Stars Fade In Our Universe
Share
ဆယ်ကျော်သက်ဒိုင်ယာရီ
ဘဝကိုရုပ်ရှင်ကားတစ်ခုလို ပြန်ကြည့်မယ်ဆိုရင်၊
အိပ်မရတာမဟုတ်ပဲ အိပ်မပျော်တဲ့ညတွေက၊
ဘယ်နှစ်မိနစ်လောက်ရောက်မှ ပြီးဆုံးသွားမှာလဲ ။
အငိုခန်းတွေကိုရော ကံကြမ္မာဆိုတဲ့ …
ဒါရိုက်တာရဲ့အလိုအရ ဘယ်နှစ်ခန်းလောက် …
ရိုက်ပေးနေရဦးမှာလဲ ။
သံချောင်းတွေအပြည့်စိုက်ထားတဲ့ …
ဘဝဇာတ်ခုံပေါ်မှာ ကခုန်နေရတဲ့ …
လူငယ်တစ်ယောက်ရဲ့ နာကျင်နေတဲ့ခြေဖဝါးအောက်မှာ ၊သွေးတွေမဟုတ်ဘူး အိပ်မက်တွေ ၊ ဆန္ဒတွေ ၊ ရည်မှန်းချက်တွေ ။
ဖြစ်ချင်တာမဖြစ်ရပဲ ဖြစ်ချင်တိုင်းဖြစ်နေရတဲ့ …
ဘဝထဲမှာ အချစ်ဆိုတဲ့ခေါင်းစဉ်အောက်က …
လူတွေကိုလက်လွှတ်ခဲ့ရတာလဲ အကြိမ်ကြိမ် ။
စိတ်ကူးတွေက စိတ်ကူးသက်သက်ပဲဆိုတာ …
တကယ်တမ်း လက်ခံလိုက်ရဖို့ …
လောကကြီးမှာ ၂၄နှစ်လောက် ဖြတ်သန်းခဲ့ရတယ် ။
ငယ်ငယ်ကအမေနမ်းမဝခဲ့တဲ့ ပါးနှစ်ဖက်က …
အသက်ကြီးလာတော့ မျက်ရည်တွေအလွယ်တကူ ..
ကျဆင်းနိုင်ဖို့အတွက် လမ်းတွေဖြစ်ခဲ့ရပြီ ။
အဖေမရိုက်ရက်ခဲ့တဲ့ ခြေထောက်နှစ်ဖက်ဟာလဲ …
ကြမ်းတမ်းလွန်းတဲ့ လောကဓံတွေကို …
အံတုနိုင်ဖို့အတွက် တမင်များမရိုက်ရက်ခဲ့လေသလား ။
22.4.2025(12:25)
Yang
Click here to claim your Sponsored Listing.
