Longpa

မတွေ့တာကြာတော့
မေ့ချင်သလိုလို ဖြစ်နေတတ်တဲ့
ဆက်ဆံရေးမျိုးနဲ့ကြုံရင်တောင်
ကျနော် ပြုံးတတ်နေပါပြီ။

ကမ္ဘာပြားမယ့်အချိန်ကို
စောင့်နေတယ်၊
မင်းနဲ့ လက်လှမ်းမမှီတဲ့
အစွန်အဖျားကိုရောက်အောင်
သွားမလို့၊
ပြီးတော့၊ မင်းနဲ့လွဲခဲ့သမျှကို
သွား ရီ ဦးမယ်။

အမှားပါမိမှာ ကြောက်တဲ့စိတ်နဲ့
စကားနည်းနည်းပဲပြောပါတယ်၊
'အ' တယ် ထင်ရင်လည်း ထင်ပါ
ဆက်ဆံရေးတိုင်းမှာ
မရိုင်းချင်တော့တာ အမှန်ပါ။

ဒဏ်ရာရှိရင် ဆေးရှိတယ်၊ တဲ့
မယုံ နဲ့ ၊
မယုံမိစေနဲ့
ဆရာဝန် ကုမရတဲ့
ဝေဒနာ ကြောင့် အသည်းကွဲနေတဲ့
သူတွေ အများကြီးပဲ။

ဘယ်နေရာမှ ဈေးကြီးပေးဝယ်လို့
မရတဲ့ အရာဟာ
မေတ္တာ ပါပဲ။
နည်းတယ် များတယ် ဆိုတာ မရှိဘူး၊
အပြုံးတစ်ပွင့် က အစ၊
စကားတစ်ခွန်းက အဆုံး
မေတ္တာပါတယ်။