Stevin arkar
Share
19/04/2022
crd
10/12/2020
တော်ပါပြီအာ့ဆိုရင်မထိုးတော့ဘူး 😁
၂၀၀၈ ခုနှစ်လောက်က ထင်တယ်။
သိပ္ပံပညာနဲ့ နိုဘယ်ဆုရတဲ့
အမေရိကန်နိုင်ငံဖွား
ဂျပန်လူမျိူးတစ်ယောက်
စင်ကာပူကို ရောက်လာခဲ့ပါတယ်။
သူ့ကို စင်ကာပူအစိုးရက
စရိတ်အကုန်ခံပြီး
ဖိတ်ကြားခဲ့တာပါ။
သူ့ရဲ့ နိုဘယ်ဆုရအောင်
ဘယ်လိုကြိုးစားခဲ့ရတယ်ဆိုတဲ့အကြောင်း
စင်ကာပူလူငယ်လေးတွေကို
ပြောပြပေးဖို့ပါ။
သူ့ ဟောပြောပွဲကို
စင်ကာပူအစိုးရတက္ကသိုလ်တစ်ခုဖြစ်တဲ့
NUS တက္ကသိုလ်မှာ ပြုလုပ်ပါတယ်။
စင်ကာပူတက္ကသိုလ်ပေါင်းစုံက
ဆရာ၊ ဆရာမ၊ ကျောင်းသား၊ ကျောင်းသူတွေ
တက်ရောက် နားထောင်ကြပါတယ်။
သူက ဟောပြောပြီးသွားတော့
မေးခွန်းမေးစရာရှိရင် မေးပါလို့
ဖိတ်ခေါ်ပါတယ်။
ပရိသတ်က တစ်ယောက်တစ်ခွန်း
မေးကြတယ်။
သူကလည်း ပြန်ဖြေပေးပါတယ်။
ဆရာတစ်ယောက်က
မေးခွန်းတစ်ခုကို
ခုလို မေးလိုက်ပါတယ်။
"ကျွန်တော်တို့ စင်ကာပူနိုင်ငံကရော
သိပ္ပံပညာနဲ့ နိုဘယ်ဆုရနိုင်ဖို့ အခွင့်အလမ်း
ရှိပါသလား" တဲ့။
နိုဘယ်ဆုရှင်က ခုလို ပြန်ဖြေပါတယ်။
"မရှိပါဘူး။ စင်ကာပူနိုင်ငံမှ မဟုတ်ပါဘူး။
အရှေ့တောင်အာရှနိုင်ငံတွေမှာ
သိပ္ပံပညာနဲ့ နိုဘယ်ဆုရှင်
ဘယ်လိုမှ မပေါ်နိုင်ပါဘူး" တဲ့။
အိမ်ရှင် စင်ကာပူနိုင်ငံသားတွေလည်း
မျက်စိမျက်နှာပျက်ကုန်ကြတယ်။
နိုဘယ်ဆုရှင်က ထပ်ပြောပါတယ်။
"ခုလိုပြောရတာ
အရှေ့တောင်အာရှနိုင်ငံတွေမှာ
အများနဲ့မတူ
တစ်မူထူးခြားတဲ့ကလေးကို
မြေတောင်မြှောက်ပေးတဲ့အကျင့်
မရှိလို့ပါ။
ကလေးတစ်ယောက်ဟာ
စာသင်ခန်းထဲမှာ
ဆရာကို ထူးထူးဆန်းဆန်းမေးခွန်းတွေ မေးမယ်။
သာမန်ကလေးတွေနဲ့မတူတဲ့
အပြုအမူတွေ လုပ်နေတယ်ဆိုရင်
ဒီကလေးကို တခြားကျောင်းသားတွေနဲ့တူအောင်
နေခိုင်းမယ်။
ပြောမရရင်
ပြစ်ဒဏ်ပေးပြီး
ဦးချိုးကြတယ်။
ဥပမာတစ်ခုအနေနဲ့ပြောရရင်
ကြမ်းခင်းမှာ ထောင်ထွက်နေတဲ့သံချောင်းတွေ့ရင်
ကြမ်းထဲပြန်ဝင်သွားအောင်
ပြန်ရိုက်သွင်းပေးလိုက်တယ်။
ဒါမှ တခြားသံချောင်းတွေနဲ့
ညီသွားအောင်ပေါ့" တဲ့။
သူက ဆက်ပြောပါတယ်။
သူ ငယ်ငယ်လေးတည်းက
သူ့မိဘတွေနဲ့အတူလိုက်ပါရင်း
အမေရိကန်နိုင်ငံကို ရောက်သွားတယ်။
အဲဒီမှာ ကျောင်းတက်ခဲ့တယ်။
အမေရိကန်ကျောင်းတွေမှာ
မေးခွန်းတွေ ကြံကြံဖန်ဖန် မေးတဲ့ကလေး၊
တခြားကလေးတွေနဲ့မတူဘဲ
ထူးခြားတဲ့အပြုအမူတွေ
လုပ်တတ်တဲ့ကလေးမျိုး တွေ့ပြီဆိုရင်
ဆရာ၊ ဆရာမတွေက
IEP (Individualized Education Plan)
တစ်ကိုယ်ရည်ပညာရေး
အစီအစဉ်ချမှတ်တဲ့အဖွဲ့ကို
အကြောင်းကြားရတယ်။
အဲဒီအဖွဲ့က တာဝန်ရှိသူတွေဟာ
ကျောင်းကို ရောက်လာတယ်။
စိတ်ပညာရှင်လည်း ပါတယ်။
အဲဒီကလေးကို စောင့်ကြည့်တယ်။
စကားပြောကြည့်တယ်။
တကယ်ပဲ ဒီကလေးမှာ
ထူးချွန်နိုင်တဲ့ အရည်အချင်းရှိနေတာတွေ့ရင်
အထူးအစီအစဉ်တွေနဲ့ ကလေးရဲ့
အရည်အချင်းကို မြှင့်တင်ပေးကြတယ်။
ထူးချွန်ပညာရှင် Genius
တစ်ယောက်ဖြစ်လာအောင်
မြေတောင်မြှောက်ပေးကြတယ်။
ဒါကြောင့်လည်း ကမ္ဘာပေါ်မှာ
နိုဘယ်ဆုရှင်အများဆုံးထွက်တာ
အမေရိကန်နိုင်ငံကပါပဲလို့ ရှင်းပြသွားပါတယ်။
( ဗန်းမော်သိန်းဖေ။ မျှဝေလိုသော အတွေးများ။ စာ - ၉၁ )
Click here to claim your Sponsored Listing.
