ROI Marketing

“Facebook Marketing ကိုအသုံးပြုပြီး ဝင်ငွေတိုးပွါးလိုက်ပါ”
လူကြီးမင်းတို့ ဒီစာကိုတွေ့ရင် ဘာမှစိတ်ထဲမခံစားရလောက်ပါဘူး..
ဖတ်သာဖတ်လိုက်ရတာ သေသေချာချာမသိရဘူး၊ ဘာမှလည်းထူးပြီးခံစားရမှာမဟုတ်ပါဘူး…

ဒါဆိုရင် “ Social Media Marketing ကို အသုံးချပြီး သင့်လုပ်ငန်းကို ၃လ အတွင်း ဝင်ငွေ ၂ဆ တိုးပွါးလိုက်ပါ”
ဒီလိုဆိုရင်တော့ ပထမတစ်ခုထက် နည်းနည်းပိုစိတ်ဝင်စားစရာကောင်းသွားမှာ အသေချာပါပဲ။

တကယ်လို့ လူကြီမင်းတို့က အပြင်မှာ ဆိုင်ခန်းနဲ့သေချာ ဖွင့်ထားနိုင်ပြီး Online ပေါ်မှာ သေချာမလုပ်နိုင်တဲ့အခြေအနေနဲ့ ကြုံနေတဲ့လုပ်ငန်းရှင်တစ်ယောက်ဆို ဒီခေါင်းစဉ်ကို သေချာပေါက်စိတ်ဝင်စားမှာပဲဖြစ်ပါတယ်။

အခုဆို ခေါင်းထဲမှာ Social Media Marketing ကို သတိထားမိမယ်၊ ၃ လ အတွင်း ဝင်ငွေ ၂ဆ ဆိုတာကိုလည်းစဉ်းစားမိမှာပါ။

✅ တကယ်လည်း စနစ်တကျနဲ့ Online ပေါ်မှာ Marketing သေချာလုပ်နိုင်ရင် သင့်လုပ်ငန်းကို ဒီထက်တိုးပွါးစေနိုင်မှာဆိုတာကို လူကြီးမင်းကိုယ်တိုင်လည်း သဘောပေါက်တဲ့အတွက်ကြောင့်မလို့ လူကြီးမင်းစိတ်ဝင်းစားမှာဖြစ်ပါတယ်။

လက်တွေ့ဘဝမှာလည်း အခုလိုသဘောပါပဲ။
✔️ကိုယ်ရောင်းချင်နေတဲ့ ကုန်ပစ္စည်း၊ ဝန်ဆောင်မှုကို ဝယ်သူတွေရဲ့ စိတ်ထဲပေါ်လာအောင်၊ နားလည်သဘောပေါက်လာအောင် သေချာပြောပြနိုင်ဖို့လိုအပ်ပါတယ်။

✔️နောက်ပြီး လူတွေရဲ့ Emotion ကိုထိအောင်လည်းပြောဆိုဆက်ဆံနိုင်ရပါတယ်။ ဝယ်သူတွေ လိုအပ်နေတာ၊ အခက်အခဲကြုံတွေ့နေရတာတွေကို ဘယ်လိုကူညီနိုင်ကြောင်း၊ ဘယ်လိုဖြေရှင်ပေးနိုင်ကြောင်း နားလည်အောင် တိတိကျကျ ရှင်းပြပြောဆိုနိုင်မှ လူကြီးမင်းရဲ့ Content တွေ၊ အရောင်းတွေက ထိရောက်မှုရှိမှာဖြစ်ပါတယ်။

ဒါကြောင့် မိတ်ဆွေတို့ရဲ့ လုပ်ငန်းတွေ ပိုမိုထိရောက် တိုးတက်ဖို့ဆိုရင် ဝယ်သူတွေ ရင်ထဲရောက်အောင် တိတိကျကျပြောဆိုဆက်ဆံန်ိုင်ရပါမယ်။ ဘယ်လို Results တွေကို ဘယ်လောက်အချိန်အတွင်း ဘယ်လိုလုပ်ပေးနိုင်ကြောင်း၊ ဘာတွေအာမခံပေးနိုင်ကြောင်း တိတိကျကျ အသေးစိတ်ဖော်ပြနိုင်ဖို့လိုအပ်ပါတယ်…

နောက်ပိုစ့်တွေမှာလည်း မိတ်တွေတို့လုပ်ငန်းအတွက် သိထားသင့်တဲ့၊ အထောက်ကူပြုစေမယ့် အကြောင်းအရာလေးတွေတင်ပေးမှာမလို့ Page လေးကို Follow ထားပါဦးနော်…💕

ကိုယ်ပိုင်လုပ်ငန်းလုပ်နေတဲ့သူတွေ၊ Business Page Admin တွေက ကိုယ့်လုပ်ငန်းကို အားပေးနေတဲ့ ဝယ်သူ၊ ဖောက်သည်တွေအကြောင်းကို အကြမ်းဖျင်းတော့သိကြလေ့ရှိပါတယ်။

လုပ်ငန်းတိုးချဲ့ဖို့ဖြစ်စေ၊ ပိုပြီးရောင်းအားတက်ချင်လို့ပဲဖြစ်စေ ကိုယ့်လုပ်ငန်းကိုနောက်တစ်ဆင့်တက်မယ်လို့ဆုံးဖြတ်လိုက်ပြီဆိုတာနဲ့ ကိုယ့်ရဲ့ Customer/ Client တွေအကြောင်းကို အရင်ကထက်ပိုလေ့လာ၊ ပိုသိအောင်လုပ်ဖို့ လိုအပ်လာပါပြီ။

ဒီလိုသိရှိလာရဖို့အတွက် တိကျတဲ့ Buyer Persona ဖော်ထုတ်ဖို့ ထည့်သွင်းစဉ်းစားရမယ့် အချက်(၆)ချက်ကို ဒီနေ့မှာ မျှဝေပေးသွားပါမယ်ရှင့်။

✅ Age & Gender

ကိုယ့်ရဲ့ product / service က ဘယ်အသက်အရွယ်အပိုင်းအခြားလောက်ကသူတွေအတွက်လဲဆိုတာ သိဖို့လိုပါတယ်။ ဘယ်အရွယ်လောက်လဲဆိုတာသိမှသာ သူတို့နဲ့ရင်းနှီးတဲ့ စကားလုံးအသုံးအနှုန်းတွေ၊ အပြင်အဆင်တွေ၊ သူတို့အကြိုက်တွေနဲ့ ထိထိမိမိထိုးဖောက်နိုင်မှာဖြစ်ပါတယ်။
ဥပမာ- ကိုယ်က Bar တစ်ခုဖွင့်ထားပြီး အသက် ၃၀ ဝန်းကျင်ကလူတွေကိုအဓိကထားပြီး လာစေချင်တယ်ဆိုရင် ၁၉၉၀ ခုနှစ်ဝန်းကျင်လောက်က သီချင်းအေးအေးလေးတွေ၊ ဆိုင်အပြင်အဆင်လေးတွေက သပ်သပ်ရပ်ရပ်နဲ့ လူလတ်ပိုင်းတွေမျက်စိကျစေမယ့် ဒီဇိုင်းလေးတွေနဲ့ ပြင်ဆင်ထားတာမျိုးပါ။

✅ တည်နေရာ / Location

ကိုယ့်ပစ္စည်း၊ product တွေကို အဓိကဝယ်ယူအားပေးနေသူတွေက ဘယ်မြို့နယ်၊ ဘယ်နေရာကလဲဆိုတာလည်းသိဖို့လိုအပ်ပါတယ်။ ရန်ကုန်လား၊ မန္တလေးလား၊ ရှမ်းပြည်လား စတဲ့ location ကိုသေချာသိရပြီဆိုမှ ကိုယ့် customer တွေအများစုရှိတဲ့နေရာတွေမှာ ဘယ်လိုမျိုးတွေ ခေတ်စားနေလဲ၊ ဘာတွေ Trend ဖြစ်နေလဲ ၊ Facebook မှာ Boost လုပ်တဲ့အခါပဲဖြစ်ဖြစ်၊ Give away တွေပေးတဲ့အခါမှာပဲဖြစ်ဖြစ် တိတိကျကျ customer တွေကို ကိုယ်စားပြုတဲ့ message တွေဖန်တီးနိုင်မှာဖြစ်ပါတယ်။

✅Buying power / Income

ကိုယ့်ကိုအားပေးနေတဲ့သူတွေရဲ့ buying power ကိုသိဖို့ကလည်းတော်တော်အရေးပါပါတယ်။ ကိုယ့် Customer တွေရဲ့ ဝယ်နိုင်အားကိုသိမှသာ ကိုယ့်ဝန်ဆောင်မူ၊ ထုတ်ကုန်တွေကို မှန်ကန်တဲ့စျေးသတ်မှတ်နိုင်မှာဖြစ်ပြီး၊ customer တွေလိုအပ်ချက်နဲ့ကိုက်ညီတဲ့ ကုန်ပစ္စည်းတွေကို ဖြန့်ဝေနိုင်မှာဖြစ်ပါတယ်။
ဥပမာ- ကိုယ်ရောင်းမယ့် ပစ္စည်း/ ဝန်ဆောင်မူက Manager တွေအတွက်လား၊ ရိုးရိုး ရုံးဝန်ထမ်းအတွက်လား၊ အိမ်ရှင်မတွေအတွက်လား၊ CEO/ Director တွေလားဆိုတာကိုသေချာသိမှ ကိုယ်လုပ်ငန်းကို Marketing လုပ်တဲ့အခါမှာလည်း ထိရောက်အောင်လုပ်နိုင်မှာဖြစ်ပါတယ်။

✅ Problem / Pain

ကိုယ့် Customer တွေရဲ့ အခက်ခဲနဲ့ သူတို့ဘာတွေကိုစိုးရိမ်နေလည်းဆိုတာလည်းသိဖို့အရေးကြီးပါတယ်။
ဥပမာ- ကိုယ်က Skin Care တွေရောင်းပြီး ကိုယ့် customer က မိန်းကလေးအရွယ်ငယ်ငယ်လေးတွေဆိုရင် သူတို့စိုးရိမ်မယ့်အရာတွေက (၁) ဝက်ခြံတွေ ဆက်ထွက်နေမှာလား? (၂) အမာရွတ်တွေရော ကျန်ခဲ့မှာလား? (၃) ဝက်ခြံတွေ တကယ်ရော သက်သာလာမှာလား? စတာတွေကိုသိဖို့လိုအပ်ပါတယ်။

✅ Needs, Wants, Goals

Customer တွေက ကိုယ့်ရဲ့ ဝန်ဆောင်မှု/ ကုန်ပစ္စည်းတွေကိုကြိုက်လို့ဝယ်ကြတာမဟုတ်ပဲ ကိုယ့် Product ကိုသုံးလိုက်လို့ရလာမယ့် Results / Benefits အကျိုးကျေးဇူးတွေကြောင့်သာဝယ်တာဖြစ်ပါတယ်။
ဒါ့ကြောင့် ကိုယ့်ကုန်ပစ္စည်း၊ ဝန်ဆောင်မူတွေက သူတို့ရဲ့လိုအပ်ချက်/ Goals တွေကိုရယူနိုင်အောင်အထောက်ကူပြုနေဖို့လိုအပ်ပါတယ်။

✅ Daily Life

နောက်ဆုံးအချက်အနေနဲ့ကတော့ ကိုယ့် Customer တွေရဲ့ နေ့စဉ်ဘဝကို ပုံဖော်ကြည့်ဖို့လိုအပ်ပါတယ်။ သူတို့မနက်မိုးလင်းကနေ ညမအိပ်ခင်ထိ ထိတွေဆက်ဆံရတဲ့လူတွေ၊ ကြုံတွေ့ခဲ့ရတာတွေကို အတက်နိုင်ဆုံး ပုံဖော်တွေးကြည့်လိုက်ခြင်းအားဖြင့် Customer တွေ နေ့စဉ် ဘာကိုစိတ်မရှည်ဖြစ်နေကြလဲ၊ ဘာတွေစိုးရိမ်ပြီး ဘာတွေလိုချငိကြလဲဆိုတဲ့အချက်ကို သိလာမှာပဲဖြစ်ပါတယ်။

နောက်ပိုစ့်တွေမှာလည်း မိတ်တွေတို့လုပ်ငန်းအတွက် သိထားသင့်တဲ့၊ အထောက်ကူပြုစေမယ့် အကြောင်းအရာလေးတွေတင်ပေးမှာမလို့ Page လေးကို Follow ထားပါဦးနော်…💕

ကိုယ်တင်လိုက်တဲ့ Post တိုင်းက Audience တွေရင်ထဲရောက်ပြီး၊ Sale Post တိုင်းက ရောင်းနေရရင်မကောင်းဘူးလား?

ဒီလိုဖြစ်ဖို့ဆိုရင် ကိုယ့်လုပ်ငန်းရဲ့ Buyer Persona ကိုသိဖို့လိုအပ်ပါတယ်။

📌 ဒီနေ့ခေတ်မှာ လူတွေကကြော်ညာတွေကိုစိတ်မဝင်စားကြတော့ပါဘူး... ဘာလို့လဲဆိုရင်
ကြော်ညာတွေက လူတွေကိုစိတ်မဝင်စားကြတော့လို့ပါတဲ့။

ဒါ့ကြောင့် လူတွေစိတ်ဝင်စားတဲ့ ကြော်ညာတွေ၊ Post တွေ၊ Content တွေဖန်တီးချင်တယ်ဆိုရင် ကိုယ့်လုပ်ငန်းရဲ့ Buyer persona ကို သေချာစဉ်းစားဖို့ အရေးကြီးပါတယ်။

✅ Buyer persona ဆိုတာ ကိုယ့်လုပ်ငန်းနဲ့ ကိုက်ညီမှုအရှိဆုံး Audience၊ တကယ်လက်တွေ့မှာ ဝယ်ယူနေတဲ့ Customer Data၊ Marketing Research တွေကနေသိရတဲ့ Data စတာတွေကိုအခြေခံပြီး သေချာစဉ်းစားဖော်ထုတ်ထားတဲ့ Buyer Personality ပဲဖြစ်ပါတယ်။

ကိုယ့်လုပ်ငန်းရဲ့ Buyer persona ကိုလည်းသေချာသိပြီး Buyer persona ကိုအခြေခံကာ ထိရောက်တဲ့ Marketing Message တွေ၊ Offer တွေ နဲ့ Content တွေ ဖန်တီးနိုင်ပြီဆိုရင်တော့ ဘာပဲတင်တင်ထိရောက်မှုရှိပြီး လက်မလည်အောင်ရောင်းနေရတော့မှာပဲဖြစ်ပါတယ်။🤩

နောက်ပိုစ့်မှာ Buyer Persona ကိုစဉ်စားဖော်ထုတ်တဲ့အခါ ထည့်သွင်းစဉ်းစားရမယ့် အဓိက အချက်(၆)ချက်ကို ပြောပြပေးမှာမလို့ Page ကို Follow လေးလုပ်ထားဖို့မမေ့နဲ့ဦးနော်…💕