YBS Mailbox
Share
21/05/2026
" YBS 107 ကားပေါ်က ရေစက်... ကျောင်းကွေ့မှတ်တိုင်မှာ ကျန်ရစ်ခဲ့တဲ့ ကျွန်တော့်ရဲ့ မျှော်လင့်ခြင်း သို့..."
ကျွန်တော် လူမှုကွန်ရက်စာမျက်နှာပေါ်မှာ မိန်းကလေးတစ်ယောက်ကို တကယ်ပဲ အသည်းအသန် ရှာဖွေနေမိပါတယ်။ (မေတ္တာရပ်ခံချင်တာကတော့... အကယ်၍ ကာယကံရှင်မှာ သက်ဆိုင်သူ (ချစ်သူ/အိမ်ထောင်ဖက်) ရှိပြီးသားဆိုရင်တော့ အခုလို ရှာဖွေမိတဲ့အတွက် ရိုးသားစွာနဲ့ ကြိုတင်တောင်းပန်အပ်ပါတယ်ခင်ဗျာ။ စိတ်အနှောင့်အယှက်ဖြစ်စေဖို့ ရည်ရွယ်ချက် မရှိပါဘူး။)
လမ်းကြုံလို့ တွေ့ရုံသက်သက် နှာဘူးထပြီး လိုက်ရှာနေတာ မဟုတ်ပါဘူး။ သူမရဲ့ သေးငယ်တဲ့ အမှတ်အသားလေးတွေအထိ ကျွန်တော့်နှလုံးသားထဲမှာ ရိုက်နှိပ်ထားသလို စွဲထင်ကျန်ရစ်ခဲ့လို့ပါ။
ဒီနေ့ YBS 107 ကားပေါ်မှာ ကျွန်တော်နဲ့ မျက်နှာချင်းဆိုင် ဆုံခဲ့ပြီး ကာယကံရှင်ကိုယ်တိုင် ဖတ်မိရင် ဖြစ်ဖြစ်၊ ဘေးကသူငယ်ချင်းတွေ ဖတ်မိရင်ဖြစ်ဖြစ် သိနိုင်မယ့် သူမရဲ့ အမှတ်အသားတွေကတော့...
သူမဟာ မှိုတက်ရောင် အင်္ကျီလေးနဲ့ ဂျင်းဘောင်းဘီကို ရိုးရိုးရှင်းရှင်းလေး ဝတ်ထားပြီး ကွင်းထိုးသိုင်းဖိနပ်လေး စီးထားတဲ့ မိန်းကလေးပါ။ ဆံပင်အရှည်တွေကို စည်းထား၍ ကလစ်အကြီးကြီးတစ်ခုနဲ့ သပ်သပ်ရပ်ရပ် ညှပ်ထားပြီး နှုတ်ခမ်းထက်မှာ ပန်းရောင်အဖျော့လေး ဆိုးထားတတ်ပါတယ်။ သူမ ခပ်ဖွဖွလေး ပြုံးလိုက်တဲ့ စက္ကန့်ပိုင်းလေးမှာ ညာဘက်ပါးချိုင့်လေးရဲ့ အပေါ်ဘက်နားမှာ ရှိနေတဲ့ မှဲ့လေးတစ်လုံးကို ကျွန်တော် ရင်ခုန်စွာနဲ့ သတိထားမိလိုက်ရတယ်။
သူမ ဖုန်းကြည့်နေတဲ့ အချိန်မှာတော့ ဖုန်းရဲ့ အကြည်ရောင်ကာဗာထဲက အရုပ်လေးတွေထက်... သူမရဲ့ လက်ချောင်းလေးတွေကို ကျွန်တော် ငေးမောနေမိခဲ့တာ။ ဘယ်ဘက်လက်မနဲ့ လက်သန်းမှာ အနီရောင်ဆိုးထားပြီး ကျန်တဲ့ လက်ချောင်းသုံးချောင်းကို အစိမ်းရောင် ဆိုးထားတဲ့ စတိုင်လေးက အရမ်းချစ်စရာကောင်းလွန်းလို့ပါ။ ပြီးတော့... သူမရဲ့ ညာဘက်လက်သန်းနားလေးမှာ အနာ (ဒဏ်ရာ) လေးတစ်ခု ရှိနေတာကို တွေ့တော့ ရင်ထဲမှာ စိုးရိမ်စိတ်လေးတောင် ဖြတ်ခနဲ ဝင်မိသွားသေးတယ်။
အရုပ်သော့ချိတ်လေး တွဲလွဲဆွဲထားတဲ့ ကျောပိုးအိတ်လေးကို လွယ်ပြီး သူမ "ကျောင်းကွေ့" မှတ်တိုင်မှာ ဆင်းသွားခဲ့တဲ့ အချိန်ကစလို့ ကျွန်တော့်ရဲ့ ကမ္ဘာကြီး ခြောက်ကပ်သွားခဲ့ရပါတယ်။
လူမှုကွန်ရက်ဆိုတာ အဝေးကြီးမှာ ရှိနေတဲ့သူတွေကို ပေးဆုံနိုင်တဲ့ နေရာမို့လို့... ကျွန်တော့်ရဲ့ ဒီစိတ်ရင်းမှန်ကို ကူညီတဲ့အနေနဲ့ ဒီမိန်းကလေးကို သိတဲ့သူများရှိရင် ကျေးဇူးပြုပြီး Mention ခေါ်ပေးကြပါဦးဗျာ။ မျှော်လင့်တကြီးနဲ့ ရှာနေတဲ့သူ ရှိနေပါတယ်...။
#ကျောင်းကွေ့မှတ်တိုင် ှာပုံတော် #ရန်ကုန် ုံဆည်းရာ
Click here to claim your Sponsored Listing.
Contact the public figure
Telephone
Website
Address
Yangon
