Asia Haemo Care - AHC

ဆီးစစ်တဲ့အခါ Microscope အောက်မှာ တွေ့လိုက်ရတဲ့
ရှည်ရှည်အချောင်းလေးတွေ က ကျန်းမာရေးအတွက်
ဘယ်လောက်အရေးပါတဲ့နေရာမှာ ရှိနေလဲ ???

Urinary Casts 💦
.............

🔬🔍

Urinary Cast ဆိုတာ

လူနာ​တွေရဲ့ ဆီးကို microscope အောက်မှာ စစ်ဆေးတဲ့အခါမှာ
တခါတလေ တွေ့ရတတ်တဲ့ အချောင်းပုံစံ /အိတ်အရှည် ပုံစံလို အရာလေးတွေ

ဖြစ်ပါတယ်။
................

💊

ဒီ Cast လေးတွေကို တွေ့ရခြင်းဟာ

ကျောက်ကပ်မှာ ဘယ်လို ပြဿနာတွေ ဖြစ်နေလဲ၊
ဘယ်လို ရောဂါကူးစက်မှု မျိုးတွေ ကြုံတွေ့ နေရလဲဆိုတာတွေကို

ညွှန်ပြပေးနိုင်ပါတယ်။
................

💠 Cast အမျိုးအစားများ 💠

⚜ 1. Hyaline Cast

⚜ 2. Red Blood Cell Cast

⚜ 3. White Blood Cell Cast

⚜ 4. Bacterial Cast

⚜ 5. Fatty Cast

⚜ 6. Renal tubular epithelial Cast

⚜ 7. Pigment Cast

⚜ 8. Granular Cast

⚜ 9. Waxy Cast

ပုံမှန်ကျန်းမာတဲ့လူတွေ ရေသောက်နည်းတဲ့အခါ (ဒါမှမဟုတ်) ရေဓာတ်ခမ်းခြောက်နေတဲ့ အခါ
သူတို့ရဲ့ဆီးမှာ ရံဖန်ရံခါတွေ့ရတတ်တဲ့ သိပ်မထူးခြားတဲ့ Cast တွေ ရှိသလို

အရေးကြီးတဲ့ ကျန်းမာရေးအခြေအနေတွေကို ညွှန်ပြပေးနိုင်တဲ့ Cast အမျိုးအစားတွေလည်း အများကြီးရှိပါတယ်။

🔴⚪🔵

Cast တွေဟာ သူတို့ကိုဖြစ်ပေါ်စေတဲ့ အရာတွေအပေါ်လိုက်ပြီး
အမျိုးအစား ကွဲပြားသွားပါတယ်။

➖ ပရိုတိန်း၊ သွေးနီဥ၊ သွေးဖြူဥ၊ ဘက်တီးယား၊
ကိုယ်တွင်းအင်္ဂါတွေရဲ့ အပေါ်ယံလွှာဆဲလ်၊ အဆီ အစရှိတဲ့ အရာတွေ
အများကြီးကနေ ​ပြုလုပ်ထားနိုင်ပါတယ် ။

⚠

Cast အမျိုးအစားတစ်ခုချင်းစီဟာ သူတို့ကိုပြုလုပ်ထားတဲ့အရာတွေအပေါ်မူတည်ပြီး

ရောဂါဖြစ်ပေါ်လာစေတဲ့အကြောင်းရင်းကို ခန့်မှန်းညွှန်ပြပေးနိုင်တဲ့အထိ အရေးပါတဲ့ အတွက် -

ဆရာဝန်ကြီးတွေ ရောဂါတစ်ခုကို အဖြေရှာ ကုသတဲ့နေရာမှာ အထိုက်အလျောက် အကူအညီ ဖြစ်စေပါတယ်။

⚜💠 1. Hyaline Cast

Uromodulin လို့ခေါ်တဲ့ ပရိုတိန်း တစ်မျိုးနဲ့ ပြုလုပ်ထားတဲ့ Cast ဖြစ်ပါတယ်။

ပုံမှန်ရေသောက်နည်း ရေဓာတ်ခမ်းခြောက် တဲ့အခါ၊ အပြင်းအထန်
လေ့ကျင့်ခန်းလုပ်ထားတဲ့အခါ တွေမှာ တွေ့ရတတ်သလို

နာတာရှည် ကျောက်ကပ်ရောဂါသမားတွေမှာလဲ တွေ့ရတတ် ပါတယ်။

⚜💠 2. Red Blood Cell Cast

သွေးနီဥတွေနဲ့ ပြုလုပ်ထားပြီး၊
အနီရောင် or လိမ္မော်နီရောင် cast တွေ ဖြစ်ပါတယ်။

ကျောက်ကပ် သွေးယိုစီးခြင်း နဲ့
ကျောက်ကပ်အတွင်းရောင်ရမ်းမှု (Glomerulonephritis) တို့

ဖြစ်ပေါ်တဲ့ အခြေအနေတွေမှာ အများဆုံးတွေ့ရလေ့ရှိပါတယ်။

⚜💠 3. White Blood Cell Cast

သွေးဖြူဥ တွေနဲ့ ပြုလုပ်ထားတဲ့ cast တွေဖြစ်ပါတယ်။

ကျောက်ကပ်ရောင်ရမ်းမှု နဲ့ ကျောက်ကပ်တွေအထိ ရောက်လာတဲ့
ရောဂါကူးစက်မှုတွေမှာ တွေ့ရတတ်ပါတယ်။

⚜💠 4. Bacterial Cast

Cast တွေရဲ့အထဲမှာ ဘက်တီးယားတွေ တွေ့နေရတဲ့ Cast တွေဖြစ်ပါတယ်။

ရောဂါကူးစက်မှုတစ်ခုခု ရှိနေပြီဆိုတဲ့ သိသာတဲ့အချက်ပြမှုတစ်ခုဖြစ်ပြီး၊ WBC cast တွေနဲ့အတူ တွေ့ရတတ်ပါတယ်။

⚜💠 5. Fatty Cast

အဆီတွေနဲ့ ပြုလုပ်ထားတဲ့ cast တွေဖြစ်ပါတယ်။

ဆီးထဲမှာ အဆီတွေတွေ့နေရပြီဆိုတာက -
ကျောက်ကပ်ကောင်းကောင်း အလုပ်မလုပ်နိုင်တော့ဘူးဆိုတဲ့
အချက်ပြတစ်ခုလည်း ဖြစ်နိုင်ပါတယ်။

ဆီးထဲမှာ ပရိုတိန်းတွေအများကြီးပါနေတဲ့အခြေအနေ
(Nephrotic Syndrome)၊
ပုံမှန်မဟုတ်တဲ့ ခန္ဓာကိုယ်ခုခံအားစနစ်ကြောင့်ဖြစ်တဲ့ရောဂါ (Lupus)၊
အဆီဆဲလ်တွေ ကျောက်ကပ်ဆဲလ်တွေထဲစုပုံပြီးဖြစ်လာတဲ့ကျောက်ကပ်ရောဂါ (lipoid nephrosis) တွေမှာ

တွေ့ရတတ်ပါတယ်။

⚜💠 6. Renal Tubular Epithelial Cast

အရေပြားမှာ တွေ့ရတဲ့ ဆဲလ် တွေနဲ့ ပုံစံတူတဲ့
ခန္ဓာကိုယ်ထဲက ကလီစာတွေရဲ့ အပေါ်ယံအလွှာဆဲလ်တွေ

သေသွားပြီး စုပြုံလာတဲ့ အခြေအနေကြောင့် ဖြစ်လာတဲ့ cast တွေဖြစ်ပါတယ်။

ကျောက်ကပ်ပြွန်တွေ ဒဏ်ရာရနေတဲ့ အခြေအနေမျိုးမှာ တွေ့ရတတ်ပါတယ်။

⚜💠 7. Pigment Cast

အရောင်တွေပါတဲ့ cast တွေဖြစ်ပြီး၊
လက်ရှိသောက်နေရတဲ့ဆေးတွေကြောင့် ဖြစ်လာတတ်တာ ဖြစ်ပါတယ်။

ရောဂါအခြေနေတွေနဲ့တော့ သိပ်မဆိုင်တတ်ပါဘူး။

⚜💠 8. Granular Cast

Hyaline cast တွေနဲ့ နည်းနည်းဆင်တူတဲ့ cast တွေဖြစ် ပေမယ့်

နာတာရှည် ကျောက်ကပ်ရောဂါကြောင့် ဆဲလ်တွေပျက်ဆီးမှုများလာတဲ့အခြေအနေ နဲ့ ပိုပြီး ဆက်စပ်မှုရှိနေတတ်ပါတယ်။

ဆီးကျန်ခြင်း (urinary retention)
ဆီးပိုးဝင်ခြင်း (urinary tract infection UTI)
နာတာရှည်​ ပြင်းထန် ကျောက်ကပ်ရောဂါသမားတွေမှာ တွေ့ရတတ်ပါတယ်။

⚜💠 9. Waxy Cast

Granular Cast တွေကနေ ပုံပြောင်းပြီးဖြစ်လာတဲ့castပုံစံတွေပါ။
သိသာတဲ့ ဆဲလ်ပျက်ဆီးမှုတွေကြောင့် ဖြစ်လာတတ်ပါတယ်။

ဆီးကျန်ခြင်း (urinary retention) နဲ့ တခြားကျောက်ကပ်ရောဂါသမားတွေမှာ တွေ့ရတတ်ပါတယ်။

******

✴💠 Most Common အတွေ့ရအများဆုံး Cast💠✴

အပေါ်က ပြောထားတဲ့ cast တွေထဲ မှာမှ "Hyaline Cast" တွေကတော့

ရောဂါကူးစက်မှုတွေ နာတာရှည် ရောဂါတွေကြောင့်မဟုတ်ဘဲ

ပုံမှန်ကျန်းမာနေတဲ့သူတွေ ရေသောက်နည်းတာ၊
လေ့ကျင့်ခန်း အပြင်းအထန် လုပ်တာတွေကြောင့်လဲ ဖြစ်လာနိုင်တာမို့လို့

Microscope အောက်မှာ ဆီးစစ်​ဆေးမှုတွေ ပြုလုပ် တဲ့အခါ
တခြားcast တွေထက်စာရင် ပိုပြီးအတွေ့ရများတတ်ပါတယ်။

🔰🔰🔰🔰🔰🔰🔰🔰

🔬📄

💦Casts in Urine Routine Examination (U-RE) Results 💦

1️⃣

ဓာတ်ခွဲခန်းတွေမှာ ဆရာဝန်ကြီးတွေရဲ့ ညွှန်ကြားချက်နဲ့ပဲဖြစ်ဖြစ်
မိမိသဘောဆန္ဒအရ ပဲ ဖြစ်ဖြစ် ဆီးစစ်ဆေးတဲ့အခါမှာ

ဆီးအဖြေ (Urine RE result )မှာ urinary cast တွေ ရှိကြောင်း တွေ့ခဲ့ရမယ်ဆိုရင်

အဲ့ဒိစစ်ဆေးမှုအဖြေဟာ

➖ သာမန် ဆီးစစ်တဲ့အချောင်းလေးကို ဆီးထဲကို နှစ်ပြီး
ပြောင်းလဲလာတဲ့အရောင်ကို တိုက်ကြည့်ပြီး၊ စစ်ဆေးအဖြေထုတ်ရုံမျိုး
မဟုတ်ပဲ

➖ ကျွမ်းကျင်တဲ့ ဓာတ်ခွဲပညာရှင်များမှ Microscope အောက်မှာ အသေအချာစစ်ဆေးပြီး အဖြေရှာပေးနိုင်တဲ့အခါမျိုးမှာသာ
တွေ့ရတတ်တဲ့ အဖြေမျိုး ဖြစ်ကြောင်း ။ ။

ပထမအဆင့်အနေနဲ့ သိရှိရမှာဖြစ်ပြီး ✅
..

2️⃣

ကိုယ့်ရဲ့ ဆီးအဖြေမှာ အပေါ်မှာပြောပြထားတဲ့ Cast တွေ ရှိကြောင်း
တွေ့ခဲ့မယ်ဆိုရင်

သာမန်အဖြေ​လေး တစ်ခုအနေနဲ့ သဘောထားပြီး ပေါ့ပေါ့လေးမနေပဲ

⚠ အရေးကြီးတဲ့ ကျန်းမာရေးအခြေအနေတွေကို
ညွှန်ပြပေးနေတဲ့ အချက်အလက်တစ်ခုအဖြစ် အရေးတယူထည့်သွင်း စဥ်းစားပေးမယ်ဆိုရင်

ကိုယ့်ရဲ့ကျန်းမာရေးအခြေအနေ အတွက်
အချိန်လွန်မှ အသိနောက်ကျရတဲ့ဖြစ်ရပ်မျိုးတွေကနေ

အတတ်နိုင်ဆုံးရှောင်ရှားနိုင်မှာဖြစ်ကြောင်း။ ။✅

🙏🙏🙏

Yellow Tips ⭐ - X.mas Sale 🎄💖🔔
......

Quality ကောင်း - ဘေးဘက်မှာ အမှတ်ရာလေးတွေပါတဲ့

အဝါရောင် Graduated Yellow Tips လေးတွေ ကို

အထူးလျှော့စျေး နဲ့ ရောင်းချပေးနေပါပြီ 🤗
.....

*10 - 100 ul
*Graduated, Glison
*1000 pcs/ Bag
....

အခုရေ ၁၀၀၀ ပါတဲ့တစ်ထုပ်ကို

မူရင်းစျေး - ၈၅၀၀ ကျပ်
Discount price - ၇၅၀၀ ကျပ် ‼
....

အထုတ်ရေ ၇၂ ထုပ်ပဲ ကျန်ပါတော့တယ် ရှင့် 🔔

အခုပဲ မြန်မြန်လေး မှာယူလိုက်တော့နော်

AHC -☎ 09-956 450 984
or page messenger

Blue Tips 💧 - X.mas Sale 🎄✨🔔💖
......

Quality ကောင်း - ဘေးဘက်မှာ အမှတ်ရာလေးတွေပါတဲ့

အပြာရောင် Graduated Blue Tips လေးတွေ ကို

⭐ အထူးလျှော့စျေး နဲ့ ရောင်းချပေးနေပါပြီ 🤗

*100 - 1000 ul
*Graduated, Glison
*500 pcs/ Bag
....

အခုရေ ၅၀၀ ပါတဲ့တစ်ထုပ်ကို

မူရင်းစျေး - ၈၀၀၀ ကျပ်
Discount price - ၇၀၀၀ ကျပ်‼
....

အထုတ်ရေ ၆၆ ထုပ်ပဲ ကျန်ပါတော့တယ် ရှင့် ‼

အခုပဲ မြန်မြန်လေး မှာယူလိုက်တော့နော် 🍀🍀🍀

AHC - ☎ 09-956 450 984
or page messenger