Feel Fresh Area
Share
ငါတို့ကြားထဲ စည်းခြားနေတာလား?
တိတ်ဆိတ်မှုကိုဖျောက်ဖို့ ယုတ္တိမရှိတဲ့ဟာသတွေ လိုအပ်နေတာလား?
စာတွေပို့ဖို့ ဒီလောက်ထိစဉ်းစားနေရပြီဆို ပေါ့ပေါ့ပါးပါးဖြစ်အောင် မပို့ဘဲ နေကြည့်ကြမလား?
တစ်နေ့နေ့တစ်ချိန်ချိန်မှာ
မင်းကိုယ့်ကိုပြန်လည်ရှာတွေ့သွားနိုင်တာပဲဆိုပြီး
မင်းသွားနိုင်မယ့်လမ်းတစ်လျှောက်မှာ
ကိုယ်ရှိနေသေးကြောင်း သဲလွန်စတွေချန်ထားခဲ့ပါတယ်။
မင်းရဲ့အဝေးဆုံးအထိ ရောက်အောင်မသွားနိုင်တာက
ကိုယ့်ရဲ့အားနည်းချက်တစ်ခုပါပဲ။
လွင့်ထွက်သွားမလားဆိုပြီး
ခနခနဖမ်းဆုပ်ကြည့်မိတဲ့လက်ကလေးကို
ဖြေလျှော့ပြီးတော့ မကြည့်ရဲသေးဘူး
အဲ့ဒီထဲမှာ ဘာမှမရှိတော့မှန်းကိုယ်သိတာပေါ့ကွာ
စိတ်ကူးနဲ့ရူးရတဲ့ အခိုက်အတန့်တွေကလည်း
ပျော်စရာတော့ကောင်းပါတယ်။
တကယ်တော့ မင်းမရှိတော့တာကြာပြီ ......
နတ်ဆိုးတစ်ထောင်နဲ့တိုက်ခိုက်နေရချိန်တွေတုန်းက
ဘာဒဏ်ရာဒဏ်ချက်မှ ကိုယ်မရခဲ့ပေမယ့်
မင်းအဆင်မပြေဘူးကြားရချိန်မှာ
မုန်တိုင်းမိတယ်
သေနတ်မှန်တယ်
ဓါးထိုးခံရတယ်
ကမ္ဘာပျက်တယ် ......
တစ်ခုခုဆို မင်းထိခိုက်မှာကြောက်တယ်
ပြိုကျပျက်စီးတော့မဲ့ တိုက်အိုပျက်ကြီးက
အဝေးကကြယ်လေး လွင့်ကြွေသွားမှာစိုးလို့တဲ့
ရယ်တော့ရယ်စရာပါပဲ
အဲ့ဒီရင်ကွဲနာဟာသတွေ အဆုံးမရှိတဲ့အကြောင်း
မင်းသိနိုင်ပါ့မလား။
ပြန်လာခဲ့ပါလို့ မပြောတော့ဘူး
အမြင့်ကြီးအထိပျံသန်းထွက်ခွာသွားတဲ့
မိုးပျံပူဖောင်းလေးမှာ
မင်းနာမည် တံဆိပ်ကပ်ပြီး
စာလေးတစ်ကြောင်းရေးလိုက်တယ်။
"ဘယ်ကမ္ဘာဆီရောက်ရောက်
နောက်ဆုံးပြန်ကျလာခဲ့ရင်
ကိုယ့်ဆီကိုရောက်လာစေချင်တယ်"
အဲ့ဒီလို ................... ကိုယ်စောင့်နေမှာပေါ့ ။
Crd #ဘုန်းမြင့်ဇော်
ဒန်ပေါက်ထဲက ထမင်းတင် မဟုတ်ပါဘူး ကြက်ပေါင်ပါ အရိုးမကျန် အကုန်စားပစ်တဲ့ ဆရာကြီးပါ 😂
Click here to claim your Sponsored Listing.
