Thawtar

"အပြုသဘောဆောင်တဲ့ စိတ်ဟာ အလုပ်တွေကို ပြီးမြောက်စေတယ်"

🔳 Positivity fuels productivity.

ဘဝတစ်ခုကို နေထိုင်ဖြတ်သန်းတဲ့အခါ မျှော်လင့်မထားတဲ့ အထစ်အငေါ့တွေ၊ ပြဿနာတွေ၊ အဖြစ်အပျက်တွေနဲ့ ကြုံရတတ်ပါတယ်။ အနီးစပ်ဆုံး လက်ရှိ ကိုယ့်အနေအထားကိုပဲ ကြည့်။ တစ်ကမ္ဘာလုံး ထင်မထားလောက်အောင် မွှေသွားတဲ့ ကိုဗစ်ကိုပဲ ကြည့်။

ပြောမယ်ဆို ဒါကိုက ဘဝပဲ။ အရာရာ အဆင်ချောနေရင်၊ မျှော်လင့်ထားသမျှ ဖြစ်နေရင် စိတ်ကူးယဉ် ဆန်သွားလိမ့်မယ်။

🔳 ကျောင်းပြီးတာနဲ့ အလုပ်ဝင်မယ်၊ မိဘကို မမှီခိုတော့ဘူး၊ ကိုယ့်ဟာကိုယ် ရပ်တည်မယ် တွေးထားတယ်။ မမျှော်လင့်ဘဲ အဖေဆုံးသွားတော့ ကိုယ်လည်း ကျောင်းပြီးအောင် ဆက်တက်ဖို့ မဖြစ်နိုင်တော့ဘူး။

ကိုဗစ်အပြီး အလုပ်တွေ ပြန်စတော့မယ်၊ တိုးချဲ့မယ် တွေးထားတယ်။ နိုင်ငံရေးပြဿနာ ကြုံတော့ ကြံစည်ထားသမျှ အကုန်ပျက်စီးသွားတယ်။

နေ့စဉ်ဘဝမှာရော ဘာထူးလဲ။ အပြင်သွားတယ်။ ကားပျက်တယ်။ မိုးမရွာလောက်ဘူး ထင်ပြီး ထီးထားခဲ့မိတဲ့နေ့ကျမှ မိုးထရွာတယ်။ ဒါတွေ ကြုံနေကြရတာပဲ။

🔳 အဲဒီအခါ ဘယ်လိုတုံ့ပြန်ကြသလဲ။

တချို့က အပြစ်တင်တယ်။ အခြေအနေကို လက်သင့်မခံဘူး။ ဒီသောက်မိုးကလည်း ငါအပြင်သွားမှ ရွာရသလား။ မင်းကလည်း ကားကို ဘယ်လိုမောင်းနေမှန်း မသိဘူး။ သေချာမှ မစစ်ဆေးတာ။ ပျက်ပြီပေါ့။ သောက်ဘဝကြီးကလည်း ဆိုးလိုက်တာ၊ ဘာလုပ်လုပ်ကို အကျိုးမပေးဘူး။ ဒီလိုတွေ ပြောတတ်ကြတယ်။

တချို့ကျတော့ နောင်တရတယ်။ ငါ ဒီလမ်းက မလာခဲ့မိရင် ကောင်းသား။ အစောကတည်းကသာ ကြိုသိရင် ငါ ဒါကို မလုပ်ပါဘူး။ ငါက အသုံးကိုမကျတဲ့သူပါ။ ဒါမျိုးတွေ တွေးပြီး လက်လျှော့နေမိတတ်ကြတယ်။

🔳 Positivity အပြုသဘောဆောင်တယ် ဆိုတာကတော့ အခြေအနေကို လက်ခံလိုက်တယ်။ အိုခေ ဒါတော့ ဒီလိုဖြစ်သွားပြီ။ အပြစ်တင်နေလို့လည်း အလကားပဲလေ။ ဆဲဆိုနေလို့ ပျက်နေတဲ့ကား ပြန်ကောင်းမသွားဘူး။ သည်းနေတဲ့မိုး ပြန်စဲမသွားဘူး။ ရှုပ်နေတဲ့ ပြဿနာ ပြေလည်မသွားဘူး။ Blame လုပ်တိုင်းသာ ပြေလည်သွားလို့ကတော့ ဘဝကြီးက အင်မတန် သာယာနေမှာပဲ။

ပြီးတဲ့အခါ ဘယ်လိုဖြေရှင်းရမလဲ ဆိုတာကို တွေးတယ်။ ကားပြင်ဆရာ ခေါ်လို့ မီမလား။ ဒါမှမဟုတ် တက္ကစီနဲ့ သွားရမလား။ သူငယ်ချင်းတစ်ယောက်ယောက်ရဲ့ ကားကို ခေါ်ရမလား။ ဒီလို Option တွေ ရွေးပြီး စဉ်းစားမယ်။ ဆုံးဖြတ်မယ်။

ဒီတော့ ကိုယ်နဲ့ ဆက်ဆံရသူတွေရဲ့ ခံစားချက်ကလည်း ကောင်းသွားတယ်။ အပြစ်တင်ခံရမှာ ကြောက်မနေရတော့ဘူး။ လန့်မနေရတော့ဘူး။ တစ်ဖက်မှာ ကိုယ်တိုင်လည်း လုပ်စရာရှိတာ ဆက်လုပ်နိုင်သွားတယ်။

ဒါကြောင့်လည်း ဘဝမှာ Positivity ဟာ သိပ်အရေးကြီးတာ။

🔳 တစ်ခုတော့ ရှိတာပေါ့။ လှည်းဘီးနွံနစ်နေတာကို အတူဝိုင်းမတွန်းဘဲ ကိုယ့်အထုပ်ကလေး ကိုယ်ယူပြီး တခြားလှည်းပြောင်းစီးသွားတာမျိုးကိုတော့ Positivity မခေါ်ဘူး။ အတ္တကြီးတယ်ပဲ ပြောရမယ်။

အခုပြောတဲ့ အကောင်းမြင်စိတ် ဆိုတာကျ လှည်းဘီးနစ်တယ် ကြားရင် စိတ်ပျက်အားလျော့မနေဘဲ ဒါကို ဘယ်လိုဖြေရှင်းမလဲ၊ ငါတို့ ဘယ်လိုဆက်သွားကြမလဲ စသဖြင့် တွေးတာမျိုးကို ဆိုလိုတာပါ။

🔳 ဘဝဆိုတာ ထင်မှတ်မထားတဲ့ အရာတွေနဲ့ ပြည့်နှက်နေပါတယ်။ အဲဒါတွေကို ဘယ်လိုစိတ်နေစိတ်ထားမျိုးနဲ့ ရင်ဆိုင်ကျော်ဖြတ်သလဲ ဆိုတဲ့အပေါ် မူတည်ပြီး လူတစ်ယောက်နဲ့တစ်ယောက်ရဲ့ Productivity, Performance, Progress ဒါတွေ ကွာခြားသွားခဲ့တာ ဖြစ်ပါတယ်။

Learn with PT
12 Aug 2023

ခရီးထွက်တွေထွက်လိုက်တယ် ဆိုရင်လူတိုင်းဟာ စိတ်တွေရှင်းသွားတတ်ကြပါတယ် ကမ်းခြေကိုပဲသွားသွား..တောင်ပေါ်ကိုပဲတက်တက် မြင်ရတဲ့ရှုခင်းတွေ..ပြောင်းလဲသွားတယ် တည်းခိုရတဲ့နေရာထိုင်ခင်းတွေကလည်းပြောင်းလဲသွားတယ် အိမ်နဲ့ဘာမှမတူ တော့ဘူး ..

လပေါင်းများစွာ အိမ်ကနေအလုပ်ကိုသွားတယ် အလုပ်ကနေအိမ်ကိုပြန်လာတယ် ဒီနေရာနှစ်ခုကိုပဲနေ့စဉ်နဲ့အမျှ အပြန် အလှန် သွားနေရတာဆိုတော့ ရက်ကန်းစင်ပေါ်က လွန်းကလေးနဲ့တောင်တူနေပါတော့တယ်

နေ့တဓူဝ လုပ်ငန်းဆောင်တာတွေကြားမှာ..လူက Burnout ဖြစ်လာတတ်ပါတယ်.. ခြေကုန်လက်ပန်းကျလာပါတယ် ဒီလမ်းတွေကပဲ နေ့တိုင်းသွားနေရတယ် ဒီနေရာတွေကိုပဲသွားရတယ် ဒီလူတွေ .ဒီမျက်နှာတွေကိုပဲမြင်နေရတယ်
ဒီ ပစ္စည်းတွေကိုပဲတွေ့နေရတယ် ကြာလာတဲ့အခါမှာအာရုံတွေဟာ ညောင်းညာပြီးရိုးအီလာပါတယ်

နေ့စဉ် ဘဝတွေ ထဲက ခဏလောက် ထွက်ပြေးချင်လာပါတယ်
ခရီးသွားတယ် ဆိုတာ စိတ်လွတ်မြောက်မှုတစ်ခုဆိုတာကိုတော့ အထွေအထူးပြောစရာမလိုပါဘူး

ကျွန်မကတော့ hotel တွေမှာ တည်းခိုရတဲ့အခါ
ပိုပြီး အိပ်ပျော်သလိုခံစားရပါတယ်..
အိမ်မှာဆိုရင် လုပ်စရာ အလုပ် တစ်ခုမဟုတ်.. တစ်ခုကရှိနေတတ်တာကိုး..

နောက်တစ်ခု သတိထားမိတာက..
အိမ်နဲ့ ဟိုတယ်နဲ့
မတူတဲ့ အဓိက အချက်ဟာ..ရှင်းလင်းမှုပဲ ဖြစ်ပါတယ်..
အိမ်မှာက ရှင်းလင်းနေတယ်ဆိုသည့်တိုင် ပစ္စည်းတွေက လိုတာရော..မလိုတာရော အကုန်ရှိနေတတ်ကြပါတယ်

ကိုယ်အမြဲနေထိုင်တဲ့အိမ်ခန်း..အိပ်ခန်းနဲ့ ခဏတစ်ဖြုတ်သွားလာ..တည်းခို
တဲ့ တည်းခိုခန်းကတော့ အခြေအနေချင်းမတူဘူးပေါ့ ဒါပေမယ့်ပြောချင်တာက ရှင်းလင်းသပ်ရပ်မှုဟာ လူတွေရဲ့စိတ်ကိုပါ ရှင်းလင်းစေတယ်ဆိုတဲ့ အချက်ပဲဖြစ်ပါတယ်

ကိုယ့်အိမ်ကိုယ့်ရာကိုယ့်အခန်းထဲမှရှုပ်ပွနေတယ်ဆိုပေမယ့် သားတွေသမီးတွေ..ကစားထားတဲ့ ပစ္စည်းလေးတွေ အမျိုးသားလုပ်သူဖတ်လက်စစာအုပ်တွေနဲ့ မိသားစုဆိုတဲ့အရိပ်အငွေ့ရနေတာကတော့အမှန်ပါပဲ ဒီအငွေ့အသက်တွေကိုတန်ဖိုးထားရမှာဖြစ်ပေမယ့် ရှိသမျှ ပစ္စည်း အစုတ်
အဟောင်းတွေအားလုံးကို ဘယ်တော့မှမလွှင့်ပစ်ဘဲ..သိမ်းထားဖို့ဆိုတာကတော့မဖြစ်နိုင်ပါဘူး ဖြစ်လည်းမဖြစ်သင့်ပါဘူး

တခါတလေ ကျွန်မတို့ အိမ်တွေမှာက
အိပ်ရာခေါင်းရင်းမှာစာအုပ်တွေပုံနေတတ်တယ်
သောက်ပြီးသားရေသန့်ဘူးတွေ မပစ်ဘဲ ထား..ထားမိတယ်
ရေချိုးခန်းထဲမှာ သုံးတာရော..မသုံးတာရော ..
ရက်ကုန်နေတာ..လက်ဆောင်ရတာ..
အကုန်လျှောက်ဝယ်..သိမ်းထား။
လွှင့်လည်းမပစ်..သူများလည်းမပေးဒီတိုင်းဘဲ တပုံပုံဖြစ်နေတဲ့ Shampoတွေ.. ဆပ်ပြာတွေ စကင်းကဲတွေ..ရှိနေတတ်တယ်.. မှန်တင်ခုံမှာလည်းထိုနည်းလည်းကောင်းပဲ ဆေးခြောက်နေတဲ့လက်သည်းနီတွေ
ပြုတ်ထွက်နေတဲ့ ဆွဲကြိုးအပြတ်စလေးတွေ တန်းလန်း..တန်းလန်းနဲ့ချိတ်ထားတဲ့ ဘီးကုပ်တွေ ခေါင်းစည်းတွေ ..။
စာကြည့်စားပွဲပေါ်မှာ..
အံဆွဲထဲမှာ..
အဝတ်ဗီရိုထဲမှာ..စုပြုံ ကျပ်ပိတ်သိပ်နေတယ်
တချို့အိမ်တွေမှာဆို..ကြွက်သိုက်တွေလို ဗြုတ်စဗျင်းတောင်းဖြစ်နေတတ်ကြတယ်..

သုတေသနပြုချက်အရ
Cluttered Home can also lead to mental clutter..တဲ့..
ရှုပ်ပွနေတဲ့..အိမ်ကြီးတစ်လုံးဟာ..
ရှုပ်ထွေးနေတဲ့
စိတ်အစဉ်တန်းကြီးကိုလည်း ဖြစ်ပေါ်စေနိုင်ပါတယ်..တဲ့..

ရှုပ်ပွနေတဲ့ ပစ္စည်းတွေကို
ကိုမမြင်ရတဲ့အခါမှာ
စိတ်ရှုပ်တာတွေလည်းအလိုလိုပျောက်သွားတတ်ပါတယ် ဒါကြောင့်စိတ်ကိုရှင်းချင်တယ်ဆိုရင် ကိုယ်နေထိုင်ရာ..အိပ်စက်ရာ..အလုပ်လုပ်ရာ
ပတ်ဝန်းကျင်ကိုပါ
ရှင်းလင်းသွားအောင် အရင်ဆုံးပြုပြင်ပေးဖို့လိုအပ်ပါတယ်
Declutter your physical environment.

လူအမြဲနေထိုင်တဲ့အိပ်ခန်းတစ်ခုဟာ
ဟိုတယ်ခန်းတစ်ခုလို သပ်ရပ်နေဖို့ဆိုတာတော့ မဖြစ်နိုင်ပါဘူး..ဒါပေမယ့် ကိုယ်နေထိုင်တဲ့ပတ်ဝန်းကျင်က ပစ္စည်း
တွေကို တတ်နိုင်သလောက် သပ်ရပ်ရပ်ထားဖို့အတွက်ကိုတော့ ကြိုးစားဖို့လိုပါတယ်

ကျွန်မဆိုရင်စိတ်တွေရှုပ်လာတာနဲ့ အိမ်ကိုထပြီးရှင်းပစ်လိုက်တယ်

အဓိကအားဖြင့်တော့ ကိုယ်အမြဲနေတဲ့..အသုံးပြုနေတဲ့ နေရာတွေပေါ့ စာရေးတဲ့နေရာ..အိပ်ခန်း.. အဝတ်ဗီဒို စာကြည့်ခန်း စသည်ဖြင့်ပေါ့..
စိတ်ညစ်နေလို့ အမှိုက်ပုံထဲမှာ ထိုင်နေရင် ပိုစိတ်ညစ်လာဖို့ပဲရှိတယ်..

အိမ်ကျယ်ကျယ်မှာ မှာနေပြီး..အခန်းအပိုတွေအများကြီးရှိတဲ့သူ အတွက်ကတော့မလိုချင်တော့တဲ့
မသုံးတော့တဲ့. မကြည့်ချင်တော့တဲ့ ပစ္စည်းတွေကို အခန်းတစ်ခုထဲပိတ်ထည့်ထားလိုက်ဖို့လွယ်ပါတယ် နေရာကျယ်ကျယ်မရှိဘူးဆိုတဲ့သူတွေကတော့ နောက်ထပ်မလိုတော့တဲ့
ပစ္စည်းတွေကိုနောက်ထပ်ဝယ်ပြီး သိမ်းနေမိတာမျိုး မလုပ်ဖို့ကြိုးစားနိုင်ပါတယ်

တစ်မျိုး..စဉ်းစားကြည့်မယ်ဆိုရင် အစုလိုက် အပြုံလိုက်ဖြစ်နေတဲ့ထဲက ယပ်တောင်တစ်ချောင်း ဂျာနယ်အဟောင်းတစ်စောင်
Stapler စာရွက်ချုပ်စက်ကလေးတစ်ခု
ကတောင် ကျွန်မတို့အလကားရခဲ့တာမဟုတ်ဘဲ ပိုက်ဆံနဲ့ပေးဝယ်ခဲ့တာတွေဖြစ်ပါတယ်
အရာအားလုံးဟာ ပိုက်ဆံတွေချည်းပါပဲ စျေးကြီးကြီးပေးခဲ့ရတာရှိတယ် စျေးပေါတဲ့ ပစ္စည်း တွေလည်းပါတယ်..

ဘယ်လိုပဲဖြစ်ဖြစ် သွားကြားထိုးတံလေးတစ်ချောင်းကိုတောင် ပိုက်ဆံပေးပြီးဝယ်ခဲ့ရတာပါလားဆိုတဲ့စိတ်မျိုးဝင်လာရင် သုံးခဲ့မိတဲ့ဒီပိုက်ဆံတွေ အတွက် နှမျောတသ ဖြစ်မိမှာပဲဖြစ်ပါတယ်

ပစ္စည်း တွေကကျွန်မတို့အနားမှာစုပုံနေတတ်ကြတယ်
ဒါတွေအားလုံးဟာ
အလကားရခဲ့တယ်ဆိုရင်တောင်မှ ဒါတွေ
ဖြစ်ပေါ်လာတဲ့ ထိုလုပ်မှုကုန်ကျစရိတ် အဆင့်ဆင့်တွေ ရှိခဲ့တာပဲဖြစ်ပါတယ်

ဒါကြောင့် မလိုအပ်သေးတဲ့
ပစ္စည်း တွေကိုဝယ်ယူအသုံးပြုခြင်းမလုပ်တာဟာ လူသားအရင်းအမြစ်နဲ့ စွမ်းအင်တွေကို ခြွေတာရာရောက်သလို ကျွန်မတို့နေထိုင်တဲ့ Living Space တွေကိုလည်း ပိုပြီးအသုံးချရာ ရောက်ပါတယ်

ကျွန်မရဲ့မိတ်ဆွေမိသားစုတစ်စုဟာ တိုက်ခန်းကျဉ်းလေးထဲမှာနေကြပါတယ် ဒါပေမဲ့..သူတို့အခန်းလေးထဲရောက်လို့ရှိရင် ရှင်းရှင်းလင်းလင်း သပ်သပ်ရပ်ရပ် လှလှပပပ..စည်းကမ်းတကျလေး..

သူတို့အခန်းလေးထဲ ရောက်သွားတဲ့အခါ အိမ်ရှင်အမျိုးသမီးကို
မချီးကျူးဘဲ မနေနိုင်ဘူး..
ကိုယ့်ရဲ့နေထိုင်ရာ အဝိုင်းအဝန်း Living Space ကို တန်ဖိုးထားတတ်တဲ့ အိမ်ရှင်မဟာ အိမ်နဲ့မိသားစုအပေါ် စိတ်အာရုံအပြည့်အဝရှိတယ်ဆိုတာ သူ့အိမ်ခန်းကလေးကို ကြည့်ရုံနဲ့ သိသာနေလို့ပဲ ဖြစ်ပါတယ်..

စိတ်ရှင်းချင်တယ်ဆိုရင် ကိုယ်နေ့စဉ်နေထိုင်ရာပတ်ဝန်းကျင်ကို အခါအားလျော်စွာရှင်းလင်းပေးနေဖို့ လိုအပ်ပါတယ်
Do your best to keep things tidy.

ဘာသာတရားတိုင်းဟာလည်း သပ်ရပ်သန့်ရှင်းမှုကို လိုလားပါတယ်..
ဒါဟာ မင်္ဂလာ တရားတော်နဲ့အညီ နေထိုင်ခြင်းလည်း ဖြစ်ပါတယ်..

စိတ်ကို အပြောင်းအလဲလေးတွေဖြစ်ချင်တယ်ဆိုရင်တော့
နေ့စဉ် မြင်နေကျ
မြင်ကွင်းတွေကိုပါ ပြောင်းလဲ နေရာချပေးနိုင်ပါတယ်..
Redecorate and/or rearrange your space.
အထားအသိုလေး နည်းနည်းလောက်ပြောင်းလဲလိုက်တာဟာလည်း..
စိတ်ကိုအသစ် Refresh ဖြစ်လာစေပါတယ်တဲ့..

မွန်ဟော်စီ
၂၀၂၀









Photo
Pinterest