Healthy Prince

💁🏻‍♀️ဝမ်းချုပ်တက်သူများ ဝမ်းသွားရခက်လို့ စိတ်ညစ်နေသူများ အတွက်💁🏻‍♀️

100%အော်ဂဲနစ်ဖြင့် စိုက်ပျိုးထားသော ဆေးဖက်ဝင်အပင်များဖြင့် ထုတ်လုပ်ထားတဲ့ ‘Vegeplex’ (ရွက်စုံအားဖြည့်ဆေး) ကို သတိရလိုက်ပါ💡💡

FAME Pharmaceuticals မှ ထုတ်လုပ်ထားတဲ့ ရွက်စုံအားဖြည့်ဆေးမှာ ပါဝင်တဲ့ အရွက်တစ်ခုချင်းစီ၏ အာနိသင်များကို ပုံတစ်ပုံချင်းစီအောက်တွင် လေ့လာ ဖတ်ရှုနိုင်ပါတယ်။

စျေးနှုန်း ~ တစ်ဘူး (အလုံး ၆၀) - ၅,၀၀၀ ကျပ်

⭐️အိမ်အရောက်ဝန်ဆောင်မှုစနစ်ဖြင့် online မှလဲ မှာယူနိုင်ပါသည် ⭐️

မြန်မာပြည်အတွင်း မြို့အနှံအပြား / ရန်ကုန်မြို့တွင်း အိမ်အရောက် Delivery Service ( Sat & Sun)

ဆေးများမှာယူလိုပါ 09 780055107 or chat box

ဆေးအကြောင်း မေးချင်ရင် Telegram 👇👇👇...

https://t.me/joinchat/hJiiC7BsqFYzMTA1

မှာဆက်သွယ်စုံစမ်းမေးမြန်းနိူင်ပါတယ်ရှင်…

Stevia 😘

ခံတွင်းအနံ့ဆိုးခြင်းသည် ရောဂါတစ်ခုဟု မသတ်မှတ်ထားသော်လည်း လူမှုရေးအရ လူမှုဆက်ဆံရေးကို များစွာ အနှောင့်အယှက်ပေးသော အခြေအနေဆိုးတစ်ခု ဖြစ်သည်။ ခံတွင်းအနံ့ဆိုးခြင်းကို Bad breath သို့မဟုတ် Malodour သို့မဟုတ် Halitosis ဟုလည်း ခေါ်ပါသည်။

ခံတွင်းအနံ့ဆိုးရခြင်း၏ အဓိကတရားခံမှာ ခံတွင်းရှိ မကောင်းသော ဘက်တီးရီးယားပိုးများ၏ ဇီဝဖြစ်စဉ်မှ ထွက်ရှိလာသော အညစ်အကြေးများ ဖြစ်သည်။ ထို့အပြင် အခြား အနံ့ဆိုးများ ထွက်စေသည့် ဓာတ်ပစ္စည်းများကြောင့်လည်း ခံတွင်းအနံ့ကို ပိုမိုဆိုးဝါးစေပါသည်။

အဓိကမှာ လေမဲ့အခြေအနေတွင် ပေါက်ပွားသည့် ဂရမ်နက်ဂတစ် ဘက်တီးရီးယားများ (𝗔𝗻𝗮𝗲𝗿𝗼𝗯𝗶𝗰 𝗚𝗿𝗮𝗺 𝗻𝗲𝗴𝗮𝘁𝗶𝘃𝗲 𝗯𝗮𝗰𝘁𝗲𝗿𝗶𝗮) ဖြစ်ပြီး လျှာ၏ မျက်နှာပြင်၌လည်းကောင်း၊ သွားနှင့် သွားဖုံးကြားရှိ ချိုင့်လေးများ (Periodontal pockets) ၌လည်းကောင်း ခိုအောင်းနေလေ့ရှိသည်။ ညအိပ်သောအခါ ပါးစပ်ကို တောက်လျှောက် ပိတ်ထားရသောကြောင့် ခံတွင်း၌ လေမဲ့ အခြေအနေတစ်ရပ် ဖန်တီးပေးထားသလိုဖြစ်၍ တစ်ညလုံး အဆိုပါ ဘက်တီးရီးယားများ ဆက်တိုက်တိုးပွားလာကာ မနက်မိုးလင်းချိန်တွင် ခံတွင်းအနံ့ အဆိုးဆုံးဖြစ်သည်။ ညဘက် သွားတိုက်ပြီး မအိပ်ပါက ပိုမိုဆိုးဝါးပါသည်။

ထို့ကြောင့် ခံတွင်းအနံ့ဆိုးသူများကို ကုသရာတွင် ပဋိဇီဝဆေးများ (Antibiotics) ပေးလိုက်ပါက အဆိုပါ ဘက်တီးရီးယားများ သေဆုံးကုန်သဖြင့် အနံ့လည်း သက်သာသွားနိုင်ပါသည်။ ထို့နောက် အဆိုပါ ဘက်တီးရီးယားများ ပြန်လည်ပွားများ မလာနိုင်စေရန် ခံတွင်းသန့်ရှင်းရေး (𝗢𝗿𝗮𝗹 𝗵𝘆𝗴𝗶𝗲𝗻𝗲) ကို ပြုလုပ်ပေးရန် အထူးလိုအပ်ပါသည်။ ထိုသို့ မပြုလုပ်ပါက ထိုဘက်တီးရီးယားဆိုးများ ပြန်လည်ပွားများလာကာ မူလအတိုင်းပင် ခံတွင်းအနံ့ ပြန်ဆိုးလာပါလိမ့်မည်။ ထိုအခါ ပဋိဇီဝဆေးများ ပြန်သောက်လိုက်၊ သက်သာလိုက်ဖြင့် လုံးလည်လိုက်နေရာမှ ကြာလျှင် အဆိုပါ ပဋိဇီဝဆေးများ မတိုးတော့သည့်အပြင် ယင်းတို့၏ ဘေးထွက်ဆိုးကျိုးများ ခံစားရလာနိုင်ပါသည်။

ယင်းသို့ မဖြစ်စေရန် ခံတွင်းသန့်ရှင်းရေးနှင့်အတူ ပရိုဘိုင်အိုတစ် (𝗣𝗿𝗼𝗯𝗶𝗼𝘁𝗶𝗰𝘀) ငုံဆေးပြားများ ပေး၍ ကုသပါက လွန်စွာ ထိရောက်မှုရှိကြောင်း တွေ့ရပါသည်။ သွားနှင့်ခံတွင်း ကျန်းမာရေးအတွက် တစ်နေ့ ၂ ကြိမ် သွားမှန်မှန်တိုက်ခြင်း (မနက်တစ်ကြိမ်၊ ညတစ်ကြိမ်)၊ အစာစားပြီးတိုင်း ပလုပ်ကျင်းခြင်းတို့ကို မဖြစ်မနေ လုပ်ဆောင်ပေးရန် လိုပါသည်။

ဒေါက်တာခင်မောင်လွင် (FAME)

ကိုးကားချက် - "ဘဝလက်တွဲဖော်အစစ် ပရိုဘိုင်အိုတစ်" စာအုပ်၊ အခန်း (၁၁) သွားနှင့်ခံတွင်း ကျန်းမာရေးနှင့် ပရိုဘိုင်အိုတစ်မှ ထုတ်နုတ်ဖော်ပြသည်။

ဆင်တုံးမနွယ်ကို အိန္ဒိယနှင့် မြန်မာနိုင်ငံတို့တွင် အဆစ်အမျက် ရောင်ရမ်းမှုများအတွက် ရှေးဦးကတည်းကပင် အသုံးပြုခဲ့ကြပါသည်။ ခေတ်သစ် ဆေးဝါးသုတေသနများ ထွန်းကားလာသည့်အခါတွင်လည်း ဆင်တုံးမနွယ်၏ အရောင်ကျစေသောအာနိသင်ကို သုတေသနများ ပြုလုပ်အတည်ပြုနိုင်ခဲ့ပြီး ဖြစ်ပါသည်။

🔹သွေးလေးဖက်နာရောဂါတွင် ဆင်တုံးမနွယ်၏ ရောင်ရမ်းခြင်းကို ကျဆင်းစေသော အာနိသင်နှင့် အရိုးထိခိုက်ခြင်းကို ကာကွယ်ပေးသည့် အာနိသင်ကို လေ့လာသော သုတေသန (𝙏𝙞𝙣𝙤𝙨𝙥𝙤𝙧𝙖 𝙘𝙤𝙧𝙙𝙞𝙛𝙤𝙡𝙞𝙖 𝗶𝗻𝗵𝗶𝗯𝗶𝘁𝘀 𝗮𝘂𝘁𝗼𝗶𝗺𝗺𝘂𝗻𝗲 𝗮𝗿𝘁𝗵𝗿𝗶𝘁𝗶𝘀 𝗯𝘆 𝗿𝗲𝗴𝘂𝗹𝗮𝘁𝗶𝗻𝗴 𝗸𝗲𝘆 𝗶𝗺𝗺𝘂𝗻𝗲 𝗺𝗲𝗱𝗶𝗮𝘁𝗼𝗿𝘀 𝗼𝗳 𝗶𝗻𝗳𝗹𝗮𝗺𝗺𝗮𝘁𝗶𝗼𝗻 𝗮𝗻𝗱 𝗯𝗼𝗻𝗲 𝗱𝗮𝗺𝗮𝗴𝗲)

ဆင်တုံးမနွယ်၏ သွေးလေးဖက်နာရောဂါအပေါ် အကျိုးပြုနိုင်သော အာနိသင်ကို သိရှိရန်အတွက် ဤသုတေသနကို ၂၀၁၅ ခုနှစ်က အမေရိကန်နိုင်ငံရှိ မေရီလန်းတက္ကသိုလ်ဆေးကျောင်းနှင့် အိန္ဒိယနိုင်ငံမှ သုတေသီများ ပူးပေါင်းလုပ်ဆောင်ခဲ့ခြင်း ဖြစ်ပါသည်။
ဆင်တုံးမနွယ် အဆီအနှစ် (Methanolic extract) 1g/kg ပမာဏကို သွေးလေးဖက်နာရောဂါဖြစ်အောင် ပြုလုပ်ထားသော ကြွက်များအား တိုက်ကျွေးစမ်းသပ်ခဲ့ကြခြင်း ဖြစ်သည်။ ဆင်တုံးမနွယ်အဆီအနှစ်သည် အရိုးအဆစ်များ ရောင်ရမ်းမှုကို ကျဆင်းစေသည်သာမက အရိုးနှင့် အဆစ်အတွင်းရှိ အရိုးနုပျက်စီးခြင်းများကိုပါ ဟန့်တားနိုင်ကြောင်း တွေ့ရသည်။ သွေးအတွင်း ရောင်ရမ်းမှုကို ဖြစ်ပေါ်စေသော ဓာတ်ပစ္စည်းများဖြစ်သည့် အင်တာလူကင်-၁ ဘီတာ၊ အင်တာလူကင်-၆ နှင့် အင်တာလူကင်-၁၇ အပြင် တီအင်အက်ဖ်-အာဖာ တို့ကိုပါ ကျဆင်းစေပါသည်။ ထို့ကြောင့် သုတေသီများက ဆင်တုံးမနွယ်ကို အခြားဆေးများနှင့်တွဲဖက်၍ သွေးလေးဖက်နာရောဂါတွင် အသုံးပြုလျှင် အကျိုးရှိနိုင်ကြောင်း မှတ်ချက်ပြုခဲ့ကြပါသည်။
ဤသုတေသနကို အပြည်ပြည်ဆိုင်ရာ ခုခံအားရောဂါဗေဒနှင့် ဆေးဝါးဗေဒဂျာနယ် (International Journal of Immunopathology and Pharmacology) တွင် ဖော်ပြခံခဲ့ရပါသည်။ (Sannegowda, Venkatesha, and Moudgil, 2015. https://doi.org/10.1177/0394632015608248)

ဒေါက်တာခင်မောင်လွင် (FAME)

ကိုးကားချက် - "ဆင်တုံးမနွယ်" စာအုပ်၊ အခန်း (၆) နိုင်ငံတကာ သုတေသနစာတမ်းများမှ ထုတ်နုတ်ဖော်ပြသည်။