Kham Hti Development

ခမ်းထီရေꩻ ဆဲင်ႏတွမ်ႏပါမုဲင်ꩻ
****************************
ကာကအဝ်ႏ ရိုႏသေႏဂါရဝဒျာႏသွူသြ။
မြန်မာခမ်းကို ပအိုဝ်ႏလိုꩻမျိုꩻယို အဝ်ႏပါသော့ꩻ ခမ်းရင်ꩻသား တိုင်းရင်းသား လိုꩻမျိုꩻတမျိုꩻနေနေသွူ။

ကွယ်ႏတွော့ꩻ ယိုခါမြန်မာခမ်းကို အဝ်ႏသျုတ်တရိန်တဗွန်းတွမ်ႏ ခမ်းထီရေꩻတဲင်
ပအိုဝ်ႏလိုꩻမျိုꩻအွဥ်ႏငါခေါင်းဆောင်တန်သီးဖုံႏ အဝ်ႏဆွန်ꩻစွီႏလွေꩻ နုဲင်ႏငံႏတောႏအစိုႏရတဲင်

ပအိုဝ်ႏဒေႏသ အကူꩻအနာႏဖုံႏယို
နေႏတွမ်ႏ လိုꩻမျိုꩻအာႏရဲင်ꩻတဲင် ထူႏတာႏဝွန်ႏကိုဗာႏ
လုမ်းဗဲဥ်ႏရေꩻဖုံႏသွူ။

ကထူႏတာႏဝွန်ႏဒါႏဖုံႏယို
မိဥ်ႏလိုႏအပ်လွဥ်နဝ်ꩻ ပအိုဝ်ႏစွုမ်ႏလမ်း စွုမ်ႏပါႏ
စွုမ််ႏဖြာꩻ ပါꩻဝင်ႏသော့ꩻဗာႏ အကျောင်ꩻ
သေထွꩻဗာႏနဝ်ꩻသွူ။

ကဟဝ်ယံကျꩻငါႏ ပအိုဝ်ႏခမ်းသားမွိုးဖါလိုꩻထုယို
ဟွိုန်ဟဝ်ငါႏထာꩻငိမ်ꩻချံꩻ ထာꩻလွောင်ႏဗူႏတဲင်
အွဥ်ႏငါသား ကအွဥ်အတွိုင်ꩻ အဝ်ႏလွောက်ꩻနာႏလွေꩻဒျာႏနဝ်ꩻသွူ။

နဝ်ꩻမꩻတဲင် ပအိုဝ်ႏဒေႏသ အကို
ပအိုဝ်ႏထိန်ꩻထွားခွင်ꩻအစဲစ်အမဲဥ်ႏဖုံႏယို
အဝ်ႏလိုႏဒဲ့ꩻထူႏပါငါႏသွူ။

ပအိုဝ်ႏအပွုံႏစံႏ
ပအိုဝ်ႏအပွိုင်ဆင်
ပအိုဝ်ႏအလွောင်ႏလွိုးအငုဲင်ꩻ
ပအိုဝ်ႏထုံႏစံႏ ဥပဒေႏ
အဝ်ႏလိုႏတဲႏဆို့ꩻတိဥ်ႏတိဥ်ႏငါႏနဝ်ꩻသွူ။

ပါꩻထီႏဖွီဒျာႏ သွဥ်းသီးစွိုးခွိုꩻစဲ့ꩻသားဖုံႏ
သီနဝ်ꩻ တမုဲင်ꩻမုဲင်ꩻတမွေးတဝ်း
အဝ်ႏဒျာႏ ဝင်ꩻစူခြဲမ်ဆꩻလ

ဝင်ꩻတိတ်နျꩻငဝ်းငွါဖုံႏ ပါꩻ ခွယ်ꩻချာꩻ
အဆင်ႏရန်းတဲင် ကသွုပ်ဆံႏဒါႏ
နီခွိုꩻရက်စဲ့ꩻသားဖုံႏယို

နီခမ်းသားတမဲဥ်လꩻတဝ်း တမဲဥ်ထီႏတဝ်း ကောကထွာဒါႏ အွဥ်ႏငါသားသီး အဝ်ႏလိုႏယူႏခူခူထာꩻအကျောင်ꩻတဲင်

ခမ်းထီရေꩻယိုနဝ်ꩻ ဆဲင်ႏတွမ်ႏပါမုဲင်ꩻ

ဆဲင်ႏတွမ်ႏခွန်
ဆဲင်ႏတွမ်ႏခမ်းသား

နေးတွမ်ႏစေးတနာႏ လဝ်းဟွိုန်ဗာႏနဝ်ꩻသွူ။