Prime Auto Technology

သိသူကျော်သွား မသိသူဖော်စား

ကျနော်တို့အလုပ်ရုံကို Toyota Landcruiser Prado ကားလေးတစ်စီး ၊ ABS မီးရယ် ၊ Parking Brake (Hand Brake ) မီးရယ် တွဲလင်းလာလို့ဆိုပြီးရောက်လာတယ်ဗျ ။

အဲ့ဒါနဲ့ Scan Tool နဲ့ စက်ထိုးပြီး စစ်မယ်ပေါ့ ။ စက်ထိုးစစ်တယ် ။ စက်က ဘယ်လိုမှ ၀င်မရဘူး ၊ စက်ကြောင့် လားဆိုပြီး တခြားစက်တစ်လုံးနဲ့ ၀င်ကြည့်တော့လည်းမရဘူး ။ ဒါဆိုရင်တော့ ABS ECU တွေမှာ Error ရှိမယ်လို့ယူဆပြီး ABS ECU ကိုရှာကြည့်တော့ ABS ECU Pin Out တွေမှာ Timer ခံပြီး ချက်မီး ဖျောက်ထား တာ သွားတွေ့ပါတယ် ။

အဲ့ဒါနဲ့ Timer ကြိုးတွေကို အကုန်ဖြုတ်ပြီး သူ့ Original ကြိုးလိုင်းအရောင်အတိုင်း ပြန်ဆက် ၊ ပြန်စမ်းကြည့်တယ်ပေါ့ ။ ကျနော်ထင်လိုက်တာက ABS နဲ့ Parking Brake တွေကို Timer Circuit နဲ့ ကျော်ထားခွထားတာ ၊ Timer Circuit ပျက်လို့ ကြောင်လို့ ဒီမီးတွေ လင်းတာလို့ ယူဆမိသွားတာ ။
အဲ့ဒါနဲ့ Timer Circuit ဖြုတ်ပြီး နဂိုအတိုင်းပြန်တွဲလိုက်တော့ ABS မီးအပြင် VSC/TRC နဲ့ VSC Off မီးပါ တွဲလင်းလာပါလေရော ။ အဲ့မှာ သဘောပေါက်သွားတာက ။ ဒါ VSC/TRC မီးတွေကို ကျော်ထားတာ ။ ဒါက ဖြေရှင်းရမှာ တလိုင်း ။ နောက် ABS မီးလင်းတာက တစ်ပိုင်းဆိုပြီးတွေးမိသွားတာနဲ့ ။ ABS ECU လဲစမ်းဖို့ အကြံရပါတယ် ။

အဲ့ဒါနဲ့ Customer ကိုပြောပြီး ABS ECU အရင်လဲစမ်းရမယ်ဆိုတဲ့အကြောင်း Error နှစ်ခုဖြစ်နေတဲ့အကြောင်း ရှင်းပြရပါတယ် ။ Customer ခွင့်ပြုတာနဲ့ ။ ABS ECU မှာပြီး လဲစမ်းလိုက်တယ်ဆို ၊ ABS နဲ့ Hand Brake မီးလင်းနေတာ အော်တိုပျောက်သွားပါတယ် ။ စက်လည်း၀င်ရသွားပြီး Scan Tool နဲ့ ဖတ်ကြည့်လိုက်တော့ ။

C1233 (Open or Short Circuit In Yaw Rate Sensor Circuit) ဆိုပြီး Error Code တက်လာပါတယ် ။

(ဒီနေရာမှာ Yaw Rate Sensor အကြောင်းလေး ဖြတ်ပြောပြချင်ပါတယ် ။ သိပြီးသူများ သိပြီးဖြစ်ပေမယ့် မသိသေးသူတွေ ဘာမှန်းမသိမှာစိုးလို့ပါ ။ Yaw Rate Sensor ဆိုတာက Front View , Side View , Top View ကျတော်တို့ရဲ့ သုံးဖက်မြင်လောကကြီးမှာ ကားတစီးရဲ့ Vertical Axis ဆိုတဲ့ ၀င်ရိုးကနေ အဲ့ဒီကားရဲ့ အနှေးနဲ့ အမြန်လည်ပတ်နှုန်း တိမ်းစောင်းနှုန်း ဒီဂရီတွေကို အာရုံခံတဲ့ ဆန်ဆာတစ်ခုပါ ။ အဲ့ဒါကို Angular Velocity လို့လည်းခေါ်ကြပါတယ် ။ အဲ့ဒီ ၀င်ရိုးကို သူက Zero Point အနေအထားကနေ စောင့်ကြည့်နေပြီး ကားက ဘယ်ကို ဘယ်လောက်စောင်းလည်သွား ၊ ညာကို ဘယ်လောက်စောင်းလည်သွားလဲဆိုတာကို အာရုံခံပေးတဲ့ ဆန်ဆာလေးပါ ။ အဲ့ဒီစောင်းသွားတဲ့ Angle ကို Slip Angle လို့ခေါ်ပါတယ် ။ သူက အာရုံခံပြီး ဘာလုပ်သလဲဆိုရင်တော့ အပေါ်မှာ ချက်မီးတွေ လင်းစေတဲ့ VSC/TRC တွေနဲ့ တွဲဖက်အလုပ်လုပ်ပါတယ် ။ VSC ( Vehicle Stability Control) / TRC ( Traction Control System ) ဆိုတာတွေကတော့ ကားက အကွေ့တွေ အတိမ်းအစောင်းတွေမှာ တဖက်ယာဉ်ကျောထဲကို Slip ဖြစ်ပြီး အရှိန်လွန်ပါမသွားအောင် ထိန်းချုပ် ပေးတဲ့ စနစ်တွေပဲဖြစ်ပါတယ် ။ နောက်ပိုင်း မော်ဒယ်မြင့်ကားတွေမှာ ဒီစနစ်တွေပါလာပါပြီ ။ ဒီစနစ်တွေနဲ့ တွဲဖက် အလုပ်လုပ်တာကတော့ အခုပြောတဲ့ Yaw Rate Sensor တွေ ၊ G Sensor တွေ ၊ Steering Angle Sensor တွေပဲဖြစ်ပါတယ် ။ VSC/TRC အကြောင်း အသေးစိတ်သိချင်ရင်တော့ အောက်က ပိုစ့်မှာသွားရောက် ဖတ်ရှုနိုင်ပါတယ် ။ )

အဲ့ဒါနဲ့ Yaw Rate Sensor PinOut တွေကို ကြိုး Connection တွေပြတ်တောက်နေတာ ရှိမရှိ Multi Meter နဲ့ စမ်းကြည့်ပါတယ် ။ Connection ဆက်သွယ်ချက်တွေ အကုန်ရှိတဲ့အတွက် Yaw Rate Sensor ပဲမကောင်းတာလို့ 80 % လောက်ယူဆရပြီး ။ အဲ့ဒါလဲဖို့ ရှာရပါတယ် ။ ဒီကားမော်ဒယ်အတွက် ပစ္စည်းရှားတဲ့အတွက် အချိန်တော်တော်လေးကိုပေးပြီးရှာလိုက်ရပါတယ် ။

တခြားမော်ဒယ်က ကားတွေမှာလည်း Yaw Rate Sensor တွေပါပေမယ့် ၊ နံပါတ်မတူရင် မရပါဘူး ။ ဥပမာ Crown တွေမှာလည်းပါပါတယ် ။ ပုံစံ အထိုင် အကုန်တူပါတယ် ။ နံပါတ်မတူပါဘူး ။ နောက် ပုံမှန်အားဖြင့် ကားတော်တော်များများရဲ့ Yaw Rate Sensor က ကားရဲ့ အလည်ထိုင်ခုံတွေကြားမှာရှိတတ်ပါတယ် ။ Crown တွေကတော့ နောက်ဖုံးထဲမှာထားပါတယ် ။ (မော်ဒယ်ကွာရင် ကွာခြားနိုင်ပါတယ် )
ခက်ခက်ခဲခဲ မော်ဒယ် နံပါတ်တူတာ ရှာလို့ ရတော့ လဲပြီး တပ်စမ်းကြည့်ပါတယ် ။

Error Code က ပျောက်မသွားဘဲ ဒီအတိုင်းကျန်နေပါတယ် ။ Code လည်းဖျက်မရဘဲ ကျန်နေပါတယ် ။ ဘာစစ်ဖို့ ကျန်နေလို့လဲ ၊ ကြိုး Connection ? ABS ECU လား ? ခေါင်းတော့ အတော်လေးစားသွားပါတယ် ။ အကုန်အစကနေ ပြန်စစ်တော့လည်း အကုန်မှန်နေပြီး ဒီအတိုင်းပဲ Error တက်နေပါတယ် ။ Yaw Sensor များမကောင်းလို့လား ပြန်တွေးရပြန်ပါတယ် ။ ကားက ပစ္စည်းရှာတာနဲ့ ရက်ကြာလာတော့ Customer က အချိန်ပေးထားပေမယ့် အားနာလာပြီ ။

အဲ့ဒါနဲ့ Battery ခေါင်းတွေပါ ဖြုတ် Reset ချ ။ ကားကို မောင်းစမ်းလိုက်တော့ Yaw Rate Sensor Error Code ကပျောက်သွားပြီး ၊ Yaw Rate Sensor Zero Point Calibration တောင်းတဲ့ Code တက်လာပါတယ် ။ အတော်၀မ်းသာသွားပြီး စက်နဲ့ပဲ Calibration ချ ၊ စက်က Recommendation ပေးတဲ့အတိုင်း 5 Minutes ကျော်ကျော် အနည်းဆုံးမောင်းပေးလိုက်တော့မှ ကားက Error Code ပျောက်သွားပါတယ် ။
VSC/TRC မီးတွေလည်း အကုန်ငြိမ်းသွားပါတယ် ။ ကားလည်းငြိမ်သွားပါတယ် ။ VSC/TRC မီးလင်းနေတဲ့အချိန် ကားက အရှိန်များလာတာနဲ့အမျှ အကွေ့တွေမှာလူးပါတယ် ။ အဝေးပြေးတွေမှာ အန္တရာယ် ရှိနိုင်ပါတယ် ။

ဒီကားမှာ ABS ECU ပျက်ရတာက ABS Control ဘူး Pin out တွေက တိုက်ရိုက် VSC/TRC မီးတွေကို ကျော်ထားတာကနေ Short ကျပြီး ABS ECU ပျက်သွားတယ်လို့ယူဆပါတယ် ။ ABS ECU စျေးကလည်း မသေးတာမို့ ဆင်ခြင်သတိထားစရာ တစ်ခုရခဲ့ပါတယ် ။

သိသူတွေကျော်သွားပြီး မသိသေးသူတွေ ဖော်စားနိုင်ကြပါစေဗျာ ။
နည်းပညာ လေ့လာသူ မိတ်ဆွေညီကိုမောင်နှမအားလုံး နည်းပညာဗဟုသုတ ကြွယ်ဝကြပါစေ။
• • ကားနဲ့ပတ်သတ်သော နည်းပညာပေါင်းများစွာ ဒီပေ့စ်မှာ လာရောက်လေ့လာနိုင်ပါတယ် ။
• • Prime Auto Technology ကထုတ်ထားတဲ့ ကားဝါယာရိန်း နှင့်ပတ်သတ်သော နည်းပညာစာအုပ်များ ဝယ်ယူလိုပါက
• https://www.facebook.com/share/p/1DjxMSfYxy/
• Prime Auto Technology ကနေ အသစ်ဖွင့်မယ် ကားဝါယာရိန်း နည်းပညာ သင်တန်းများ တက်ရောက်လိုပါက
• https://www.facebook.com/share/p/1GN8hLew7r/
• EFI Sensor နဲ့ OBD Wiring Online သင်တန်းတက်ရောက်လိုပါက
• https://www.facebook.com/share/p/15utwgmKCW/
• Prime Auto Technology ရဲ့ Telegram Channel ကို Join ပြီး နည်းပညာများလာရောက် လေ့လာနိုင်ပါတယ်ခမျာ ။
• https://t.me/Primeautotechnology
• Lynn Za Nee ( P.T.U)
• Prime Auto Technology

Relay အကြောင်း သေချာ မသိသေးဘူးဆိုရင် ကားဝါယာရိန်း အကြောင်း သေချာ မသိသေးပါဘူး ။

ဒါကြောင့် Relay တွေနဲ့ပတ်သတ်ပြီး‌ ဒီပိုစ့်လေးမှာ အသေးစိတ် လေ့လာကြည့်လိုက်ပါ ။

နည်းပညာ လေ့လာသူ မိတ်ဆွေညီကိုမောင်နှမအားလုံး နည်းပညာဗဟုသုတ ကြွယ်ဝကြပါစေ။
• • ကားနဲ့ပတ်သတ်သော နည်းပညာပေါင်းများစွာ ဒီပေ့စ်မှာ လာရောက်လေ့လာနိုင်ပါတယ် ။
• • Prime Auto Technology ကထုတ်ထားတဲ့ ကားဝါယာရိန်း နှင့်ပတ်သတ်သော နည်းပညာစာအုပ်များ ဝယ်ယူလိုပါက
• https://www.facebook.com/share/p/1DjxMSfYxy/
• Prime Auto Technology ကနေ အသစ်ဖွင့်မယ် ကားဝါယာရိန်း နည်းပညာ သင်တန်းများ တက်ရောက်လိုပါက
• https://www.facebook.com/share/p/1GN8hLew7r/
• EFI Sensor နဲ့ OBD Wiring Online သင်တန်းတက်ရောက်လိုပါက
• https://www.facebook.com/share/p/15utwgmKCW/
• Prime Auto Technology ရဲ့ Telegram Channel ကို Join ပြီး နည်းပညာများလာရောက် လေ့လာနိုင်ပါတယ်ခမျာ ။
• https://t.me/Primeautotechnology
• Lynn Za Nee ( P.T.U)
• Prime Auto Technology