွာမ Gas Turbine project ကိုဝင်ရပါတယ်။

Gas turbine plant project မှာ​တော့ Storage tanks ​တွေ ​ဆောက်ရတာပါ။ သံပြားက​နေ ဆီသို​လှောင်တဲ့ tank ​တွေ ဖြစ်လာ​သည်အထိ​ပေါ့။
​အလုပ်စဝင်ချိန် ​ရေနီစီမံကိန်းမှာ fitter, welder , helper, site clerk ၊အင်အား ၁၅ ​ယောက်ခန့် ကို စီမံခန့်ခွဲရပါတယ်။ ရွာမ စီမံကိန်း မှာ​တော့ အင်အား ၄၀ ရှိပါတယ်။ တစ်ပြိုင်နက်တည်းမှာ tank နှစ်လုံး​လောက်​ဆောက်ဖို့ရယ်၊ construction materials ​တွေအဆင်သင့်ဖြစ်​နေ​အောင်၊ ကြိုတင်ပြီး material package/ crate ​တွေကို ဖွင့်၊​ဖောက်၊စစ်၊ သိမ်း လုပ်တဲ့ အဖွဲ့ကို လူ ၁၀ ​ယောက်​လောက် ​ပေးထားရတာပါပါတယ်။ ဝန်ထမ်းအများစုက ​ရေနီစီမံကိန်း testing & commissioning လုပ်ငန်းအပြီး ​ရောက်လာသူများကြပါတယ်။ လူငယ်​တွေများပြီး အများစုက၊ရေနီစီမံကိန်းမှာ အကူ (helper) နဲ့ ဝင်လုပ်ကြရင်း လုပ်ငန်းအ​တွေ့အကြုံအရ fitter, welder ဖြစ်လာကြသူများဖြစ်ပါတယ်။ ရန်ကုန်ကိုပထမဆုံးစ​ရောက်လာကြသူအများစုမို့၊ ရန်ကုန်​ရောက်စ သူတို့​တွေ့ကြုံရတဲ့ ​​နေ့တဓူဝအလွဲ​လေးများကလည်း၊ အလုပ်များတဲ့အထဲက၊ အ​မော​ပြေရပါတယ်။ ( အင်းစိန် ဒညင်းကုန်းဆွဲတဲ့ သုံးဘီးကားကို၊ အ​ကောင်​သေး​သေးအသံကျယ်ကျယ်နဲ့ကားလို့​ပြောတဲ့သူ၊ ရွာကအ​မေ့ထံ့စာပို့တာ ပြန်စာမလာလို့စိတ်ပူတယ်​ပြောလို့​မေးကြည့်​တော့မှ၊ ဂဠုံန်စီမံချက် အကြံ​ပေးစာပုံးကို စာတိုက်ပုံးမှတ်ပြီးစာထည့်ခဲ့တဲ့သူ​တွေနဲ့ အဖြစ်သနစ်စုံပါတယ်။)

ရွာမ project မှာလည်း ​ရေနီ project မှာတွဲခဲ့တဲ့ AE ကိုသန်းကြွယ်နဲ့ပါဘဲ။ " အဆင်​ပြေမဲ့ SAE ​ပေးမယ်၊ ​ပြောပါဆိုလို့၊ ကိုယ်​မောင်ရင့်အမည်​ပေးလိုက်တာ ​ပြောပါတယ်" ။ ဒါ​ပေမဲ့ သူနဲ့ကျွန်​တော့်မှာ ​ရေရှည်လက်တွဲ လုပ်ရတဲ့ ကံမပါခဲ့ဘူး​ပြောရမှာပါဘဲ။ ​ရေနီမှာ အလုပ်စဝင်ကတည်းက၊ ပထမ​နေ့ Site လိုက်ပြ၊ drawing ​​တွေပေးရှင်းပြလုပ်ခဲ့ပြီး၊ ဒုတိယ​မြောက်နေ့မှာ သူ့ကိုတ​နေကုန်မ​တွေ့ပါဘူး။ ည​နေ​စောင်းမှ သူ့အ​ဖေကျန်းမာ​ရေးမ​ကောင်းလို့ ​တောင်ကြီးပြန်ဖို့စီစဥ်​နေတာသိရပါတယ်။ အဲဓီ ဒုတိယ​နေ့ညမှာဘဲ ​တောင်ကြီးပြန်သွားတာ၊ တစ်လ​​ကျော်အကြာသူ့အ​ဖေဆုံးပြီးမှပြန်လာနိုင်ပါတယ်။ ပြန်လာပြီး တစ်လ​လောက်​နေ​တော့ Recovery Boiler site အသစ်ခွဲတာမို့ ​ပြောင်းရလို့ ကွဲသွားပြန်ပါတယ်။ ရွာမ စီမံကိန်းမှာလည်း တစ်လခန့်အကြာမှာ ​ကိုသန်းကြွယ် ဖောင်ကြီးသင်တန်းသွားတက်ရလို့ ကျွန်​တော်တစ်​ယောက်တည်းကျန်ခဲ့ပြန်ပါတယ်။ Dy. E က ဦး​ကျော်ဇော ဖြစ်ပြီး နှစ်ပါတ်တစ်ကြိမ် Site meeting အစည်းအ​ဝေးလာတက်ရင်း လိုအပ်တာ​တွေ စီစဥွ်ပေးပါတယ်။

အလုပ်စဝင်ကတည်းက self-supervision and leading ကြုံခဲ့ရ​တော့ independent charge မို့အခက်အခဲ​တွေကြုံ ရဖြေရှင်းရသလို အ​တွေ့အကြုံများစွာရပါတယ်။

လုပ်ငန်းပြ ( work-charge) အင်ဂျင်နီယာ အဖြစ်၊ TSC နဲ့ နှစ်နှစ်ခွဲခန့် Project များ ကာလတစ်​လျှောက်မှာ Mitsubishi (Japan) ၊ Supernikar and Sons (India) , John Brown Engineering ( Scottland) နဲ့လုပ်ခဲ့ရလို့ English communication skills က​တော့ သင်တန်းမရှိဘဲ၊ လုပ်ငန်းခွင်မှာ​လေ့လာရင်းရခဲ့ပါတယ်။ International Engineering Standards ​တွေဖြစ်တဲ့ JIS (Japan Industrial Standard), IS (Indian Standard), BS ( British Standard) ​တွေနဲ့ ရင်းနှီးခွင့်၊ အသုံးချခွင့်ရလာခဲ့ပါတယ်။

Project Management Skills မှာတော့ Main contractor ​တွေကဘဲ ဦး​ဆောင်စီမံခန့်ခွဲသွားခဲ့ကြတာမို့၊ Frontline management level အပိုင်းရဲ့ လုပ်ငန်းပိုင်း
technical skills, operational planning, နဲ့ site management အ​တွေ့အကြုံ​တွေကို​တော့ ကျွဲကူး​ရေပါ၊
ရခဲ့တယ်လို့ဘဲ ​ပြောရမှာပါ။

17.10.2020 (Saturday)

1. Modern Project Management (ခေတ်သစ်စီမံကိန်း စီမံခန့်ခွဲမှု)

စီမံကိန်း စီမံခန့်ခွဲမှု ခေတ်သစ်ကို စတင်ခဲ့တာ ၂၀၁၇ မှာ နှစ် (၆၀) ပြည့်ခဲ့ပြီဖြစ်ပါတယ်။ အင်ဂျင်နီယာများ l စီမံကိန်းစီမံခန့်ခွဲသူများ (Project Practitioners) အကြား အသိများကြတဲ့ Planning tool တစ်ခုဖြစ်သော CPM (Critical Path Method) ကို သိပ္ပံနည်းကျ ခေတ်သစ် စီမံကိန်း အချိန်ဇယား ရေးဆွဲခြင်း (Science to the process of time control) အဖြစ် တီထွင်ခဲ့တာ နှစ် ၆၀ ပြည့်တော့မယ်လို့လဲတစ်နည်းအားဖြင့်ပြောလို့ရပါတယ်။

Critical Path Method (CPM)ကို ၁၉၅၇ မှာစတင်သုံးစွဲခဲ့ပြီး မကြာမီ ၁၉၅၈ မှာ PERT (Program Evaluation & Review Technique) Scheduling tool ကို တီထွင် ခဲ့ပြန်ပါတယ်။ Scheduling အကြောင်းပြော ရင် Bar chart/ Gantt chart ချန်ထာလို့မရပါဘူး။ Bar chart ကို ၁၇၆၅ မှာ Joseph Priestley ကစတင်သုံးစွဲခဲ့တာ ယနေ့တိုင် အချို့ project တွေမှာ သုံးနေဆဲမို့ သက်တမ်း အရှည်ဆုံးသော scheduling tool လို့ သတ်မှတ်လို့ ရပါတယ်။ နောက်ပိုင်းမှာ William play fair က ၁၇၈၆ နဲ့ Henry Gantt တို့ ကြောင့် Gantt Chart လို့လည်းအသိများကြပါတယ်။

CPM tool မတိုင်မီ Bar chart/ Gantt chart တို့နည်းတူ Flow line scheduling, Line of balance technique နဲ့ Milestone technique တို့လို တို့ကိုလည်း scheduling ဆွဲရာမှာ သုံး ခဲ့ကြပါသေးတယ်။ ၁၉၆၀ အစောပိုင်း မှာ WBS- Work breakdown Structure ကို အမေရိကန် ကြည်းတပ်နဲ့ NASA တို့က စတင်သုံးခဲ့ကြပါတယ်။ WBS ဟာ Project management planning ရေးဆွဲရာမှာ essential tool ဖြစ်ပါတယ်။
၁၉၆၉ မှာတော့ Dr. Martin Barns (UK ) က time, cost and output ( the correct scope at the correct control) တို့ရဲ့ Project မှာ အရေးပါမှု ကို " tome & money in control" လို့ ခေါ်တွင်ခဲ့ပါတယ်။ အခုအချိန်မှာတော့ " Iron triangle" ဒါမှမဟုတ် " triple constraints" အဖြစ် project practitioners များ သိကြတဲ့ project management concept ဖြစ်ပါတယ်။

Project management tools and technique ပိုင်းမှာ တဖြည်း ဖြည်း ဖွံ့ဖြိုးလာခဲ့ပေမဲ့ ဒီနေရာမှာ အပိုင်း ၃ပိုင်းခွဲခြားလေ့လာနိုင်ပါတယ်။
၁၉၆၀-၁၉၉၀ အစောပိုင်းကာလမှာ အဖွဲအစည်း များဟာ Project driven မဟတ်သေးပါဘူး။ အဲဒီကာလကို Hybrid (Traditional project management) နဲ့၁၉၉၀ -၂၀၀၉ ကာလကို Hybrid modern project management ရယ်လို့ခွဲခြားနို့ငပါတယ်။

အစောပိုင်းကာလမှာ Organization project development ဟာ non project driven ဖြစ်ပါတယ်။ ၁၉၉၀ နောက်ပိုင်း Globalization ကြောင့် technology change နဲ့ market place change တွေကြောင့် project management ကို organization တွေမှာ အသုံးပြုမှု များလာသလို TQM, Concurrent Engineering, empowerment, Re-Engineering, Life cycle change, risk ....etc process supporting များ တိုးတက်ဖွံု့ဖြိုး လာမှုကြောင့် စီမံကိန်း စီမံခန့်ခွဲမှု သည် မူလ သန္ဓေတည်ရာ Engineering, defense, and construction နယ်ပါယ်မှ ကျော်ဖြတ်၍ Information technology, business. health care, research, education, social and community development, and organizational development စသည့် ပြင်ပ နယ်ပါယ်များတွင်ပါ အသုံး ချလာမှုကြောင့် အခြားပြင်ပနယ်ပါယ်မှ Tools and techniques များ ( business tools, financial tools, quality control tools, decision making tools ...etc) ကြောင့် ပိုမိုကျယ်ပြန့်စွာ သုံးစွဲလာကြသည်ကိုတွေ့မြင်ကြရမည် ဖြစ်ပါသည်။

ရှေ့ပိုင်းက MPM အပိုင်း မှာ တင်ပြပြီး ခဲ့တဲ့အတိုင်း ၁၉၅၇ မှာ CPM (Critical path method )ကို စြပြီး တီထွင်သုးံစွ် ခဲ့ချိန်ကစပြီး ယနေ့ အချိန်ထိ ခေတ်သစ်စီမံကိန်း စီမံခန်ွခွဲမှု နယ်ပယ်မှာ tools and techniques ပေါင်း ရှစ်ဆယ်ကျော်ရှိပါတယ်။
ဖွံ့ဖြိုးဆဲနိုင်ငံအများစုနဲ့ စီမံကိန်းစီမံခန့်ခွဲ်မှု ရင့်ကျက်မှု (Project management maturity) အားနည်းနေသေးတဲ့နိုင်ငံ အများစု မှာ တော့ မဖွံ့ဖြိုးသေးတဲ့ ( Latent form)ပုံစံအဆင့်မှာ ရှိနေပါသေးတယ်။ Modern tools and techniques တွေကိုသုံးပြီး စီမံကိန်းများစီမံခန့်ခွဲမှုမှာ အားနည်းနေပါသေးတယ်။

စီမံကိန်းစီမံခန့်ခွဲမှု မှာ ပင်မကျောရိုး (core knowledge area) ဖြစ်တဲ့ scope management, time management, and cost management မှာ လက်ရှိ Modern form မှာ သုံးစွဲနေတဲ့ tools and techniques အချို့ကိုအောက်မှာ ဖော်ပြထားပါတယ်။ သင့်အနေနဲ့ လက်ရှိ project planning လုပ်နေတယ်ဆိုခဲ့ရင် ဘယ်လို tools and techniques တွေကို အသုံးပြုဘူးတယ်ဆိုတာကို ဆန်းစစ်လို့ရပါလိမ့်မယ်။

Tools and Techniques apply in Modern Project Management
Scope management
1. Scope statement
2. Work breakdown structure (WBS)
3. Mind maps
4. Statements of work
5. Requirement analyses
6. Scope management plans
7. Scope verification techniques
8. Scope change controls
Time management
1. Gantt charts
2. Project network diagrams
3. Critical path analyses
4. Crashing
5. Fast tracking
6. Scheduling performance measurements
Cost management
1. Net present value (NPV)
2. Return on investment (ROI)
3. Payback analyses
4. Earn value management (EVM)
5. Project portfolio management
6. Cost estimates
7. Cost management plans
8. Cost baseline

စီမံကိန်းစီမံခန့်ခွဲမှု ရဲ့ အဓိပ္ပါယ်ဖွင့်ဆိုမှု Definition ပိုင်းကိုလေ့လာကြည့်မယ်ဆိုရင်-

Global text ဖြစ်တဲ့ PMI(Project Management Institute) ကပြောထားတာက

"Project management is the application of knowledge. skills, tools, and techniques to project activities to meet the project requirements." ဟု ဆိုထားပါတယ်။

ရှေ့ပိုင်းက MPM မှာ Scientific tools and techniques တွေကြောင့် project management ကို စီမံကိန်း စီမံခန့်ခွဲမှု ခေတ်သစ်ကို ဖြစ်စေခဲ့သလို Knowledge and Skills များ ကြောင့်လည်း ပိုမို ပြီး ထိရောက်မှု effectiveness ုဖြစ်စေခဲ့ပါတယ်။

Project management ဟာ Knowledge ခေတ်မှာ develop ဖြစ်လာတာရယ် Academician တွေရဲ့ research development ရယ်ကြောင့် အခုဆိုရင် management knowledge areas (10) ခုအထိ ဗဟုသုတရှိအောင် Project practitioner တစ်ယောက်အနေနဲ့ လေ့လာထားဖို့လိုပါမယ်။

Project practitioner တစ်ယောက် သိနားလည်ထားရမယ့် Management Knowledge areas (၁၀) ခုကတော PMI (PMBOK) အရ ပြောရရင်-

1. Project integration management
2. Scope management
3. Time management
4. Cost management
5. Quality management
6. HR management
7. Communication management
8. Procurement management
9. Risk management
10. Stakeholder management
တို့ဖြစ်ပါတယ်။

အဓိက ကတော့ management concepts တွေနဲ့ သက်ဆိုင်ရာ tools and techniques တွေကို ကျွမ်းကျွမ်ကျင်ကျင် အသုံးပြု တတ်ဖို့ ဖြစ်ပါတယ်။

7.10.2021