Hearty Little Things

ရင်သွေးနှင့် မိခင်ကြားက ထာဝရဇီဝနှောင်ကြိုး

"သင်ဟာ ကလေးမွေးဖွားပြီးသွားသည့်တိုင်အောင် သင့်
ရင်သွေးလေးရဲ့ ဆဲလ် ဟာ သင့်ခန္ဓာကိုယ်ထဲကနေ တကယ်တမ်း ထွက်ခွာမသွားဘူးဆိုတာ သင်သိပါသလား။
ကိုယ်ဝန်ဆောင်စဉ်အတွင်း သင့်ရင်သွေးလေးဆီက ဆဲလ် (Cells) အစိတ်အပိုင်းလေးတွေဟာ အချင်း (Placenta) ကို ဖြတ်ကျော်ပြီး မိခင်ဖြစ်သူ သင့်ရဲ့ သွေးကြောထဲကို စီးဝင်လာကြပါတယ်။ အံ့သြဖို့ကောင်းတာက အဲဒီဆဲလ်တော်တော်များများဟာ မွေးဖွားပြီးနောက်မှာလည်း သင့်
ခန္ဓာကိုယ်ထဲမှာ ဆက်လက်ကိန်းအောင်း နေတတ်ကြတာပါ။
ဒါကို သိပ္ပံဘာသာစကားဖြင့် 'သန္ဓေသား မိုက်ခရိုခိုင်မာရစ်ဇင် (Fetal Microchimerism)' လို့ ခေါ်ပါတယ်။ ဆိုလိုတာကတော့ ကလေးမွေးပြီးလို့ နှစ်ပေါင်းများစွာ ကြာမြင့်နေပြီဖြစ်ပေမဲ့ သင့်ရင်သွေးရဲ့ အစိတ်အပိုင်းလေးတွေဟာ သင့်အတွင်းထဲမှာ ဆက်လက်ရှင်သန်နေဆဲပဲ ဖြစ်ပါတယ်။

အဲဒီဆဲလ်လေးတွေကို မိခင်တစ်ယောက်ရဲ့ နှလုံး၊ ဦးနှောက်၊ အဆုတ် နဲ့ ကုသဆဲဒဏ်ရာ တွေထဲမှာတောင် ရှာဖွေတွေ့ရှိခဲ့ကြပါတယ်။ သူတို့လေးတွေဟာ မိခင်ခန္ဓာကိုယ်ရဲ့ ပျက်စီးနေတဲ့ နေရာတွေကို ရွှေ့ပြောင်းသွားကြပြီး ပျက်စီးသွားတဲ့ တစ်ရှူးတွေကို ပြန်လည်ပြုပြင်ဖို့အတွက်တောင် အစွမ်းကုန် ကူညီပေးကြပါသေးတယ်။
သင်ဟာ သူတို့ကို ဗိုက်ထဲမှာ လွယ်ထားခဲ့တယ်၊ နာကျင်စွာ မွေးဖွားခဲ့တယ်၊ ပြုစုပျိုးထောင်ခဲ့တယ်... အဲဒီနောက်မှာတောင် သင့်ခန္ဓာကိုယ်က သူတို့ရဲ့ အစိတ်အပိုင်းလေးတစ်ခုကို အမြတ်တနိုးနဲ့ ဆက်လက်သိမ်းဆည်းထားဆဲပါ။
သင့်ရင်သွေးလေးဟာ သင့်နှလုံးသားထဲမှာတင် ရှိနေတာ မဟုတ်ပါဘူး။ သင့်ရဲ့ ဆဲလ်တွေ၊ အရိုးတွေနဲ့ သွေးကြောတွေထဲမှာပါ အတူရှိနေမှာ ဖြစ်ပါတယ်ဗျာ။"